Usyk beat Fury via split decision to become undisputed heavyweight champion

Tyson Fury suffer a split-decision points defeat to Oleksandr Usyk on a dramatic night for Saudi Arabia as di Ukrainian become boxing first four-belt undisputed heavyweight champion.

Ontop grand stage and for night wey define legacy, Fury start well but dem give am a standing 10 count and di bell save am afta knack anyhow for di ninth round.

Di scorecards give 115-112 and 114-113 decisions in favour of Usyk, while di third judge give 114-113 to Fury.

E mean say Fury, wey be 35 years lose for di first time inside im 16-year professional career.

E go get an immediate opportunity for revenge wit a rematch wey dem don plan for later dis year.

"I believe say e win some of di rounds, but I win di majority," Fury wey no wan greet ok inside di ring.

"Na one of di most foolish decisions in boxing. I go come back."

Usyk don take di WBC belt from Fury, to add to im WBA, WBO and IBF collection.

Di 37-year-old remain unbeaten and na di first boxer in almost 25 years to stand tall as sport only heavyweight world champion.

"Thank you so much to my team. Na big opportunity for my family, for me, for my kontri. Na great time, na great day," Usyk tok.

"Yes, of course. I dey ready for a rematch."

Tyson Fury and Oleksandr Usyk jam inside ring for Saudi Arabia on Saturday for wetin dem dey call di sper fight.

Dis fight combine all di heavyweight championship belts for di first time in 24 years to become di undisputed heavyweight champion.

35 year old Fury na di WBC Champion and di 37 year old Usyk from Ukraine get di WBO, WBA, IBF and Ring magazine titles.

Fury bin dey undefeated for 35 fights wit one draw while Usyk get 21 wins from 21 fights.

Wen Usyk bin dey di cruiserweight for boxing, e bin earn di title dia too for undisputed champion.