Nigerian child dancer wey im barefoot video go viral meet Camilla

Camilla meet Anthony Mmesoma Madu

Wia dis foto come from, PA Media

Wetin we call dis foto, Anthony Mmesoma Madu , wey win one scholarship to di Birmingham school, go soon appear for one Disney documentary

Camilla, di Queen Consort meet one young Nigerian ballet dancer wey get a scholarship afta im video go viral.

One video of Anthony Mmesoma Madu wia im dey dance barefoot in di rain for Lagos get pass ova 16 million views.

Camilla speak wit di 13-year-old, during one visit to Elmhurst Ballet School for Birmingham.

She wish di second-year student luck wit one forthcoming Disney documentary wey wan tell im tori.

Anthony Mmesoma Madu

Wia dis foto come from, PA Media

Wetin we call dis foto, Di young dancer win di hearts of social media users wit one video of am dey dance in di rain

Wen she ask am if e don always like to dance, di young star reply: "Yes, since I bin dey five years old."

"e get to grip wit you, you no fit let am go - good luck," Camilla reply.

Camilla meet ballet school pupils

Wia dis foto come from, Frank Augstein/PA Wire

Wetin we call dis foto, Di Queen Consort meet excited students for di specialist ballet school

Disney bin announce documentary about di boy, wey im family dey live on di edge of di Nigerian capital, for September.

Speaking afta di visit, Anthony say im don adapt well to life for di UK, even as im find am "still quite cold".

Camilla on stage for Birmingham wit ballet students

Wia dis foto come from, PA Media

Wetin we call dis foto, Di Queen Consort stand on stage wit students during her visit to di Elmhurst Ballet School

"My dancing dey go well, e dey really, really great, and I dey really enjoy am," e tok.

"I just hope say younger dancers from anywia around diworld... I just hope to inspire dem to pursue dia dreams and never give up," e add am.

Di Queen Consort, wey be patron of Elmhurst, unveil one plaque during her visit to mark di school centenary, and speak to oda students, staff and alumni.

Queen Consort Camilla unveil one plaque

Wia dis foto come from, PA Media

Wetin we call dis foto, Di Queen Consort unveil one plaque to mark di ballet school centenary

Later in di day she visit Southwater Library for Telford to thank charity volunteers for dia outreach work, including East Shropshire Talking Newspaper and one food bank.

She also unveil one plaque wey she place on a veteran trail for di nearby Town Park.

Chair Erica Hanson-McKenzie say di trail represent one "forgotten community" of living veterans.

"Dis plaque mean so much to me dat wen dem tell me about am, honestly, I almost cry," she add.

Skip YouTube post
Allow Google YouTube content?

Dis article contain content wey Google YouTube provide. We ask for una permission before anytin dey loaded, as dem fit dey use cookies and oda technologies. You fit wan read di Google YouTube cookie policy and privacy policy before accepting. To view dis content choose 'accept and continue'.

Warning: Di BBC no dey responsible for di content of external sites. YouTube content fit contain adverts.

End of YouTube post