د مديترانې سمندرګي خطرناکې اوبه

مرستندویه او خيريه ادارې خبرداری ورکوي چې د کډوالۍ په اړه د اروپايي ټولنې د قانوني لارو چارو سختېدا د لا ډېرو کډوالو د مړينې لامل شوی چې د مديترانې له لارې له لیبیا اروپا ته د اوښتو هڅه کوي. اوس د بشري مرستو هغو بېړیو شمېر هم کم شوی چې مدیترانې سمندرګي کې د کډوالو ژغورلو لپاره ګزمې کوي. دلیل هم دا دی چې ځينو حکومتونو يې پر وړاندې خپل بندرونه تړلي دي.