تصویرونه: هند، د اور ګاډي مساپر له نظره

دې لپاره چې انټرنېټ مو لږ مصرف شي، یوازې متن ولولئ

۱۳ زمری ۱۳۹۷ - ۴ اګست ۲۰۱۸

شانو بابر په ریل ګاډي کې له سفره ډېر خوند اخلي. کله یې چې خپل سفرونه مستند کړل، ژر ورسره نور هم ملګري شول.

Mr Babar and his friends take a "selfie" while looking out of the window from a train. — د عکس تشریح، شانو بابر پنځه کلن و، چې لومړی ځل یې اورګاډي کې سفر وکړ. وروسته یې دا د ټول عمر لپاره په یوه مینه بدل شو. پوهنځي کې و، چې لومړی ځل یې د خپل سفر یاداشتونو لیکل پیل کړی. دغه سیلفي ۲۰۱۵ کال کې د سویلي کیرالا ایالت مرکز تریواندروم په یوه تم ځای کې اخیستل شوی دی..

A train with brightly coloured coaches. — د عکس تشریح، شانو بابر د ۲۰۱۵ کال مارچ میاشت کې پر انسټاګرام پاڼه د خپلو سفرونو په هکله د معلوماتو خپرولو لپاره د @windowseatproject یا کړکۍ څنګلورې څوکۍ په نامه حساب پرانیست. دغه تصویر هم د همدې پاڼې برخه و، چې رنګارنګ ارناد ایکسپریس کې د سپرلۍ پر مهال اخیستل شوی دی. د ګاډي هر واګون له بېلا بېلو رنګونو سره رنګول شوی دی او بېلا بېل سوداګریز اعلانونه پرې کښل شوي دي.

Passengers crowd the inside of a luggage compartment in a local train in Kolkata. — د عکس تشریح، د همدې ۲۰۱۵ کال اګست کې نورو انسټاګرام کاروونکو د نوموړي پاڼه ټګ کوله او په اورګاډي کې د خپلو سفرونو تصویرونه یې له همدې هشټګ سره خپروول. ښاغلی بابر د کلکتې یوه اورګاډي دغه تصویر په تړاو وايي، له ګڼې ګوڼې په ډک واګون کې ستړي ستومانه مزدوران په داسې حال کې لیدل چې ارام کوي، ذهناً انسان ته خوښي ورپه برخه کوي.

Milk cans are tied to the outside of a train as milkmen peep out of the doors. — د عکس تشریح، د بابر پاڼه د نورو ګډونوالو له تصویرونو سره په یوه تصویري زېرمتون بدله شوه. ښاغلی بابر وايي، ځايي مالدار له کلیو نه ښارونو ته په اورګاډي کې په دې توګه د غواوو او مېښو شېدې لېږدوي، ځکه په ګاډي کې دننه د دومره ډېرو ډبو لېږد لپاره ځای نه موندل کېږي.

Two men sleep next to each other on a lower berth. — د عکس تشریح، دغه دویم ځل شریک شوی تصویر د اورګاډي سفرونو یو بل اړخ راښيي، چې معمول دی. دې سفرونو کې داسې هم کېږي، چې ګاډي ته له ختلو وروسته ټکټ تایید شي او دوه کسان پر یوه بستر ډوله څوکۍ سفر کوي. دغه تصویر کې دوه سړي وینو، چې د سفر بهیر کې پر یوه بستر ډوله څوکۍ خوب کوي.

A family feasts on roti, rice and curries on a train. — د عکس تشریح، د هند لر او بر کې د اورګاډي مساپر معمولاُ له ځان سره کور کې پاخه شوي رنګارنګ خواړه هم لېږدوي. ښاغلی بابر وايي، دې خوړو کې وریجې او له رنګارنګ مسالو ډک ځايي خواړه شامل وي، چې مساپر یې د لارې اوږدو کې خوري.

Passengers crowd the entrance to a train. — د عکس تشریح، پر @windowseatproject د هرشیتا مهاجن یو تصویر چې ۲۰۱۵ کال کې یې د ډیلي نظام الدین اورګاډي تم ځای کې اخیستی و، دویم ځل خپور شوی دی. اغلې مهاجن سره یوه لویه کمره وه، چې د ناستو مساپرو پام یې ورواړاوه. هغه وايي، 'د دوی توجه او تجسس مې پام ورواړاوه.'

Passengers playing cards on a train. — د عکس تشریح، بابر وايي، دې مساپرو یو بل نه پېژندل، نه یې یو بل ته خپل نومونه ښوولي وو، خو د لارې اوږدو کې یې د قطعو یا پرو لوبه پیل کړه او خوږو ملګرو په څېر یې د لوبې تر څنګ خندل او خواله یې کاوه. دی وايي، ځکه یې خپله لوبه کې برخه وانخیسته، چې د تصویرونو اخیستلو پر مشغولا بوخت و.

A woman peers out of a moving train, looking for her stop. — د عکس تشریح، د ښاغلي بابر په خبره، دغه سپین سره مېرمن ځکه یو څه اندېښمنه معلومېده، چې یو شمېر نالوستي هندیان د تم ځایونو لوحې نه شي لوستلای او دې سره ښايي اندښنه وه، چې کور ته له نژدې تم ځایه تېره نه شي.

A dog sits on the lower berth inside an air conditioned car in the train. — د عکس تشریح، دیویا ډوګر چې له پلازمېنې ډیلي یې د همالیې پر لور د سفر پر مهال دغه تصویر اخیستی، وايي: موږ له خپلو ګرانو کوچنیانو سره فرسټ کلاس یا لومړۍ درجه برخه کې سفر کوو. د اغلې ډګر تصویرونه پر دغه پاڼه یوازیني هغه دي، چې له کورنیو حیواناتو سره اخیستل شوي دي.

The top of a train is crowded with men as it speeds along dirt roads. — د عکس تشریح، د بابر په وینا کله داسې هم کېږي، چې په واګونونو کې له ځای نه موندلو وروسته خلک د ریل ګاډي پر چت سفر کوي او کله چې اورګاډی تونل ته رسېږي، ټول مساپر په یوه غږ سرونه ټیټوي.