د عکسونو البوم: ننګرهار کې د کرېکټ لوبغاړو د غر ختنې تمرين پيل کړی

د افغانستان يو شمېر کرېکټ لوبغاړي په ننګرهار کې د غر ختنې تمرين کوي. دغه لوبغاړي هره اوونۍ یو ځل د غرونو لوړې څوکی ته ځي. دغه عکسونه ميلاد حميدي له ننګرهار ولايته رالېږلي دي.

غره ته ختل
د عکس تشریح، دغه لوبغاړي په هره اوونۍ کې یو ځل د غرونو لوړې څوکی ته ځي.
غره ته ختل
د عکس تشریح، لوبغاړي غره ته د ختلو پلان د شپې لخوا نیسي او د سهار په ۷ بجو د ټاکل شوی غره پر لوري حرکت کوي.
غره ته ختل
د عکس تشریح، ډېری وخت دغه لوبغاړي د سره رود ولسوالۍ اړوند د ډرونټې په غرونو کې دغه تمرین کوي دا ځکه چې دغه غرونو د امنیت له پلوه په امن کې دي.
غره ته ختل
د عکس تشریح، دغه لوبغاړي په هر ځل د ځمکې له سطحې تر ۳ زرو مترو لوړه ځي. دوی په هرو ۳۰ دقيقو کې یوه لنډه دمه کوي.
غره ته ختل
د عکس تشریح، د افغانستان د کرېکټ ملي لوبډلې پخواني غړی او په ننګرهار کې د کرېکټ اکاډمۍ روزنکی هستي ګل عابد وایی، د غره ختنې تمرین ډېر ستونزمن وي که له احتیاطه کار وانه خیستل شي نو شاید د لوبغاړو بدن کې ستونزې پیدا کړي.
غره ته ختل
د عکس تشریح، د افغانستان د ۱۹ کلنو د کرېکټ لوبډلې يو روزونکی رحمان منګل وايي غره ته ختل يو ښه سپورت دی. د نوموړي په وينا په نورو هېوادونو کې د کرېکټ لوبغاړي په کوچنيو غونډيو او غرونو خېژي.
غره ته ختل
د عکس تشریح، غره ختوونکي له ځان سره یو شمېر خوارکي مواد هم اخلي چې د دمې په وخت کې تری ګټه اخلي.
غره ته ختل
د عکس تشریح، د افغانستان کرېکټ ملي لوبډلې غړی کریم صادق وایي غره ته ختل له ګواښونو ډک دي خو وايي "دا تمرین ځکه کوم چې د خپل بدن فزیکی حالت عادي وساتم چې په نړیوالو ډګرونو کې د افغانستان لپاره لاسته راوړنې ولرم."
غره ته ختل
د عکس تشریح، غرته ختل يو په زړه پورې ورزش دی چې د نړۍ په ډېری هېوادونو کې يې خلک ترسره کوي
غره ته ختل
د عکس تشریح، د غره ختنې لوبه په افغانستان کې دومره دود نه لري خو مینه وال یې ډېر دي.