د وينې سرو حجرو جوړول: بريتانيا کې يې ساينسپوهان لابراتوار کې ازمويي

بريتانيا کې ساينسپوهان د نړۍ لومړۍ داسې کلينيکي ازموينه کې برخه اخلي، چې د وينې سرې حجرې په کې لابراتوار کې جوړې شوې، او بيا د انسان بدن ته ورلېږدول شوې ده.

د جوړې شوې وينې حجرو ته د بسپنه ورکوونکو د حجرو له ريښو وده ورکړل شوې ده.

ساينسپوهان باور کوي د دغې جوړې شوې وينې حجرې ښايي د هغوی لپاره درملنه کې يو اوښتون وي، چې د وينې له بې نظمۍ او ګډوډۍ کړېږي، کله چې د بسپنې داسې پوره وينه نه شي موندل کېدی، چې د ناروغانو د وينې له بڼې سره سمون ولري.