سايبېريا کې ځنګلي اور

امريکا کې ځنګلي اورونه چې د تودې او لا وچې هوا له امله خورا لويې ساحې ته پراخ شوي، د اقليمي بدلون له امله يې پېښدونکي خطرونه لا روښانه کړي دي.

خو امريکا يوازې نه ده، چې د تودېودونکې مځکې له ويجاړوونکو پايلو کړېږي. سايبېريا کې هم ځنګلي اور په ريکارډ کچه شين کوريز ګازونه وباسي او د نړيوالې تودوخې لامل کېږي. دې سيمه کې اورونه ان د شمالي قطب تر کړۍ پورې پراخې سيمې ته غځېدلې دي.

د بي بي سي مسکو خبريال سټيو روزنبورګ له سايبېريا يو لړ ځانګړي راپورونه چمتو کړي. سټيو د روسيې شمال ختيځ کې ياکوتيا سيمې ته سفر کړی، چې، هم يې پر ځايي ټولنو او هم يې پر ټوله مځکه د دغو اورونو اغېزې وګوري.