د پاکستان د بشري حقونو کمیسیون د علي وزیر د خوشې کولو غوښتنه کړې

پاکستان کې د بشري حقونو کمیسیون د پارلمان او د پښتون ژغورنې غورځنک د یوه غړي د خوشې کولو غوښتنه کړې چې د یکشنبې پر ورځ د پوځ لخوا ونیول شو.

علي وزیر له نورو پښتنو فعالانو سره په شمالي وزیرستان کې لاریون کاوه چې په یوې پوسته کې د سرتیرو لخوا پرې ډزې وشوې.

لاریون کوونکي ادعا کوي چې پوځ یې پنځه کسان وژلي. پوځ بیا تاکید کوي چې د دوی پر پوستې برید شوی وو او وايي په ځوابي برید کې یې درې کسان وژلي.

تر هغه وروسته د پنځه تنو نورو مړي هم موندل شوي. له یوه کاله ډیره موده وشوه چې د پښتون ژغورنې غورځنګ پوځ له بشري حقونو په سرغړونې تورنوي او د حق غوښتلو کمپاین یې پېل کړی.

خدای نور ناصر له اسلام اباده نور جزیات وړاندې کوي.