د لندن ښاروال صادق خان په پاکستان کې

دې لپاره چې انټرنېټ مو لږ مصرف شي، یوازې متن ولولئ

۱۸ لیندۍ ۱۳۹۶ - ۹ ډیسمبر ۲۰۱۷

د لندن ښاروال صادق خان د هند له سفر وروسته پاکستان ته تللی، نوموړی په دغه سفر کې له بیلابیلو خلکو او هنرمنانو سره لیدنې لري.

لندن میئر — د عکس تشریح، د لندن ښاروال د هند له سفر وروسته پاکستان ته تللی دی.

صادق خان — د عکس تشریح، صادق خان د برتانیا اوسنی یوازنی سیاستوال دی چې د واګه بندر له لارې له هند څخه پاکستان ته پلی تللی، پاکستان کې هغه ته د درناوي مراسم په ځای شول.

لندن میئر — د عکس تشریح، صادق خان پاکستان ته تر تلو وروسته د لاهور له ښاروال سره ولیدل او بیا دواړه یو ځای د علامه اقبال مزار ته لاړل او د هغه پر مزار یې دوعا وکړه.

لندن میئر — د عکس تشریح، د علامه اقبال تر زیارت وروسته صادق خان بادشاهي مسجد ته هم لاړ، له لاهور وروسته صادق خان د جمعې په ورځ کراچۍ ته روان شو او هلته د قاید (محمد علي جناح) مراز ته ورغی.

لندن میئر — د عکس تشریح، د لندن ښاروال د میلمونو لپاره په ځانګري کتاب کې خپل نظر ولیکه.

صادق خان — د عکس تشریح، د صادق خان په درناوي کې د پنحاب سر وزیر یوه کلتوري ننداره جوړه کړی وه.

صادق خان — د عکس تشریح، صادق خان د غونډې ګډونوالو ته وینا هم وکړه.

د عکس تشریح، د لندن ښاروال په دې سفر کې د مومنه مستحسن او علي ظفر په ګډون له ځینې پاکستاني هنرمندانو سره هم ولیدل.