مدرسو تر اوسه پورې د حکومت غوښتنه نه منله او له نوم ليکلو يې ډډه کوله .

پاکستان کې دناندرييزو مدرسو چلونکو موافقه کړې چې د سږ کال تر پايه به له حکومت سره خپلې مدرسې راجسټر کوي.

په لندن کې له بمي بريدونو وروسته پر پاکستان فشار ډېر شو چې مدرسې دې دولت کنترول کړي .

په لومړي سر کې د مدرسو چلوونکو له راجسټر کېدو يا نوم ليکلو سره مخالفت کړى وو خو اوس يې ويلي چې حکومت د دوى غوښتنې منلي دي .

د مدرسو چارواکي وايي د دوى غوښتنه دا وه چې حکومت دې د دوى د فعاليتونو په باب معلومات نه غواړي .
دغه راز مدرسو نه غوښتل چې حکومت ته د خپلو مالي سرچينو حال ووايي .