 | | | دا څېړنې په موږکانو شوې دي . |
په برتانيا کې پوهانو د لومړي ځل لپاره د يوه بشپړانساني کروموزوم ډېره برخه موږک ته په دې هيله ولېږدوله چې د کم ذکاوت، خورا لنډې ونې او پلن مخ د ناروغۍ په اړه چې د ډاونز سندروم نومېږي ډېر معلومات ترلاسه کړي. د ډاونز درلودونکي د عادي دوو کروموزومو پرځاى د يوه ځانگړي يعنې يوويشتم کروموزوم درې نسخې لري. دغسې کسان کمزورى ذکاوت لري او ډېر احتمال شته چې د زړه ناروغي او نور رنځونه ورته پيدا شي. تر تجربې لاندې موږک ظاهرا" هماغه ځانگړتياوې وموندې چې د ډاونز سندروم درلودونکي انسانان يې لري. د پلټونکو هيله اوس داده چې په کروموزوم کې هغه جين وپېژني چې دغه تکليف رامنځ ته کوي، په دې هيله چې ښه درملنه ورته وموندل شي. | 
دا پاڼه کوم ملگري ته ولېږئ
چاپي بڼه
