کابل: دفاع وزارت ته نژدې بريدونه په انځورونو کې

د عکس سرچینه، Reuters

د عکس تشریح، د افغانستان په پلازمېنه کابل کې دفاع ملي وزارت ته نژدې دوې چاودنې شوې چې درنه مرګژوبله يې اړولې ده.

د عکس سرچینه، AP

د عکس تشریح، د افغانستان د دفاغ وزارت ویاند محمد رادمنش وایي، ددغو بریدونو قربانیان پوځیان او ولسي وګړي دي.

د عکس سرچینه، AFP

د عکس تشریح، د افغانستان عامي روغتیا وزارت ویاند اسماعیل کاوسي وايي، دغو بریدونو کې ۲۴ کسان وژل شوي او ۹۱ نور ټپیان دي.

د عکس سرچینه، AFP

د عکس تشریح، د ملي دفاع وزارت ویاند په وينا، کله چې امنیتي ځواکونه او ولسي وګړي د لومړۍ چاودنې قربانیانو سره د مرستې لپاره ورغلل، ځانمرګی برید وشو.

د عکس سرچینه، AFP

د عکس تشریح، دا پر کابل په دوو اونیو کې دویم خونړی برید دی، تېره اوونۍ په پلازمېنه کې پر امریکایی پوهنتون برید کي ۱۳ تنه وژل شوي وو.

د عکس سرچینه، AFP

د عکس تشریح، امنيتي ځواکونو وايي د شاوخوا سيمو امنيت يې نيولی دی

افغان ولسمشر محمد اشرف غني دغه برید غندلی دی. له ارګه په خپره شوې اعلامیه کې ویل شوي چې "طالبان د وحشت او وېرې په خپرولو لپاره داسې بریدونه کوي خو د امنیتي ځواکونو سره د مخامخ جګړې توان نه لري".

د عکس سرچینه، AFP

د عکس تشریح، افغان ولسمشر محمد اشرف غني دغه برید غندلی دی. له ارګه په خپره شوې اعلامیه کې ویل شوي چې "طالبان د وحشت او وېرې په خپرولو لپاره داسې بریدونه کوي خو د امنیتي ځواکونو سره د مخامخ جګړې توان نه لري".

د عکس سرچینه، EPA

د عکس تشریح، وسله والو طالبانو رسنیو ته په یوه لېږلې اعلامیه کې ویلي دوی دغه بریدونه کړي او لسګونو پوځيانو ته یې د مرګژوبلې اړولو ادعا کړې.