نيپال کې د ښوونځي ۶۸ کلن زده کوونکی

دې لپاره چې انټرنېټ مو لږ مصرف شي، یوازې متن ولولئ

۲۷ غبرګولی ۱۳۹۵ - ۱۶ جون ۲۰۱۶

دورګا کامي د نيپال يو تر ټولو مشر زده کوونکی دی. نوموړی ۶۸ کاله عمر لري. په ماشومتوب کې يې د بېوزلۍ له امله ښوونځی پرې ايښی و، چې اوس يې بېرته پيل کړی دی.

د عکس تشریح، درګا کامي د بېوزلۍ له امله ونشوای کړی چې خپلې زده کړې بشپړې کړې، خو اوس يې پرېکړه کړې چې هغه هيله پوره کړه چې غوښتل يې ښوونکی شي.

د عکس تشریح، هره ورځ لکڼه په لاس ښوونځي ته يو ساعت مزل کوي.

د عکس تشریح، نوموړی اوس د لسم ټولګي زده کوونکی دی، د نور ټولګيوالو عمرونه يې له ۱۴ تر ۱۵ کلونو پورې دي.

د عکس تشریح، د ده ښوونکي وايي، دا لومړی ځل دی چې د خپل پلار په عمر زده کوونکي ته درس وايي. درګا کامي د شپږو اولادونو پلار او د اتو بابا دی.

د عکس تشریح، ټولګيوال يې "با" بولي چې معنی يې پلار ده

د عکس تشریح، خبريال ناويش بي بي سي ته ویلي، درګا کامي د لوړ عزم او حوصلې خاوند دی، دی د شپې د څراغ رڼا ته درس وايي.

د عکس تشریح، درګا د ښوونځي په ټولو فعاليتونو کې برخه اخلي، نوموړی د والیبال لوبه هم کوي

د عکس تشریح، نوموړي د رويټرز خبريال ناويش چترکار ته ويلي "زه د خپل غم غلطولو لپاره ښوونځي ته راځم، ځکه د خپلې مېرمنې له مړينې وروسته يوازې شوی يم"