د عکسونو البوم: غرونه د سپوږمۍ په رڼا کې

د عکس تشریح، له نږدې یوې لسیزې راهیسې امریکایۍ عکاسې باربرا یوشیډا د لرغونو تیږو عکسونه اخلي.

د عکس تشریح، نوموړې په ۲۰۰۳ کال کې په سکاټلېنډ کې د شپې له خوا د سپوږمۍ په رڼا کې د لرغونو تیږو عکسونه اخیستي دي. دا په ایټالیا کې د سارډینیا تیږه ده.

د عکس تشریح، په سکاټلېنډ کې له خپلې تجربې وروسته، اغلې یوشیډا په نورو ځایونو کې هم په ورته ډول د عکسونو اخیستلو پرېکړه وکړه.

د عکس تشریح، د عکسونو په دغه ټوله کې د ۱۵ هېوادونو بېلا بېل ځایونه شامل دي.

د عکس تشریح، یوشیډا وايي چې هغه له دغه ډول ځایونو سره مینه لري ځکه په دوی کې معنویت، ژور رازونه او لرغونتوب نغښتی.

د عکس تشریح، نوموړې وايي: "دغه تيږې د وخت له قیده خلاصې دي. دوی د تاریخ د هر پېر د خلکو په ذهنونو کې ځای لري".

د عکس تشریح، په لومړي ځل دغه عکسونه مارکوانډ بکس د (غرونه د سپوږمۍ په رڼا کې) په نامه خپاره کړل.