د عکسونو البوم: د افغانستان د خپلواکۍ ۹۵ مه کلیزه

نن د سه شنبې ورځ د ١٣٩۳ لمريز کال د زمري ٢٨ (د اګست ۱۹ مه) نېټه ده چې د افغانستان د خپلواکۍ له جشن سره سمون خوري. له نن څخه ۹۵ کاله مخکې بریتانوي امپراتورۍ د يوۀ تړون په پايله کې د افغانستان خپلواکي په رسميت وپېژنده.

د عکس تشریح، نن د سه شنبې ورځ د ١٣٩۳ لمريز کال د زمري ٢٨ (د اګست ۱۹ مه) نېټه ده چې د افغانستان د خپلواکۍ له جشن سره سمون خوري. له نن څخه ۹۵ کاله مخکې بریتانوي امپراتورۍ د يوۀ تړون په پايله کې د افغانستان خپلواکي په رسميت وپېژنده.

د عکس تشریح، تر دې وروسته غازي امان الله خان د پلازمېنې کابل خلک او حکومتي کارکونکي عيد ګاه جومات ته ور وبلل او د افغانستان د خپلواکۍ زېرى يې پرې وکړ.

غازي امان الله خان د امیر حبیب الله خان زوی او د امیر عبدالرحمن خان لمسی دی، خو د تاریخ پوهانو په باور یې د خپل پلار او نیکه پر خلاف د انګریزانو پر وړاندې د هېواد د خپلواکۍ لپاره ډېر اوچت او اغېزمن ګامونه اخيستي دي

د عکس تشریح، غازي امان الله خان د امیر حبیب الله خان زوی او د امیر عبدالرحمن خان لمسی دی، خو د تاریخ پوهانو په باور یې د خپل پلار او نیکه پر خلاف د انګریزانو پر وړاندې د هېواد د خپلواکۍ لپاره ډېر اوچت او اغېزمن ګامونه اخيستي دي

یو شمېر تاریخ پوهان وایې چې په هېواد کې د پوهنې، حقوقي او عدلي نظام رامنځ ته کول او په ځینو نورو مهمو ټولنیزو موضوع ګانو کې د غازي امان الله خان بې شمېره کارونه او اصلاحات د دې لامل شوي چې لا اوس هم د خلکو په منځ کې ځای ولري .

د عکس تشریح، یو شمېر تاریخ پوهان وایې چې په هېواد کې د پوهنې، حقوقي او عدلي نظام رامنځ ته کول او په ځینو نورو مهمو ټولنیزو موضوع ګانو کې د غازي امان الله خان بې شمېره کارونه او اصلاحات د دې لامل شوي چې لا اوس هم د خلکو په منځ کې ځای ولري .

نوموړي د خپلي واکمنۍ په لس کلنه دوره کې د پوهنې په ځانګړي ډول د ښځو او نجونو لپاره د زده کړې امکانات برابر کړل، د روغتیا، بیارغونې، د رسنیو د غوړېدا، د اساسي قانون او هم د حقوقي او عدلي نظام د جوړېدو او داسي نورو ډېرو مهمو ټولنیزو برخو کې یې د پام وړ ګامونه اخيستي دي.

د عکس تشریح، نوموړي د خپلي واکمنۍ په لس کلنه دوره کې د پوهنې په ځانګړي ډول د ښځو او نجونو لپاره د زده کړې امکانات برابر کړل، د روغتیا، بیارغونې، د رسنیو د غوړېدا، د اساسي قانون او هم د حقوقي او عدلي نظام د جوړېدو او داسي نورو ډېرو مهمو ټولنیزو برخو کې یې د پام وړ ګامونه اخيستي دي.

شاه امان الله لس کاله پر افغانستان واکمني وکړه . له هغه وروسته دی په کور د ننه له بغاوت سره مخامخ شو .انګیرنه دا ده چې ځینو کسانو د هغه اصلاحي پروګرامونه نه خوښول او پر وړاندې یې راپورته شول . خو په پای کې پاچا له افغانستانه ووت او ایټالیا ته ولاړ .

د عکس تشریح، شاه امان الله لس کاله پر افغانستان واکمني وکړه . له هغه وروسته دی په کور د ننه له بغاوت سره مخامخ شو .انګیرنه دا ده چې ځینو کسانو د هغه اصلاحي پروګرامونه نه خوښول او پر وړاندې یې راپورته شول . خو په پای کې پاچا له افغانستانه ووت او ایټالیا ته ولاړ .

د عکس تشریح، نوموړي ۳۰ کاله له هېواده لیري په اروپا کې د جلاوطنۍ شپې ورځې تېرې کړې او هلته یې د ۱۳۳۹ کال د ثور په پنځمه نېټه له نړۍ سترګي پټې کړې.

د جګړو تر لسيزو مخکې دا ورځ په رنګينو او شاندارو مراسمو لمانځل کېده، خو په وروستيو کلونو کې دا لمانځنه کم رنګه، او تر ډېره تر ولسمشرۍ ماڼۍ محدوده شوې ده.

د عکس تشریح، د جګړو تر لسيزو مخکې دا ورځ په رنګينو او شاندارو مراسمو لمانځل کېده، خو په وروستيو کلونو کې دا لمانځنه کم رنګه، او تر ډېره تر ولسمشرۍ ماڼۍ محدوده شوې ده.

افغان حکومت تر هغې وروسته ملي جشنونه لمانځل محدود کړل چې نژدې شپږ کاله مخکې د افغان حکومت وسله والو مخالفانو د غويي د اتمې يعنې د مجاهدينو د بري د نېټې پر جشن بريد وکړ.

د عکس تشریح، افغان حکومت تر هغې وروسته ملي جشنونه لمانځل محدود کړل چې نژدې شپږ کاله مخکې د افغان حکومت وسله والو مخالفانو د غويي د اتمې يعنې د مجاهدينو د بري د نېټې پر جشن بريد وکړ.

د افغانستان ولسمشر حامد کرزي د افغانستان د خپلواکۍ د ۹۵ کلیزې په لمانځغونډه کې وویل چې د ټاکنو پایلو ته په تمه دی او هیله لري چې د دواړو نوماندانو ترمنځ پرېکړه لیک پایله ولري. په دغه غونډه کې له ولسمشر کرزي سره یو ځای د افغانستان ولسمشرۍ ته نوماندان اشرف غني احمدزی او عبدالله عبدالله هم برخه اخیستې وه.

د عکس تشریح، د افغانستان ولسمشر حامد کرزي د افغانستان د خپلواکۍ د ۹۵ کلیزې په لمانځغونډه کې وویل چې د ټاکنو پایلو ته په تمه دی او هیله لري چې د دواړو نوماندانو ترمنځ پرېکړه لیک پایله ولري. په دغه غونډه کې له ولسمشر کرزي سره یو ځای د افغانستان ولسمشرۍ ته نوماندان اشرف غني احمدزی او عبدالله عبدالله هم برخه اخیستې وه.