د چین غوړېدونکی اقتصاد او اړوندې اندېښنې

د ۲۰۰۸ کال اقتصادي کړکېچ چې امريکا او اروپا یې ولړزوله، د اندېښنو پر خلاف يې پر چين ډېر اغېز ونه کړ.

خو اوس داسې وېره راپورته شوې چې د دغه هېواد اقتصاد کې د ملکيتونو پړسوب په چاودېدو دی.

په داسې حال کې چې ډېر د چين پر اقتصادي غوړېدا رخه لري، اوس په کې د پورونو او ملکيتونو زياتېدونکي پړسوب ځينې اقتصاد پوهان اندېښمن کړي دي.

د ملکيتونو او کورونو پړسوب د بيو چټک زياتوالی دی، چې پر اقتصاد زيانمنوونکی اغېز پرېږدي.