په مشهد کې د ابراهیم رئیسي د خښولو ځای چمتو شوی دی
تسنیم خبري اژانس په مشهد کې د ابراهیم رئیسي خښولو د ځای چمتو کېدو عکسخپور کړی دی او لیکلي يې دي چې ټاکل شوې ولسمشر به د علي بن موسی الرضا د زيارت انګړ کې خاورو ته وسپارل شي.
د ابراهیم رئیسي او نورو وژل شویو جسدونه تهران ته ولېږدول شول
د ابراهیم رئیسي او د هغه د ملګرو جسدونه د جنازې د مراسمو لپاره قم ته وړل شوي، هغه ځای چې د ډېری شیعه مذهبي چارواکي به ګډون پکې کوي. د الوتکې غورځېدو پېښه کې د رئیسي او ورسره مل کسانو د وژل کېدا د خبر له رسمي اعلان یوه ورځ وروسته د ایران د رهبرۍ د کارپوهانو شورا شپږمه غونډه پیل شوه. ایران پنځه ورځې عمومي ویر اعلان کړ. چارشنبه به تهران کې د رئیسي د جنازې مراسم وشي. د نړۍ ګڼو مشرانو د رئیسي او ورسره مل کسانو پر وژل کېدو د غمشریکۍ پیغامونه اعلان کړي، خو په ایران کې د ننه او بهر د رئیسي وژل کېدو ته بېلابېل غبرګونونه ښودل شوي.
ژوندی پوښښ
د ابراهيم رئيسي او له هغه سره د ملو کسانو جسدونه تهران ته لېږدول شوي
د ايران د ولسمشر ابراهيم رئيسي، د بهرنيو چارو وزير امير عبداللهيان او وسره د ملو کسانو جسدونه تهران ته لېږدول شوي دي.
ايران خبري اژانسونو د تهران په جومات کې د دوی د جنازې عکسونه خپاره کړي دي.
چهارشنبې په ايران کې عمومي رخصتي اعلان شوې ده.
مجاهد: ملا عبدالغني برادر او مولوي امیر خان متقي به د ابراهیم رئیسي د جنازې په مراسمو کې برخه واخلي
په افغانستان کې د طالبانو حکومت مرکزي ویاند ذبیح الله مجاهد وايي، په هوايي پېښه کې د ایران مړه شوي ولسمشر ابراهیم رئیسي د جنازې مراسمو کې به د دوی د حکومت پلاوی هم ګډون وکړي. ښاغلي مجاهد په یوه ټویټر پیغام کې ویلي، د طالبانو حکومت د رئیس الوزرا اقتصادي مرستیال ملا عبدالغني برادر او د بهرنیو چارو وزیر مولوي امیر خان متقي به په دې مراسمو کې برخه واخلي.
د عکس سرچینه، Zabihullah /TWITTER
د ابراهیم رئیسي او نورو وژل شویو جسدونه قم ته ولېږدول شول
د ابراهیم رئیسي او د هغه د ملګرو جسدونه د جنازې د مراسمو لپاره قم ته وړل شوي، هغه ځای چې د ډېری شیعه مذهبي چارواکي به ګډون پکې کوي.
ابراهیم رئیسي د وروستي ځل لپاره د ۱۴۰۳ کال د مې په ۲۱ مه د حکومتي کابینې له غړو سره د ولایتي سفرونو لپاره قم ته تللی و. هغه د خپلې ولسمشرۍ په موده کې دوه ځله قم ته د ولایتي سفرونو لپاره تللی و.
د ویډیو تشریح، د ابراهیم رئیسي او د هغه د ملګرو جسدونه د جنازې د مراسمو لپاره قم ته وړل شوي د ولسمشر رئیسي د الوتنې مسؤله عمله، چې ټول وژل شوي
د عکس سرچینه، د ایران مهر خبري اژانس
د یکشنبې په ورځ د ایران د ولسمشر د چورلکې غورځېدو پېښه کې د ولسمشر ابراهیم رئیسي په ګډون نهه تنه وژل شوي چې پنځه پکې لوړ پوړي دولتي چارواکي او درې تنه د هوايي چلن کارکوونکي وو.
په پېښه کې د چورلکې ټول عمله وژل شوې، چې د پوځ د هوايي ځواکونو غړي دي.
د ایران مهر خبري اژانس د رپوټ له مخې، د درېیو پیلوټانو په اړه تر ټولو مهم معلومات ترلاسه شوي دي.
پيلوټ جنرال طاهر مصطفوي: هغه د الوتنې اصلي پيلوټ دى او د چورلکو په الوتلو کې تخصص لري او د ولسمشر د چورلکې الوتلو مسؤل پیلوټ و.
مصطفوي په ۱۹۶۹ کال کې د هېواد په شمال د ګلستان په ولایت کې زېږېدلی، هغه دوه لوڼې، یو زوی او یوه لمسۍ لري.
جنرال پيلوټ محسن دريانوش: هغه د الوتکې همکار پيلوټ دى چي په ١٩٨٠ کال کي د اصفهان ولايت په نجف آباد ښار کې زېږېدلى دی.
هغه په ۲۰۰۰ کې ۱۴۵۰ساعته الوتنې کړې، دی دوه ماشومان لري.
برید جنرال بهروز قادري: په الوتکه کې د تخنیکي عملې غړی.
هغه د الکترو میخانیک په برخه کې تجربه درلوده هغه په ۱۹۷۹ کې د زنجان ولایت په ابار ښار کې زیږېدلی او په ۱۹۹۵ کې هوایيځواک ته داخل شوی.
هغه د همدان، چابهار او مهرآباد په هوايي اډو کې دنده ترسره کړې، هغه دوه زامن او ۷۲۰ ساعته یې الوتنې کړې دي.
د روسیې د بهرنیو چارو وزیر لاوروف د چورلکې غورځېدو پړه د امریکا پر بندیزونو ولګوله
د عکس سرچینه، EPA
د روسیې د بهرنیو چارو وزیر سرګي لاوروف د ایران پرضد د امریکا بندیزونه په دغه هېواد کې د هوايي چلن د خوندیتوب د ستونزو د رامنځته کېدو پړه وبلل.
لاوروف قزاقستان ته د سوداګرۍ په سرمشریزه کې د ګډون لپاره د سفر پر مهال وویل: "د بندیزونو په پلي کولو سره، چې په کې د امریکا لخوا جوړ شوي هوايي تولیداتو ته د خدماتو د برخو په رسولو بندیز شامل دی، هغه د خلکو ژوند له خطر سره مخ کوي."
هغه زیاته کړه: "امریکایان دا ردوي، مګر حقیقت دا دی چې نور هېوادونه چې متحده ایالاتو د بندیزونو د لګولو اعلان کړی، د الوتکو په ګډون د امریکا لخوا جوړ شوي تجهیزاتو لپاره پرزې نه اخلي."
د ایراني رسنیو په حواله، رئیسي د امریکا په بیل ۲۱۲ډوله هلیکوپټره کې سپاره وو، مخکې له دې چې په یوه غره کې وغورځېده. په ایران کې د پېښې د علت د موندلو لپاره څېړنې روانې دي.
لاوروف وايي، د امریکا او ځینو نورو سترو اکمالونکو له خوا د څو لسیزو بندیزونو ایران ته دا ستونزمنه کړې چې پرزې ترلاسه کړي او یا د الوتکو بېړۍ تازه کړي.
د ایران د پارلمان غړی: د رئیسي چورلکه باید نه وای الوتې
د ایران پارلمان کې د تبریز استازي مسعود پزشکیان وویل چې د پېښې په ورځ هوا نارنجي وه او د ابراهیم رئیسي او د هغه د ملګرو د چورلکې الوتنه باید نه وای شوې.
په تبریز کې د ابراهیم رئیسی د جنازې په مراسمو کې ښاغلی پزشکیان د ایران اسلامي جمهوریت راډیو ته وویل: "د شکایت لپاره هېڅ دلیل نشته، خو زه فکر کوم چې د ولسمشر د چورلکې الوتنه باید په دغسې موسم کې نه وی شوې. دا تېره ورځ اعلان شوی و چې هوا نارنجي ده.
ویر کوونکي د وژل شویو تابوتونه لېږدوي
د ویډیو تشریح، ویر کوونکي د وژل شویو تابوتونه لېږدوي د ایران د ولسمشر ابراهیم رئيسي له وژل کېدو درې ورځې وروسته، تبریز ښار کې د هغه د جنازې مراسم پیل شوي دي.
د هغه مړی به وروسته قم او بیا تهران ته ولېږدول شي او هلته به د ایران ستر مذهبي مشر ایتالله خامنهيي د چارشنبې به ورځ د مراسمو مشري کوي.
رئیسي به د پنجشنبې یا جمعې په ورځ په خپل پلرني ټاټوبي مشهد کې خاورو ته وسپارل شي.
په پام کې ده چې د هغه جنازې ته به د سوریې، عراق او لبنان په شان د عربي هېوادونو سیاستوال ګډون وکړي.
په تبرېز کې د ابراهیم رئیسي او د هغه د ملګرو د جنازې مراسم پیل شوي
د عکس سرچینه، Getty Images
د عکس تشریح، د ایران تبریز کې ځايي خلک د وژل شوي ولسمشر درناوي ته راټول شوي 
د عکس سرچینه، Tasnim
د ایران ولسمشر ابراهیم رئیسي او د ختیځ اذربایجان ولایت د دوو لوړ پوړو چارواکو په ګډون د وژل شویو کسانو د جنازې مراسم په تبرېز کې روان دي.
د ابراهیم رئیسي او د هغه د ملګرو چورلکه د یکشنبې په ماسپښین (مې ۳۰مه) په ختیځ اذربایجان کې را وغورځېده.
پرون سهار (دوشنبې)کله چې چورلکه وموندل شوه، د ښاغلي رئیسي او په الوتکه کې د ناستو نورو کسانو د مړینې خبر په رسمي ډول خپور شو.
په دې پېښه کې پر ولسمشر ابراهیم رئیسي او د بهرنیو چارو د وزیر حسین امیرعبداللهیان سربېره، د تبرېز ښار جمعې امام محمد علي ال هاشم، د ختیځ اذربایجان والي ملک رحمتي او د ولسمشرۍ د ساتنې د قطعې قوماندان مهدي موسوي هم وژل شوي دي.
په ایران کې پنځه ورځنی ماتم اعلان شوی او نن چهارشنبه په تهران کې د ابراهیم رئیسي د جنازې د مراسمو په مناسبت رسمي رخصتي اعلان شوې ده.
د وروستيو خبرونو لنډيز دلته ولولئ
- د ابراهيم رئيسي او په چورلکه کې د ورسره کسانو د وژل کېدو له کبله په ټول ايران کې پنځه ورځنی وير اعلان شوی. د چهارشنبې ورځ چې ټاکل شوې د جنازې مراسم ترسره شي رسمي رخصتي اعلان شوې ده.
- د امریکا د بهرنيو چارو وزارت هم د ايران له حکومت سره خپله خواخوږي څرګنده کړې او وايي ايران د ابراهيم رئیسي د چورلکې غورځېدو د ځای معلومولو کې له دغه هېواده د مرستې غوښتنه کړې وه خو وايي واشنګټن د لوژيستيکي محدوديتونو له امله مرسته ونشوی کړی.
- د ملګرو ملتونو د امنيت شورا وروستۍ غونډه د ابراهيم رئيسي او حسين امیر عبداللهيان د وژل کېدو له کبله له يوې دقيقې چوپتيا وروسته پیل شوه.
- د نړۍ ګڼ شمېر مشرانو د ايران د ولسمشر او د دغه هېواد د بهرنيو چارو وزير د وژل کېدو له امله خواشیني ښودلې او پيغامونه يې استولي دي.
- د ناټو وياند هم پر اېکس پاڼه د ولسمشر رئيسي، امير عبداللهيان او نورو کسانو چې د چورلکې په پېښه کې وژل شوي خواشيني څرګنده کړې ده.
- د ايران د فرهنګ او اسلامي ارشاد وزارت په ټول هېواد کې تر اوو ورځو پورې په فرهنګي او هنري فعاليتونو بنديز لګولی.
د ایراني ولسمشر د وژل کېدو له امله پاکستان کې ملي وير اعلان شوی
د پاکستان لومړي وزیر شهباز شریف د ایران د ولسمشر ابراهیم رئیسي او نورو حکومتي چارواکو د چورلکې غورځېدو له امله نن (سې شنبې) په ټول هېواد کې ملي ويراعلان کړی دی.
د اې پي پي خبري اژانس له مخې د سې شنبې په ورځ به په ټول پاکستان کې د دغه هېواد ملي بيرغ نيم ځوړند وي.
ايران د ابراهيم رئيسي د چورلکې غورځېدو په اړه پلټنې پیل کړې
د عکس سرچینه، MOJ NEWS/EPA-EFE/REX/SHUTTERSTOCK
د ایران د ولسمشر ابراهیم رئیسي د چورلکې د غورځېدو په اړه څېړنې پیل شوې دي.
د ایران د رسمي خبري اژانس ایرنا د راپور له مخې د علي عبدالله په مشرۍ یو پلټونکی پلاوی د پېښې ځای ته تللی دی.
د ایرنا د خبر له مخې د پلټنې پایلې به له بشپړېدو وروسته اعلان شي.
د ایران ولسمشر ابراهيم رئیسي د یکشنبې په ورځ له اذربایجان سره د ایران پر پوله د یوه بند د پرانیستلو له مراسمو د راستنېدو په حال کې و چې د ایران په شمال لوېدیځ کې یې چورلکه وغورځېده.
له ولسمشر رئیسي سره په چورلکه کې د بهرنیو چارو وزیر حسین امیر عبداللهیان او نور لوړپوړي چارواکي هم موجود وو.
پاپ فرانسېس د ايران مشر سره د ابراهیم رئیسی د مړينې له کبله خواخوږي څرګنده کړې
د ايران د ولسمشر ابراهیم رئيسي د وژل کېدو له امله د نړۍ د مشرانو د غبرګونونو په دوام کې د کاتوليکانو د کليسا مشر پاپ فرانسېس د ايران مشر ايت الله علی مانه ای ته په استولي پيغام کې خواخوږي څرګنده کړې ده.
د پاپ په پيغام کې راغلي، "د وژل شويو کسانو روح ته د خدای له درباره بښنه او غمجنو په ځانګړې توګه د هغوی کورنيو ته دعا کوم."
د عکس سرچینه، Getty Images
د امریکا د بهرنيو چارو وزارت وياند: ايران له امريکا د مرستې غوښتنه کړې وه
د امريکا د بهرنيو چارو وزارت وياند متيو مېلر ويلي، د ابراهيم رئیسي د چورلکې له غورځېدو وروسته د ايران حکومت د مرستې غوښتنه کړې وه او امریکا هم ورته چمتووالی ښودلی و خو وايي د لوژيستکي دلايلو له امله ونتوانېدل مرسته وکړي.
د ملګرو ملتونو امنیت شورا د غونډې په پیل کې یوه دقیقه چوپتیا
په نیویارک کې د ملګرو ملتونو د امنیت شورا غونډه دچورلکې غورځېدو پېښه کې د ابراهیم رئیسي او د هغه د ملګرو د وژل کېدو په پارد یوې دقیقې چوپتیا سره پیل شوه.
د ابراهیم رئیسي ژوند ته کتنه
ابراهیم رئیسي یو سخت دریځه او روحاني مذهبي مشر ایت الله علي خامنه يي ته نژدې کس بلل کېده. ځینې پر دې باور و چې هغه ښايي د روحاني مشر ایتالله علي خامنهای احتمالي ځای ناستی شي. په دې رپوټ کې یې ژوند ته کتنه شوې.
د ویډیو تشریح، د ابراهیم رئیسي ژوند ته کتنه د ابراهیم رئیسي مړینې ته غبرګونونه
د ویډیو تشریح، د ایران د ولسمشر مړینې ته غبرګونونه چې د بي بي سي د نړیوالو چارو خبریالې لیس دوسیت ورته کتنه کړې د ابراهیم رئیسي د وژل کېدو په اړه نړیوال غبرګونونه لا هم روان دي او ګڼو هېوادونو مشرانو په دې اړه څرګندونې کړې دي.
د ایران له ولسمشر ابراهیم رئیسي سره چورلکه کې د تبریز د جمعې امام ایت الله محمد علي الهاشم، د بهرنیو چارو وزیر حسین امیرعبداللهیان او د ختیځ اذربایجان والي مالک رحمتي هم وو، چې په دې پېښه کې ټول وژل شوي.
دا پېښه د قزقلعه بند د پرانیستې په مراسمو کې چې د اذربایجان ولسمشر الهام علییف په کې ګډون کړی و، له ګډون کولو وروسته د ستنېدو پرمهال شوې ده.
په نورو قربانیانو کې د ولسمشر د امنیتي ډلې مشر تورنجنرال سید مهدي موسوي، د انصار المهدي قول اردو غړی، د چورلکې پیلوټ او همکار پیلوټ او یو تخنیکر هم شامل دي.
اسلامي جمهوریت ته نژدې ځینې هېوادونه لکه روسیه په مستقیم ډول د ابراهیم رئیسي ستاینه کوي.
د ایران د ولسمشر ابراهیم رئیسي د غورځېدلې چورلکې د موندلو عملیات
د ایران ولسمشر ابراهیم رئیسي، بهرنیو چارو له وزیر حسین امیر عبداللهیان او ۶ نور کسان د دوی د لېږدونکې چورلکې د غورځېدو په پېښه کې ووژل شول. دوی پرون له اذرباییجان سره پر پوله د یوه بند د افتتاح له مراسمو بېرته تبرېز ښار ته روان وو چې چورلکه یې ولوېده. په دې رپوټ کې دې ته کتنه شوې چې د غورځېدلې چورلکې موندلو ولې ډېر وخت واخیست.
د ویډیو تشریح، د ایران د ولسمشر ابراهیم رئیسي د غورځېدلې چورلکې د موندلو عملیات د چورلکې غورځېدو پېښه کې د ایران د ولسمشر مړینه
د ویډیو تشریح، د چورلکې غورځېدو پېښه او د ایران د ولسمشر مړینه د ایران د ولسمشر ابراهیم رئیسي مړی تر هغې وروسته موندل شوی چې لېږدونکې چورلکه یې د دغه هېواد شمال کې وغورځېده.
په پېښه کې د ایران بهرنیو چارو وزیر حسین امیرعبداللهیان او شپږ نور کسان هم وژل شوي دي.
دوی له اذربایجان سر پر پوله په ارس سیند د یوه بند د پرانیستې مراسمو کې له ګډون وروسته بېرته تبریز ښار ته پر لاره وو چې چورلکه یې وغورځېده.
ایران کې د نظام جوړښت؛ واک د چا په لاس کې دی؟
د عکس سرچینه، bb
