د واګنر ډلې مشر چېرته دی؟
د روسیې ملیشه ډلې واګنر د مشر یوګني پریګوژین د ځای ځایګې په اړه تراوسه هم کره معلومات نشته، خو مخکې ویل شوي وو چې نوموړی به بېلاروس ته ځي.
پر خواله رسنیو خپرو شویو ویډیوګانو کې ښکاري چې د واګنر ډلې ځواکونه له روسټوف ښاره چې پرون یې نیولی و وځي. سیمه ییزو چارواکو ویلي چې د حالاتو له سمېدو سره به پر ګرځېدو محدودیتونه لېری کړای شي.
ځینې کارپوهان اندېښمن دي چې که ښاغلی پریګوژین له خپلو ځواکونو سره بېلاروس ته ولاړ شي کولای شي له هغه ځایه اوکرایین له یوه نوي ګواښ سره مخامخ کړي.
د عکس سرچینه، Reuters
