BBC News, پښتو
مطلب ته ورشئ

د امریکا او شمالي کوریا د مشرانو تاریخي خبرې

ډونلډ ټرمپ او کېم جونګ اونګ د امریکا او شمالي کوریا د واک پر ګدۍ ناست لومړني مشران دي چې خپلمنځي لیدنه لري. تر یوه سند لاسلیکولو وروسته، کیم وویل، "نړۍ به یو لوی بدلون وویني''. ټرمپ یوې خبري غونډې ته وینا کې وویل، "د پرون شخړه باید د سبا جګړه ونه ګرځول شي."

ژوندی پوښښ

غزا نور هدایت الله همیم

  1. د فلوریډا رایې ولې مهمې دي؟, د فلوریډا رایې ولې مهمې دي؟

    د امریکا ولسمشرۍ ټاکنو کې د فلوریډا اهمیت سبب شوی چې نوماندان دغه ایالت کې سخته سیالي سره وکړي.

    فلوریډا ۲۹ الیکټرل کالجونه لري چې د کاندیدانو د بریالیتوب لپاره د ۲۷۰ الیکټرل کالجونو پام وړ برخه جوړوي.

    اوسنیو ټاکنو کې د دواړو نوماندانو ترمنځ دغه ایالت کې سخته سیالي ده.

    د ۲۰۱۶ کال ټاکنو کې ډونلډ ټرمپ دې ایالت کې د یوې سلنې ډېرې رایې لرلو سره بریالی شو.

    اوس فلوریډا ایالت کې رایه پای ته رسېدلې او دا چې ټاکنیزو مسوولانو د له لرې اچول شوې رایه یوه ورځ مخکې شمېرل پیل کړي، نو پایله به ژر اعلان شي.

    ټاکنې

    د عکس سرچینه، Reuters

  2. وروستی, تر ټولو زړور

    د سپینې ماڼۍ د رسنیو برخې مشرې سارا سنډرس پر ټویټر لیکلي "جګړه هرڅوک کولی شي، خو تر ټولو زړور سوله کوي"

  3. څه مو بایللي نه دي

    د امریکا ولسمشر وايي، له کېم جونګ اون سره یې لیدلي، نور څه یې له لاسه ور کړي نه دي.

    "یواځې یو کس چې ټرمپ نه خوښوي وبه وايي چې موږ لوی کار کړی دی".

    خو ډېر شنونکي وايي، چې دا دوه اړخیزه لیدنه د شمالي کوریا لپاره یو پروپاګنډايي بری دی.

  4. بندیزونه روان دي

    ډونلډ ټرمپ وايي، پر شمالي کوریا لګېدلي بندیزونه به تر هغه روان وي چې باوري شي اټومي وسلې نور یو فکتور نه دی.

    نوموړی وايي، د بندیزونو لرې کول غواړي خو دا به هغه وخت کېږي چې له بې اټومیتوبه یا د اټومي وسلو له له منځه وړلو باوري شي.

  5. ښه ګام

    ډونلډ ټرمپ وايي، کېم د خپلو خلکو د روښان راتلونکي لپاره ښه ګام پورته کړ.

  6. پر انساني حقونو خبرې

    ډونلډ ټرمپ وايي، له کېم سره پر انساني حقونو هم وغږېد، خو دا خبرې لنډې وې.

    v

    د عکس سرچینه، AFP

  7. ډېر وخت نیول

    ډونلډ ټرمپ د یوه خبریال د پوښتنې ځواب کې وویل، چې د شمالي کوریا بې اټومیتوب به هم ډېر وخت ونیسي.

  8. کېم ته بلنه ور کول

    د امریکا ولسمشر وايي د شمالي کوریا مشر به په مناسب وخت سپینې ماڼۍ ته هم ور وبولي.

  9. ځیرک ځوان

    د امریکا ولسمشر د شمالي کوریا مشر ځیرک ځوان بولي.

    د نوموړي په خبره، کېم په کم عمر واکمن شو، هېواد یې اداره کړ او اوس هم دا کار کوي.

  10. وروستی, له سوېلي کوریا سره مانورې ځنډول

    ټرمپ وايي امریکا په سیمه کې پوځ نه کموي، خو زیاتوي چې له سوېلي کوریا سره امریکا خپلې پوځي مانورې ځنډوي.

    د نوموړي په خبره دا مانورې شمالي کوریا پاروي.

  11. مهمه ورځ

    ډونلډ ټرمپ له کېم سره خپله لیدنه د نړۍ په تاریخ کې مهمه ورځ بولي.

  12. توغندي له منځه وړل

    د امریکا ولسمشر وايي، د شمالي کوریا مشر له اټومي وسلو د تشې کوریا ټاپووزمې پر ژمنه ټینګار وکړ.

    د هغه په خبره، کېم ورته ویلي چې هېواد یې د توغندیو د یوه لوی مرکز په له منځه وړلو بوخت دی.

  13. ټرمپ کېم ستايي

    ډونلډ ټرمپ وايي، ریښتونی بدلون ممکن دی.

    زما لیدنه له کېم سره ریښتونې نېغه او کټوره وه.

  14. وروستی, خبري غونډه

    ډونلډ ټرمپ د کوریا له مشر سره له خبرو وروسته اوس خبري غونډه لري.

    r

    د عکس سرچینه، Reuters

  15. وروستی, د لاسلیک شوي سند څلور برخې

    د بي بي سي خبریالې لورا بېکر د امریکا او شمالي کوریا د ګډ سند څلور برخې ترلاسه کړې دي.

    امریکا او شمالي کوریا ژمنه کړې چې تازه اړیکي جوړ کړي چې بنسټ به یې سولې او پرمختګ ته د دواړو هېوادونو د خلکو لېوالتیا ده.

    امریکا او شمالي کوریا به په کوریا ټاپووزمه کې د تلپاتې سولې لپاره ګډې هڅې کوي.

    د اپرېل د ۲۹ د هوکړې له مخې چې شمالي کوریا د خپلو اټومي وسلو ځینې برخه له منځه یووړه دغه هېواد به بې اټومیتوب ته دوام ور کوي او په دې برخه کې پر خپلو ژمنو درېږي.

    واشنګټن او پیونګ یانګ ژمنه کړې چې د جګړې د وژل شویو یا ورکو شویو سرتېرو پاتې شوني وپېژني او خپل هېواد ته یې ستانه کړي.

  16. د کېم لپاره مهم بري

    د بي بي سي خبریال روپرټ ونګ فیلډ هیز وایي، دې ناستې د شمالي کوریا د مشر لپاره مهم بري درلودل.

    "د ټرمپ دا خبره چې د تېر اپوټه به اړیکي ډېر مختلف وي او دا ویل یې چې له کېم سره پر ناسته ویاړي دا خبره ثابتوي چې دا هرڅه د کېة لپاره لویه بریا ده".

    د نوموړي په خبره، ډونلد ټرمپ د داسې چا لپاره دا خبرې کړې چې څو میاشتې مخکې یې را کېټ مېن او د داسې هېواد واکمن باله چې ټوله نړۍ کې بد بلل کېږي.

    c

    د عکس سرچینه، Getty Images

  17. وروستی, بې اټومه کول

    د ګډ سند په هکله لږ لږ رسنیو ته معلومات درز کېږي.

    فرانس خبري اژانس وايي، د شمالي کوریا مشر بې اټومیتوب جاري ساتلو یا د اټومي وسلو له منځه وړلو ته ژمن دی.

  18. نن څه تېر شول؟

    د شمالي کوریا او امریکا مشرانو د سینګاپور په وخت سهار نهه بجې په تاریخي پېښه کې سره مخ په مخ شول.

    دواړو لورو اول یواځې او بیا له مل پلاوو سره خپلمنځي اوږدې لیدنې درلودې.

    له کاري ناستې وروسته کېم او ټرمپ خبریالانو ته ښکاره شول او ښاغلي ټرمپ د یوه سند د لاسلیکولو لنډه خبره وکړه.

    بالاخره دوی یو سندی لاسلیک کړی، خو څوک نه پوهېږي چې دا د څه شي سند دی.

    ټرمپ وویل، سندر ډېر مهماو ټولیز دی او خپله او کېم د دې سند له لاسلیکولو ډېر خوشال دي.

    ښاغلي کېم هم وویل چې "تاریخي لیدنه" یې درلوده او پرېکړه یې کړه چې "تېر هېر" کړي.

    د شمالي کوریا مشر د دې لیدنې له امله د ډونلډ ټرمپ مننه وکړه.

    s

    د عکس سرچینه، AFP

  19. کېم هم روان شو

    د شمالي کوریا د مشر کاروان هم له سنټوزا ټاپو وخوځېد.

    نوموړی کاپیلا هوټل ته له ډونلډ ټرمپ څو شیبې مخکې تللی و.

    د ده مل پلاوی وايي، د خپل هېواد د دود له مخې ځکه دوی مخکې لاړل چې کوریایان لا داسې چا سره چې په عمر ترې مشر وي ژمنه شوي ځای کې مخکې حاضرېږي.

    v

    د عکس سرچینه، Reuters