د بلوچستان سېلابونو کې څلور نور کسان مړه شوي, د ټول ټال مړو شویو شمېر تر زرو کسانو اوښتی
په بلوچستان کې د سېلابونو له امله د ځاني او مالي زيانونو کچه په زياتېدو ده. له طبیعي پېښو سره د مبارزې صوبايي ادارې PDMA ویلي، بېلا بېلو سيمو کې څلور نور کسان مړه شوي دي، چې هلته د مړو شویو شمېر ۲۳۸ تنو ته رسېدلی.
د پي ډي ايم اې د مالوماتو له مخې، د بلوچستان په مختلفو ضلعو کې د سېلابونو له کبله څه د پاسه ۳۳ زره کورونه زیانمن شوي.
همدا ډول د ۳۸۰۰۰د زیاتو غواګانو له وژل کېدو وروسته د مړو شوو څارویو ټولټال شمېر ۱۴۵۹۳۶ ته رسېدلی، له ۲۰۰ زرو جرېبو ډېره ځمکه او فصلونه له منځه تللي.
د سېلابونو له امله ۱۰۰۰ کیلومتره سړکونه هم اغېزمن شوي دي، بارانونو او سېلابونو ۱۸ پلونه نړولي دي.
د عکس سرچینه، EPA
