شهباز شريف مياشتنی معاش لږ ترلږه ۲۵ زره روپۍ اعلان کړ
د پاکستان نوي ټاکل شوي لومړي وزير شهباز شريف د اپرېل له لومړۍ نېټې میاشتنی معاش لږ ترلږه ۲۵ زره روپۍ اعلان کړ.
شبهاز شريف وايي، په تېرو وختونو کې متقاعدين له پامه غورځول شوي وو. نوموړي د اپرېل له لومړۍ نېټې په ملکي او نظامي تقاعد کې هم د ۱۰ سلنه زياتوالی اعلان وکړ.
شهباز شريف وويل، د قېمتۍ په دې دور کې بدلون ژر نشي راتلی خو وايي کوښښ او حوصلې ته اړتيا ده.
د دې سربېره يې د هغو کسانو په معاشونو کې هم د ۱۰ سلنه زياتوالی اعلان وکړ چې تنخوایې يې له سل زرو کمې دي.
شهباز شريف د بېنظير انکم پروګرام د بيا فعالولو اعلان هم وکړ او د دې پروګرام د پراخولو ژمنه يې وکړه.
