نوروز، د کلتوري تړاو نښه

دې لپاره چې انټرنېټ مو لږ مصرف شي، یوازې متن ولولئ

۱ وری ۱۳۹۶ - ۲۱ مارچ ۲۰۱۷

د شوروي اتحاد له پاشل کېدو وروسته، د منځنۍ اسیا د نویو پر پښو درېدونکو هېوادونو مشرانو له خپلو اسلامي میراثونو سره بېرته ښکېل کېدو کې له ډېر پامه کار واخیست. د هغه پرځای دوی نوروز د خپل لرغوني غیر دیني دود په څېر خپل کړ او لمانځل یې له شوروي څخه د خپلواکۍ د ترلاسه کولو او کلتوري تړاو نښه وبلله.

د عکس تشریح، تاجکستان چې یو کرهنیز هېواد دی، نوروز پکې د ژمي د پای ته رسېدو او پسرلي د پیل پیغام راوړي. بزګران د نوي کښت لپاره ځانونه چمتو کوي او لومړنی یویې تاجکستان کې ډېر مهمه ده. بزګران ښه پوهېږي چې د تخم د شیندلو لپاره تر ټولو ښه وخت کوم دی.

د عکس تشریح، بزکشي یوه خطرناکه لوبه ده او هر څوک یې نه شي کولای.

قرغز نجلۍ — د عکس تشریح، قرغزستان کې بیا د نوروز په جشن کې کوچياني، اسلامي او زړو دودونو سره ګډ شوي، ننداره کولی شئ.

ښځې په قرغزي کالیو کې — د عکس تشریح، قرغزي چارواکي خلک د نوروز د مراسمو جشن کې ګډون ته هڅوي او بشپړ تدبیر ورته نیسي. لویو ځایونو کې د ګډا او نڅا او نورو سرګرمیو امکانات خلکو ته برابروي.

د عکس تشریح، د ازبکستان پخواني ولسمشر اسلام کریموف چې په ۷۸ کلنۍ ومړ د نوروز له جشنه سیاسي استفاده کوله. هغه د نژدې دوو لسیزو لپاره نوروز په ډېر شان او شوکت لمانځه او مهمې ویناوې به یې د نوروز جشن کې اورولې.