د افغان کروندګرو ستونزې
د افغان کروندګرو ستونزې
د افغانستان د کرنې سکتور له ډېرې مودې راهیسې د دغه هېواد د اقتصاد یوه حیاتي برخه وه. د وروستیو معلوماتو له مخې، شاوخوا ۷۰ سلنه افغانان په کلیوالو سیمو کې ژوند او کار کوي.
د طالبانو د کرنې او مالدارۍ وزارت هم وایي، افغانستان د کال څلور میلیون میټرک ټنه سابه تولیدوي خو لا هم د سړو خونو د نشتوالي له امله په سلګونه ټنه ضایع کېږي. دوی هم، لکه خپله کروندګر، وایي اړتیا ده چې د میوو او سبزیو ساتلو لپاره نورې زېرمې او سړې خونې جوړې شي، نور حال د شازیې حیا په راپور کې.
