اولمپیک ۲۰۲۴؛ ټینا رحیمي لومړنۍ لوبغاړې ده، چې له حجاب سره به د اسټرالیا لپاره لوبه کوي

سوکوهونکې ټینا رحیمي لومړنۍ لوبغاړې ده، چې له حجاب سره به په اولمپیک سیالیو کې د اسټرالیا استازیتوب کوي. د سوکوهنې د دې لوبغاړي مور، پلار له ایرانه اسټرالیا ته کډوال شوي وو.

ټینا رحیمي په لومړي سر کې غوښتل د سینګار هنر دنده پیل کړي او سوکوهنه یې د وزن کمولو لپاره کوله، خو وروسته یې په مسلک بدله شوه. دا اوس د پاریس په اولمپیک لوبو کې د خپل هېواد استازیتوب ته چمتوالی کوي.