'ګڼو افغان مؤسسو د خپل کاري فعالیت درولو پرېکړه کړې'
د افغانستان د مدني ټولنې ګډ کاري ګروپ بي بي سي ته ویلي چې ګڼو افغان مؤسسو هم پرېکړه کړې چې خپل فعالیت ودروي.
د افغانستان د مدني ټولنې د ګډ کاري ګروپ غړې نګینې یاري بي بي سي ته وویل، دا چې ملي مؤسسې هم تر ډېره پر نړیوالو بنسټونو تکیه دي ګڼو یې د فعالیت د درولو پرېکړه کړې.
آغلې یاري زیاته کړه چې د دغو پرېکړو ډېر زیان د افغانستان زیانمنېدونکو خلکو ته رسېږي.
