کابل ته د حنا رباني کر سفر
افغانستان کې د طالبانو حکومت بهرنیو چارو وزارت وايي "بهرنیو چارو کې د پاکستان دولت د وزېري حنا رباني کر په مشرۍ پلاوی" کابل ته رسېدلی دی.
د دغه وزارت د ویاند مرستیال حافظ ضیا احمد پر خپل ټویټر لیکلي چې دغه پاکستانی پلاوی د دوی له بهرنیو چارو وزیر امیر خان متقي سره ګوري.
هغه دا نه دي ویلي چې دواړه خواوې پر کومو موضوعاتو خبرې کوي.
د پاکستان د بهرنیو چارو وزارت ویلي و، دې سفر کې به د پاکستان حکومتي پلاوی د طالبانو له چارسمبالي حکومت سره پر سیاسي، پوهنیزو، سوداګریزو او نورو چارو خبرې وکړي.
