طالبانو له نړيوالې ټولنې زلزله ځپلو لپاره مرستې غوښتي دي
د افغانستان زلزله ځپلو لپاره هند، ايران، پاکستان او ځينو عربي هېوادونو تر اوسه يو څه مرستې استولې دي.
په هېواد کې دننه هم په بېلا بېلو ولايتونو کې خلکو د زلزله ځپلو لپاره د مرستو ټولولو هڅې پيل کړې دي.
د بي بي سي ميډيا اکشن، يا رسنيزې خيريه څانګې اوليا اطرافي د پکتيکا ولايت په مرکز ښرنه کې له ځايي خلکو سره ليدلي چې زلزله ځپلو لپاره څرنگه مرستې ټولوي.
