اشرف غني: موږ به تلپاتې سولې ته رسېږو

افغان ولسمشر محمد اشرف غني افغانستان کې د پخواني شوروي اتحاد د سره پوځ د ماتې ۳۲ کلیزې په مناسبت وینا کې ویلي، "موږ به سولې ته رسېږو، داسې تلپاتې سولې ته چې د هر افغان عزت پکې خوندي وي".

ښاغلي غني په یوه وېډیويي پیغام کې ویلي، "پر همدې ورځ د افغانستان د مسلمان ملت د برحقه جهاد په نتیجه کې د وخت تر ټولو لوی او قدرتمن پوځ وروستی سرتېری د حیرتان له لارې زموږ د ګران هېواد له پاکې خاورې خارج شو او په دې سره د نړۍ یو ابر قدرت زموږ په خاوره کې خپل شکست ومانه".