د عکسونو البوم: افغانستان کې د الو وېرا بوټي دودېدل

د عکس تشریح، د تخار مرکز تالقانو له ګل خونو په لومړي ځل د الو وېرا بوټي حاصلات د تالقانو، کندوز او مزار شریف بارزارونو ته رسیدلي دي.

د عکس تشریح، . د الو وېرا کرکېله، چې یو صنعتي دارویي بوټی دی، د افغانستان په شمال ختیځ تخار ولایت کې ښه نتیجه ورکړې او کروندګر یې په ځان ورمات کړي دي.

د عکس تشریح، که څه هم الو وېرا په افغانستان کې کم پېژندل شوی بوټی دی، خو هیله دا ده چې د کروندو زیاتوالي سره به یې کارونه (مصرف) او بازار وغوړېږي.

د عکس تشریح، د الو وېرا د ګل خونو مسؤول وايي له دغه بوټي د ترلاسه شویو حاصلاتو کچه، له نورو بوټو، ان له کوکنارو او انجې هم لوړه ده.

د عکس تشریح، الو وېرا، هغه کرنیز محصول چې په لومړي ځل د تالقانو په ګل خونو کې تولید شوی، او بازار ته وړاندې شوی دی.

د عکس تشریح، په ځینو هیوادونکو کې ورته تلپاتی بوټی، دارویي بوټی، د ملکې بوټی او دښتي زنبق هم وايي.

د عکس تشریح، په تالقانو کې له ازمایښتي پړاوه اووښتې او اوس ددغه ښار لویدیځه خواته د مجنون کلي په ګل خونو کې روزل کېږي.

د عکس تشریح، الوویرا، په بشپړه توګه صنعتي بوټی دی، چې په وچه او شګلنه ځمکه وده کوي او لږو اوبو ته اړتیا لري. چین، ایران، پاکستان، هند او متحده عرب امارات یې الوویرایی محصول تولیدونکي هیوادونه دي.

د عکس تشریح، الوویرا، څوکلن بوټی دی، پرېړې او غوښنې پاڼې لري، اوږده ده او د پاڼو څنډې یې تېرې زخې لري.

د عکس تشریح، له یوه کاله راهیسې، الوویرا د تالقانو په هټیو کې موندل کېږي، په ځانګړې توګه د بنجارې په هټیو کې.

د عکس تشریح، اصلي پېرېدونکي یې ښځې او نجونې دي، چې د پوټکي روڼوالي لپاره یې کاروي.

د عکس تشریح، که څه هم د افغانستان د کرنې وزارت اعلان کړی چې الوویرا ددغه وزارت په پروګرامونو کې شاملوي، خو لکه څنګه چې لیدل کېږي، حکومت د لوړبیو بوټو دودولو کې هیڅ رول نه لري، دا د کروندګرو نوښت باله شي.

د عکس تشریح، څېړنو ښوولې چې د الوویرا عوایید، له کوکنارو او ان له انجو هم ډېر دي، ځکه انجه له کرلو لږ تر لږه څلور کاله وروسته حاصل ورکوي، خو الوویرا، د کال څلور ځله په حاصل راځي.