افغان زعفران تر ایراني هغو غوره دي

د عکس تشریح، د افغانستان د سوداګرۍ او صنایعو خونه وايي، تېر کال افغانستان ۶٫۲ ټنه زعفران تولید کړي، چې څه باندې درې ټنه یې بهر ته صادر شوي.

د عکس تشریح، د کابل انټرکانټننټل هوټل کې د زعفرانو پنځم ملي کنفرانس جوړ شوی و.

د عکس تشریح، د سوداګرۍ او صنایعو خونه وايي، د افغان زعفرانو ډېری مشتریان خلیجي هېوادونه، چین، هند او د منځنۍ اسیا هېوادونه او اروپا دي.

د عکس تشریح، په اروپايي هېوادونو کې یوه کیلو افغان زعفران څه باندې ۲۵۰۰ یورو خرڅېږي، په چین کې بیا هره کیلو په ۲۵۰۰ یا دوه زره ډالر ټاکل شوې.

د عکس تشریح، د افغان زعفرانو کیفیت ډېر لوړ ښودل شوی، چې ان د ایران پر زعفرانو هم برتر ګڼل شوي.

د عکس تشریح، د افغانستان د کرنې او مالدارۍ وزارت وايي، په ۲۰۱۶ کال بزګرو ته د زعفرانو ۲۴۰ ټنه پیاز وېشل شوی و، چې سږ کال به دا اندازه ۵۰۰ ټنو ته ورسېږي.

د عکس تشریح، اټکل دی چې روان ۲۰۱۷ کال کې به د زعفرانو تولید څه باندې اتو ټنو ته ورسېږي.

د عکس تشریح، زعفران چې یوه ډیره قیمتي مساله ده، له انټي اکسیډانټ کیمیايي توکو هم ډک دي.

د عکس تشریح، ویل کېږي زعفران د ژور خپګان او د وینې فشار له کمولو سره مرسته کوي، پوستکی او ویښتان نرموي او د خوړو په جوړولو کې د مسالې په توګه هم کارول کېږي.

د عکس تشریح، اصلي زعفران د ګلانو د عطرو او د ګبین یا شاتو رنګ لري او که په تودو اوبوکې واچول شي یو نارنجي ډوله رنګ باسي.

د عکس تشریح، له مراکش نیولې تر همالیا پورې سیمو کې زعفران په ډیرو خوړو کې کارول کېږي.

د عکس تشریح، په څوارلسمه پیړۍ کې زعفران د بوبونیک طاعون ناروغۍ پرضد کارول کیدل.

د عکس تشریح، د افغانستان لوېدیځ هرات ولایت کې ډېری زعفران کرل کېږي، خو اوس ځینو نورو سیمو ته دود شوی.

د عکس تشریح، زعفران