د عکسونو البوم: کابل کې د واورې انځورونه

دې لپاره چې انټرنېټ مو لږ مصرف شي، یوازې متن ولولئ

۱۷ سلواغه ۱۳۹۵ - ۵ فبروري ۲۰۱۷

د یکشنبې په شپه د کابل په ځینو برخو کې تر نیم متر پورې واوره شوې. دا انځورونه د بي بي سي همکارانو سید انور، هدایت الله همیم او نورګل شفق اخیستي دي.

د عکس تشریح، د واورې له امله موټر کم او خلک په پښو روان دي.

د عکس تشریح، د کابل دارالامان سړک له نیمايي ډېر لا هم پر واورو پټ دی

د عکس تشریح، خزان وهلو ونو ته واورې ځانګړې ښکلا ور کړې.

د عکس تشریح، د کابل ښار باغ بالا سیمه.

د عکس تشریح، د واورې د ورښت له امله تېره شپه په ځینو سیمو کې برېښنا هم نه وه.

د عکس تشریح، د سړک دواړو غاړو ته پر ولاړو ونو ونو پرته واوره بېله منظره لري.

د عکس تشریح، افغان حکومت د واورې له امله یکشنبه په کابل ښار کې رخصتي اعلان کړې ده.

د عکس تشریح، دا ځوانان له ونو واوره غورځول غواړي.

د عکس تشریح، واوره کې موټر ښویېږي، ځکه یې ټیرونو ته ځنځیرونه ور تړي.

د عکس تشریح، واورې ډېر ځایه موټر پوښلي.

د عکس تشریح، ځینې موټر په واوره کې له تللو پاتې دي.

د عکس تشریح، د واورې پاکوونکو چاریو بازار هم ګرم دی.

د عکس تشریح، څو ځوانان لګیا دې واورین سړی جوړوي.

د عکس تشریح، واورې په ډېرو سیمو کې ونې هم غورځولې دي.

د عکس تشریح، دا کسان په دې هیله راوتلي چې د څو پیسو په بدل کې به د کوم کور بامونه تور کړي.

د عکس تشریح، واوره تورول او بیا یې بل ځای وړل هم خپل جنجال لري.