د عکسونو البوم: مزار شریف کې د جرمني پر کونسلګرۍ د طالبانو ځانمرګی موټربم برید

د عکس تشریح، بلخ د تېر شپې (عقرب/لړم ۲۰مه) چاودنه بېسارې او په دغه ښار کې ترټولو پخوانیو چاودنو زوروره وه او ځمکه یې نژدې ۵ متره ژوره کړې.

د عکس تشریح، د جرمني ددغې ډیپلوماتیکې ادارې د ودانۍ دېوال یوه برخه نړېدلې، خو د کارکوونکو ته یې پکې مرګژوبله نه ده اوښتې.

د عکس تشریح، د جرمني کونسلګري د مزارشریف د ښار په څلورمه حوزه کې موقعیت لري.

د عکس تشریح، چاودنه تېره شپه شاوخوا ۱۱ بجې وشوه. امنیتي چارواکي وايي، چاودېدونکې توکي په یوه هینو ډوله باروړونکي موټر کې چې ډبرې پکې بار وې، ځای پرځای شوي و او د کونسلګرۍ دروازې مخې ته ورته چاودنه ورکړل شوه.

د عکس تشریح، چاودنې په سیمه کې پراخه ویجاړي رامنځته کړې، د خلکو دوکانونه او کورونه یې ړنګ کړي.

د عکس تشریح، د پېښې له سیمې څو سوه متره لرې د ودانیو ښیښې ماتې شوې دي.

د عکس تشریح، تراوسه د چاودنې له امله د مالي زیان کچه ارزول شوې نه ده.

د عکس تشریح، پلازمېنه کابل کې د ورځې مهال چاودنو کې ډېر کسان د ودانیو د شیشو ماتېدو ژوبل کړي او وژلي، خو دا چې مزار شریف کې چاودنه د شپې مهال وه تراوسه د دا ډول تلفاتو خبر نه دی ورکړل شوی.

د عکس تشریح، طالبانو ویلي دا برید یې کندوز کې د افغانستان د ځانګړو ځواکونو د عملیاتو به غچ کې کړی. د افغانستان دفاع وزارت ویلي دغو عملیاتو کې د طالبانو مشران په نښه شوي و. عملیاتو کې ۳۰ ولسي وګړي هم ووژل شول.

د عکس تشریح، د پېښې سیمه تر برید وروسته امنیتي ځواکونو کلابنده کړه، خو نن دوه ولسي وګړي هغه مهال د نړیوالو ځواکونو به ډزو ووژل شول چې خبرداریو ته یې پام ونه کړ او غوښتل یې پر موټرسایکل سپور له سیمې تېر شي.

د عکس تشریح، د مزار شریف ښار اوسېدونکي وايي؛ حکومت باید د امنیت ډاډمن کېدو لپاره د ښار په دروازو کې پلټنه ډېره سخته کړي.