د عکسونو البوم: راستانه شوي کډوال د حکومت د همکارۍ په تمه

دې لپاره چې انټرنېټ مو لږ مصرف شي، یوازې متن ولولئ

پاکستان کې له افغان کډوالو سره د پاکستاني حکومت په زورزیاتي سره افغانستان ته د کډوالو د ستنېدو لړۍ چټکه شوې ده، خو کډوال په کور د ننه هم له ګڼو ستونزو سره مخامخ دي. ازاد عکاس میلاد حمیدي د کډوالو راتګ او کمپ ته ورغلی او دا انځوریز راپور یې بي بي سي پښتو وېبپاڼې ته راستولی.

کډوال
د عکس تشریح، د تورخم سرحدي سیمه کې له پاکستانه تازه افغان کډوال د افغان حکومت له خوا د نغدي مرستې په تمه تم شوي.
کډوال
د عکس تشریح، افغان حکومت دغو کډوالو ته د یوې اندازې نغدي مرستې پروګرام پیل کړی دی.
کډوال
د عکس تشریح، د ننګرهار ولایتي اداره او د کډوالو چارو اداره وايي، هره ورځ له تورخم پولې شاوخوا ۶۰۰ افغان کډوال هېواد ته راستنېږي.
کډوال
د عکس تشریح، وړاندې د ملګرو ملتونو د کډوالۍ چارو ادارې له پاکستانه له راستنېدونکو افغان کډوالو سره شاوخوا څلورسوه ډالره مرسته کوله، خو اوس د هر کډوال پر سر د هغوی کورنۍ ته درې ۳۳۵۰ افغانۍ ورکول کېږي.
کډوال
د عکس تشریح، په وروستیو کې افغانستان ته له پاکستانه شاوخوا ۶۵ زره کورنۍ راستنې شوې، چې وايي ډېری یې د ژوند ان لومړنۍ اسانتیاوې هم نه لري.
کډوال
د عکس تشریح، راستانه شوي کډوال وايي، دوی په دې تمه له پاکستانه راستانه شول، چې پخپل هېواد کې به یې ژوند ښه شي، خو اوس د سرپناه موندلو ځای هم نه لري.
کډوال
د عکس تشریح، یو کډوال وايي، پېښور کې یې د کډوالۍ ټیک ۱۴ کاله په دې هیله تېر کړل چې یوه ورځ به خپل هېواد ته ستنېږي، خو کله چې راستون شو، ماشومان یې له زده کړو بې برخې شول.
کډواله نجلۍ
د عکس تشریح، ګڼ کوال وايي، ماشومان یې له زده کړو او نورو اسانتیاوو بې برخې دي.
کډواله نجلۍ
د عکس تشریح، د لغمان ولایت خیروخېلو سیمه کې هم ګڼو کډوالو اړولي، خو د ژوند ان لومړنۍ اسانتیاوې هم نه لري.
کډوال ماشوم
د عکس تشریح، د دوی ماشومان کرۍ ورځ په سپېره دښته او ډاګونو کې د سون توکو راغونډولو پسې ګرځي.
د کډوالو خیمه
د عکس تشریح، د خیروخېلو د کډوالو کمپ کې له پاکستانه راستنې شوې شاوخوا ۳۰۰ کورنۍ اوسېږي.