دوحه کې د سولې خبرو کې پرمختګ

دوحه کې د افغانستان اسلامي جمهوریت مرکچی پلاوی وايي، نن او پرون يې د سولې خبرو د اجنډا په سر له مقابل لوري سره مشورې کړې، خو لا هم سره نه دي سلا شوې چې د خبرو پيل څنګه وکړي. پر همدې مهال د افغان سولې لپاره د امریکا ځانګړي استازي هم هيله ښوولې چې دواړه خواوې د اجنډا په سر ژر هوکړه وکړي. طالبانو بیا ویلي چې مشران يې له خلیلزاد سره ليدو کتو کې د پاتې طالب بندیانو پر خلاصون او له تور نوملړه يې د مشرانو نومونو د لرې کولو په اړه غږېدلي دي. صابر عزیز نور جزیات راکوي