Bak tae Airlan

Vox Hiberniae. Tha voice o tha Airish.

We'r beggin ye, Halie callan, that ye wull cum an waak amang iz again.

Guid doag, guid doag. Dae ye ken, A jist dreamt that tha fowk o Airlan wus caain me tae gang bak thonner agane. (Scratches tha doag's lugs.) A wus a slave in Airlan yinst, a lang while bak. Whut cud it mean?

Him that gien his life fur ye, it's him that's taakin wi'in ye.

Canis, ma doag, A ken whut A maun dae. God's lukkin me tae gang bak tae Airlan. He haes wark fur me thonner. A'll hae tae say fareweel tae ma femlie – an tae yersel. A'll hae tae see wha aa wull cum wi me - fur we maun lea at yinst an sail wast.

Ma femlie. Ye ken A hae tae lea ye an gang bak tae tha lan whar A wus yinst a slave. Noo A sarve God an A maun dae whut he's axt o me an return tae tha fowk in Airlan. A'll miss ye aa gyely an A'll think o ye in ma prayers. God bless ye.