Miotais agus Seanchas

Is i ndiaidh mo bháis a thosaigh na scéalta iontacha fúm! Seo a leanas beirt de na cinn is coitianta- agus cuimhnigh nach fíorscéalta iad seo.

Cá mhéad agaibh a chuala an scéal gur mise a dhíbir na nathracha nimhe uilig as Éirinn? Chuala mé féin gur thug mé na nathracha nimhe uilig le chéile, gur chuir mé i mbosca iad agus gur chaith mé an bosca isteach san fharraige. Sin an fáth nach bhfuil aon nathracha nimhe in Éirinn inniu agus a mbíonn Muir Éireann garbh mar go mbíonn na nathracha nimhe ag iarraidh fáil amach as an bhosca!

Caitheann a lán daoine craobhóg den tseamróg ar an 17ú lá de Mhí an Mhárta as siocair go gcreidtear gur bhain mé úsáid as an tseamróg chun an creideadh a chraobhscaoileadh. Bíonn trí dhuilleog ag an tseamróg cé nach bhfuil ann ach an t-aon phlanda amháin. Tá trí pháirt ag Dia – an Tríonóid (Athair, Mac agus Spiorad Naomh) – ach aon Dia amháin atá ann. Níl fianaise ar bith ann go ndearna mé riamh seo – ach is bealach úsáideach é chun cuimhneadh ar an Tríonóid.