पुनर्निर्माणमा पोख्त महिला

थोरै डेटा खपत गर्ने गरी पढ्न मिल्ने संस्करण हेर्नुहोस्।

विनाशकारी भूकम्पका कारण ध्वस्त भएका संरचनाहरुको पुनर्निर्माण कार्यमा महिला पनि पुरूषसरह सक्रिय रूपमा जुटिरहेका छन्।

नुवाकोट
तस्बिरको क्याप्शन, रोजगारीका लागि पुरूषहरू विदेसिएपछि घरको कामकाजमा मात्रै सीमित रहने महिलाहरू अहिले डकर्मीको काम गरेर पुनर्निर्माणमा सघाइरहेका छन्।
भूकम्प
तस्बिरको क्याप्शन, विगतमा आर्थिक अभावमा रहने र घरका अन्य सदस्यमाथि भर पर्नुपर्ने महिलाहरू अहिले आफैँ सबल भएको बताउँछन्।
पुनर्निर्माण
तस्बिरको क्याप्शन, भूकम्पले क्षति पुगेका कतिपय जिल्लामा महिलाहरूले श्रम आदानप्रदान तथा अर्मपर्म गरेर पनि घर निर्माणको काममा लागिपरेका छन्।
पुनर्निर्माण
तस्बिरको क्याप्शन, भूकम्प प्रभावित कैयौँ ग्रामीण क्षेत्रमा महिलाहरूले परम्परा विपरीत निर्माणका औजार उठाइ पुनर्निर्माणको यो प्रक्रियालाई गति दिन सघाएका छन्।
पुनर्निर्माण
तस्बिरको क्याप्शन, थुप्रै राष्ट्रिय तथा अन्तर्राष्ट्रिय संस्थाहरूले महिलालाई आवश्यक निर्माण सीपबारे तालिम पनि दिइरहेका छन्।
पुनर्निर्माण
तस्बिरको क्याप्शन, दोलखा आलम्पूकी बलमाया थामीले भूकम्पअघि नै डकर्मीको काम थाले पनि भूकम्पपछि यस्ता काममा रोजगारी पाउन थालेको र अन्य महिलालाई पनि सघाउने अवसर पाएको बताएकी छन्।
भूकम्प
तस्बिरको क्याप्शन, सिमेन्ट घोल्ने, गारो लगाउने मात्रै होइन महिलाहरूले रड बुन्ने जस्ता अलि अप्ठ्यारा खालका काममा समेत हात बसाएका छन्।
पुनर्निर्माण
तस्बिरको क्याप्शन, विगतमा पुरूषहरूले मात्रै गर्दै आएका यस्ता कामहरूमा हात हाल्न शुरूमा असजिलो लागे पनि अहिले भने बानी परेको उनीहरू बताउँछन्।
पुनर्निर्माण
तस्बिरको क्याप्शन, पुनर्निर्माणमा महिला डकर्मीको साथ पाएपछि कामदार नपाएर घर बनाउन नपाएका पीडितले राहत महसुस गरेको बताएका छन् ।