भूकम्पले ध्वस्त घरमा सालनालसहित फेला परेकी बालिका अहिले कस्ती भइन्

सिरियामा भूकम्पले भत्किएको एउटा घरको भग्नावशेषमा आमा र अन्य आफन्तको शवसँगै सालनालसहित गत फेब्रुअरीमा फेला परेकी बालिका अफ्राको अहिले उनका धर्मआमाबाबुले पालनपोषण गरिरहेका छन्।

ती बालिकालाई जीवितै उद्धार गरिएको दृश्य र समाचारले विश्वभरि ठूलो चर्चा पाएको थियो। त्यसपछि उनलाई पाल्ने इच्छा विश्वभरिका हजारौँ मानिसले व्यक्त गरेका थिए।

तर डीएनए परीक्षण गर्दा अफ्राकी दिवङ्गत आमा र धर्मआमा हलाबीच रगतको साइनो देखियो।

त्यो पुष्टि भएपछि हला र उनका पति खलिलले उनलाई लालनपालन गर्ने अनुमति पाएका हुन्।

खलिल र हलाको घर पनि भूकम्पमा भत्किएको थियो। केही समय शिविरमा बसेका उनीहरू अहिले एउटा भाडाको घरमा बसिरहेका छन्।

हेर्नुहोस् यो भिडिओ।

बीबीसी न्यूज नेपाली यूट्यूबमा पनि छ। हाम्रो च्यानल सब्स्क्राइब गर्न तथा प्रकाशित भिडिओहरू हेर्न यहाँ क्लिक गर्नुहोस्। तपाईँ फेसबुक, इन्स्टाग्राम र ट्विटरमा पनि हाम्रा सामग्री हेर्न सक्नुहुन्छ। अनि बीबीसी नेपाली सेवाको कार्यक्रम बेलुकी पौने नौ बजे रेडिओमा सोमवारदेखि शुक्रवारसम्म सुन्न सक्नुहुन्छ।