मध्यरातमा सगरमाथाबाट शेर्पाहरूले यसरी गरे अचेत विदेशी आरोहीको उद्धार
सगरमाथा आरोहण गरेर फर्किने क्रममा कठिन भू–भाग र प्रतिकूल मौसमबीच अचेत अवस्थामा भेटिएका मलेसियाली आरोहीको केही दिन अघि झन्डै १५ घण्टा लगाएर उद्धार गर्न सकेकोमा दुई पथप्रदर्शक हर्षित छन्।
गेल्जी शेर्पा र ङिमा शेर्पाले निकै जटिल र कठिन मानिने सगरमाथाको चौथो शिविर माथिबाट तेस्रो शिविरसम्म ल्याउन सफल भएका थिए।
त्यहाँबाट हेलिकप्टरबाट आधार शिविर हुँदै काठमाण्डू ल्याइएको र ती आरोही उपचारपछि स्वदेश फर्किसकेको उनीहरूले बताएका छन्।
अचेत र गम्भिर स्वास्थ्य अवस्थामा मध्यराति बाटोमा भेटिएका मलेशियाली आरोहीलाई उनीहरूले आफ्नो अक्सिजनसमेत दिएर सुरक्षित स्थानसम्म ल्याएको बताउँछन्।
आरोहीलाई बोकेर तल झार्दै गरेको देखिने उक्त भिडियोले अहिले सामाजिक सजालमा चर्चा कमाएको छ र उद्धारमा सहभागी शेर्पाहरूले प्रशंसा बटुलेका छन्।
हेर्नुहोस् कमल परियारले बनाएको यो भिडिओ।
तस्बिर स्रोत, Gelje Sherpa
