АКШнын 45-президенти кызматка киришти

АКШнын жаңы шайланган президенти Дональд Трамп өлкөнүн 45-президенти катары ишке киришти. Трамп америкалыктар обочодо калбайт жана АКШны дөө-шаа мамлекетке айлатабыз деп билдирди.

Түз алып баруу

20 январь 2017Президент Трамптын үй-бүлөсү, Трамп ким?
Трамп миллиардер жана саясий ишмер, Республикалык партиянын мүчөсү, медиамагнат, жазуучу. Ал ошондой эле «Кандидат» реалити-шоусунун аткаруучу продюсери жана алып баруучусу катары да белгилүү. Ал оюндагысын жашырбай, ачык сүйлөгөнү менен да таанымал.
Дональд Трамп 1946-жылы 14-июнда Куинсте (Нью-Йорк штаты) туулган. Анын атасы Фред Крист Трамп курулуш тармагында иштеген. Дональд Трамп 13 жашында аскер академиясына кирип, эң алдыңкы окуучу болгон.
Трамп биринчи Фордхем университетинде окуган. Бирок жакпай калып, болочок миллиардер Пенсильвания университетиндеги Уортон мектебине которулуп, аны окуп бүткөн. Андан кийин Дональд атасынын компаниясында иштеп, 1975-жылы компаниянын президенти болот. Анын курулуштагы эң биринчи долбоорлорунун бири Манхэттендин батыш жагындагы бизнес-борбордун курулушу эле.
Дональд Трамп АКШнын президенттиги кызматы үчүн ат салышарын 2015-жылы 16-июнда жарыя кылган. 2015-жылы май айында праймеризде башка талапкерлерди артка таштап, Республикалык партиянын атынан талапкер болуп калган. 18-21-июлда Республикалык партиянын курултайы аны АКШ президенттигине расмий талапкер деп жарыялаган.
Сүрөттүн булагы, Getty Images
20 январь 2017АКШдагы нааразылык акциялар
АКШнын медиасы Вашингтон шаарында полиция менен демонстранттар кагылыша кетип, 90дон ашуун адам камакка алынганын кабарлашууда.
20 январь 2017Трамп Кыргызстанга түздөн-түз кандай таасир этиши мүмкүн?
"Чу дегенде эле мыйзамсыз мигранттарды чыгарам деди. Бул жагынан алганда Америкада жашырынып, статусу жок жүргөн кыргыздын улан, кыздары абдан көп. Азыр виза берилбей жатат. Себеби алар да статистиканы карап көрүп атат. Эптеп жетип алган эле кыргызстандыктар ал жактан чыкпай коюп жатпайбы.
Ал эми эң чоң саясий жагы АКШ менен Орусия келише турган болсо Крым, Сирия ушуга окшогон чоң-чоң маселелер козголот. АКШ геосаясий кызыкчылыктарын коё турган болсо анда кудай билет, Орусия КМШ өлкөлөрүнө таасирибизге жол ачкыла деши толук мүмкүн. Эгер андай болсо жаңы империялык амбициялардын өңүтүндө калабызбы дейм", -деди Америкада жашап келген Кыргызстандын мурдагы башкы прокурору Кубатбек Байболов.
Сүрөттүн булагы, Getty Images
20 январь 2017Британиянын тышкы иштер министри Трампты куттуктады
"Президент Дональд Трампты дүйнөдөгү эң маанилүү саясий кызматка келиши менен куттуктайм. Миллиарддаган тургундар алдыдагы ай жана жылдарда Трампка ийгилик каалап жатканын билем. Ал көп кыйынчылыктарга туш болот", деди Борис Жонсон.
Сүрөттүн булагы, AFP
20 январь 2017Орусия менен АКШнын мамилеси кандай болот?
АКШнын президенти Дональд Трамп бийликти өткөрүп алды. Эми АКШнын Орусия менен мамилеси кандай болот деген суроолор чыгууда.
Президент Барак Обама Орусия менен тыгыз мамиле түзүү АКШ жана дүйнөлүк коомчулугунун кызыкчылыгында деп айтып келген. Бирок Трамп менен Путиндин мамилеси жылуу болобу?
20 январь 2017Трамп ким?
Трамп миллиардер жана саясий ишмер, Республикалык партиянын мүчөсү, медиамагнат, жазуучу. Ал ошондой эле «Кандидат» реалити-шоусунун аткаруучу продюсери жана алып баруучусу катары да белгилүү. Ал оюндагысын жашырбай, ачык сүйлөгөнү менен да таанымал.
Дональд Трамп 1946-жылы 14-июнда Куинсте (Нью-Йорк штаты) туулган. Анын атасы Фред Крист Трамп курулуш тармагында иштеген. Дональд Трамп 13 жашында аскер академиясына кирип, эң алдыңкы окуучу болгон.
Трамп биринчи Фордхем университетинде окуган. Бирок жакпай калып, болочок миллиардер Пенсильвания университетиндеги Уортон мектебине которулуп, аны окуп бүткөн. Андан кийин Дональд атасынын компаниясында иштеп, 1975-жылы компаниянын президенти болот. Анын курулуштагы эң биринчи долбоорлорунун бири Манхэттендин батыш жагындагы бизнес-борбордун курулушу эле.
Дональд Трамп АКШнын президенттиги кызматы үчүн ат салышарын 2015-жылы 16-июнда жарыя кылган. 2015-жылы май айында праймеризде башка талапкерлерди артка таштап, Республикалык партиянын атынан талапкер болуп калган. 18-21-июлда Республикалык партиянын курултайы аны АКШ президенттигине расмий талапкер деп жарыялаган.
Сүрөттүн булагы, Getty Images
20 январь 2017АКШнын геосаясий ролу күчөйбү?
Кыргызстандагы аналитиктер Дональд Трамптын тушунда АКШнын геосаясий ролу да күчөйт деп болжоп жатышат.
Кыргыз талдоочусу Папан Дүйшөнбаев:
«Обаманын тушунда АКШда салыштырмалуу тынч болду. Айрым учурларда Американын ролу төмөндөп кеткени да чын. Обама бир жагынан пассивдүү, ошол эле учурда толеранттуу мамиле жасаган жетекчи болду. Бирок буга америкалыктардын көбү макул болгон жок. Трампты ошол үчүн шайлашты. Америка азуусун көрсөтүп турсун деп шайлашты. Трамп бир нерсени айтып коюшу мүмкүн. Бирок анын артында турган чоң күчтөр башканы көрсөтүп, башканы талап кылышы мүмкүн. Ал себептен Трамптын тушунда АКШда геосаясий маселелерге көбүрөөк басым жасалат. Биз үчүн позитивдүү да, белгилүү деңгээлде бизге жакпай турган да нерселер болушу мүмкүн»,-деди Папан Дүйшөнбаев.
Сүрөттүн булагы, Getty Images
20 январь 2017Голливуд актерлорунун Дональд Трампка каршы акциясы
АКШнын 45-президенти болуп шайланган Дональд Трамптын инаугурациясынын босогосундагы Нью-Йоркто өткөн каршылык акциясына Голливуд актерлору, Роберт де Ниро жана Жулиана Мур сыяктуу атактуулары катышты.
Сүрөттүн булагы, Reuters
20 январь 2017АКШнын элитасы экиге бөлүнөбү?
"Американын тарыхында көп жылдардан бери билинбей келе жаткан элитанын арасында бөлүнүү болду. Трамп жеңишке жеткенден кийин америкалык саясатчылардын, таасирдүү адамдардын арасында эми кандай болот деп кооптонуп каршы чыгып жатат", деди Америкада жашап келген кыргызстандын мурдагы башкы прокурору Кубатбек Байболов.
Бул макаланы окуңуз: Кубатбек Байболов: Трамптын саясатындагы кызыктар али алдыда
20 январь 2017Обама: биз бириктик
Президент Обама Ак үйдөн кетип жатып, тарапкерлерине ыраазычылыгын билдирди.
"Баарыңыздар бириктиңер. Чакан шаарчалардан баштап чоң калаалар, жаш жана карылар мага биригип, мага ишендиңиздер", -деди Барак Обама.
Сүрөттүн булагы, Getty Images
20 январь 2017АКШ чек арасында дубал курабы?
Трамп ант берүү кайрылуусунда Мексика менен чек арада дубал куруу боюнча сөз айткан жок, бирок, чек араны бекемдейм деп убада кылды. Бул тууралуу Би-Би-Синин кабарчысы Энтони Зуркер жазып чыкты.
20 январь 2017Айырмасы көрүнөбү?
Washington Post "Твиттер" баракчасына 8 жыл мурда Обаманын ант берүү аземи менен азыр болуп жаткан Трамптын ант берүү аземинен сүрөттөрдү жарыялады.
20 январь 2017Обама Вашингтондон учуп кетүүдө
Дүйнө жүзү боюнча көпчүлүктүн сүймөнчүлүгүнө ээ болгон Обама коштошууда.
20 январь 2017АКШ климаттык өзгөрүү боюнча Париж келишиминен чыгабы?
Ак үйдүн интернет баракчасында Обаманын саясаты боюнча маалыматтар толугу менен өчүрүлдү. Анын ичинде климаттык өзгөрүү боюнча маалыматтар дагы өчүрүлдү.
АКШнын климаттык өзгөрүү боюнча атайын өкүлү Доктор Першинг Трамптын бийликке келиши климат боюнча Париж келишимине тоскоолдук жаратпайт деп билдирген.
Дональд Трапмтын АКШ бул келишимден чыгып кетиши мүмкүн экенин айтканы катуу талкууга алынган.
Бул макаланы окуңуз - Климат боюнча келишимге Трамп тоскоол боло албайт
Сүрөттүн булагы, Getty Images
20 январь 2017Орусиянын пикири
“Трамп ант бергенден кийин, анын президент Путин менен жолугушуусу дүйнөлүк саясаттагы эң маанилүү окуя болот. Тарыхтагы маанилүү окуя болот”, деп жазды Орусиянын мамлекеттик думанын өкүлү Алексей Пушков.
20 январь 2017АКШдагы ашынган оңчулдар түзгөн коркунуч
“Биз ишке ашырдык”- деп Трамптын президент болушуна байланыштуу Ку-клукс-кландын мурдагы башчысы жазып чыкты.
Ку-Клукс Клан актар рассасы артыкчылыктары бар деп ишенет.
20 январь 2017Мурдагы президен Барак Обама унаасын дагы өткөрүп берди
20 январь 2017АКШнын мурдагы президенти Обама ант берүү аземи өткөн Капитолий имаратынан кетүүдө
Сүрөттүн булагы, Getty Images
20 январь 2017Радикалдуу исламга каршы күрөшүү
Президент Доналд Трамп терроризмге каршы өнүккөн мамлекеттер менен биргелешип күрөшүп, терроризмди жок кылабыз деп белгиледи.
Сүрөттүн булагы, Getty Images
20 январь 2017@FLOTUS твиттер баракчасы жаңы биринчи айымга өткөрүлдү
Мишел Обама @FLOTUS "Твиттердеги" баракчаны Мелания Трампка өткөрүп берди.
Мишел Обама эми @FLOTUS44 "Твиттер" баракчасы аркылуу жазып жатат.