Шайлоо-2025: Талапкер №26 округундагы шайлоонун жыйынтыгын жокко чыгарууну талап кылды

Түз алып баруу

Кыргызстанда кезексиз парламенттик шайлоо өтүүдө.

1. 1 декабрь 2025Талапкер Элдар Абакиров №26 округдагы шайлоонун жыйынтыгын жокко чыгарууну талап кылды

   Жогорку Кеңештин депутаттыгына №26 көп мандаттуу шайлоо округунан талапкер Элдар Абакиров Борбордук шайлоо комиссиясына арыз менен кайрылып, округдагы шайлоонун жыйынтыгын жараксыз деп таап, кайра шайлоо өткөрүүнү талап кылды.

   Талапкер өз арызында Кемин районунун Калмак-Ашуу айылында добуш сатып алуу фактысы катталганын белгилеп, буга социалдык тармактарга тараган видеону мисал келирип, аны арызына тиркеген.

   "Интернет тармактарында Калмак-Ашуу айылында добуш сатып алууга аракеттенүү максатында 460 миң сом акча каражаттары менен 5-6 адам кармалганы боюнча маалымат ачык жарыяланып жатат. Ал акчалай каражат асмандан түшкөн жок, ээси бар. Ошондуктан бул факт боюнча иш аягына чыгышы керек жана 460 миң сомдун ээсин табуу керек деп ойлойм. Бул акчалай каражатты берген талапкерди аныктап, аны четтетүүнү же болбосо №26 көп мандаттуу шайлоо округугунун жыйынтыгын жараксыз деп табууну жана кайрадан шайлоо өткөрүүнү талап кылам" деп айтылат арызда.

   Абакиров №26 көп мандаттуу шайлоо округунун айрым талапкерлер буга чейин да добуш сатып алууга аракеттенгендиги үчүн расмий түрдө эскертүү алганын, бул факт шайлоо мыйзамдарынын бузулушуна байланыштуу компетентүү органдар тарабынан катталганын белгилиген.

   Талапкер Абакров ошондой эле, активдүү үгүт жүргүзбөгөн жана өз программасын элге толук тааныштырбаган талапкерлердин округ боюнча эң көп добуш алганы чоң күмөн жаратып жатканын белгилейт.

   БШК өкүлү Абыджапар Бекматов шайлоонун жыйынтыгын жокко чыгаруу тууралуу Элдар Абакировдун арызын көрө электигин билдирди.

   Ошондой эле ал келип түшкөн бардык арыздар каралып, тиешелүү чечимдер кабыл алынганын айтты. Бекматов буга чейин шайлоонун жыйынтыгын жокко чыгаруу боюнча даттануулар болбогонун кошумчалады.

   Буга чейин социалдык желелерде "Кеминде добуш сатып алуу аракети менен кармалгандар болуптур" деген маалымат чыгып, бирок ал боюнча расмий органдар маалымат бере элек.

   30-ноябрда Кыргызстанда парламенттик шайлоо өттү. БШКнын соңку маалыматына ылайык, өлкө ичинде бул шайлоодо 1 миллион 583 миңден ашуун киши добуш берди. Бул жалпы шайлоочулардын 36,87 пайызын түзөт.

   30 округда кайсы үч талапкер алдыга озуп чыкканын Би-Би-Синин Кыргыз кызматынын интерактивдүү картасынан көрө аласыз.

   Алдын ала жыйынтыктар боюнча №26 көп мандаттуу шайлоо округунан талапкерлер Медербек Саккараев, Эркинбек Исеналиев алдыда келе жатат, ал эми гендердик квота боюнча Жамиля Исаева мандат алары күтүлүүдө.

2. 1 декабрь 2025Чет өлкөдө 26 миң кыргызстандык добуш берди

   Жогорку Кеӊештин депутаттарын мөөнөтүнөн мурда шайлоо боюнча чет өлкөлөрдө жүргүзүлгөн добуш берүү толугу менен аяктады. Бул тууралуу Тышкы иштер министрлиги билдирди.

   Маалыматка караганда, Бишкек убактысы боюнча 1-декабрда саат 10:00гө карата бардык чет өлкөлүк УШКлардын иши расмий түрдө соңуна чыкты. Акыркылардан болуп АКШнын Филадельфия, Чикаго, Вашингтон, Нью-Йорк шаарларында, ал эми эң соңунда Сан-Франциско шаарындагы тилке жабылган.

   Бул жолу чет өлкөлөрдө добуш берүүгө катышкан кыргыз жарандарын жалпы саны 26 066 адамды түзгөн. 2021-жылдагы парламенттик шайлоодо болгону 9 826 жаран гана добуш берген.

   ТИМ билдиргендей, быйыл 34 мамлекеттин 89 шаарында 100 шайлоо участогу иштеди.

   30-ноябрда Кыргызстанда парламенттик шайлоо өттү. БШКнын соңку маалыматына ылайык, өлкө ичинде бул шайлоодо 1 миллион 583 миңден ашуун киши добуш берди. Бул жалпы шайлоочулардын 36,87 пайызын түзөт.

   30 округда кайсы үч талапкер алдыга озуп чыкканын Би-Би-Синин Кыргыз кызматынын интерактивдүү картасынан көрө аласыз.

   

   Сүрөттүн булагы, Official

3. 30 ноябрь 2025Шайлоонун алдын ала жыйынтыктары

   30 округда кайсы үч талапкер алдыга озуп чыкканын Би-Би-Синин Кыргыз кызматынын интерактивдүү картасынан көрө аласыз.

   Карта акыркы жолу 1-декабрдын таңында, Бишкек убактысы боюнча саат 3:00дө жаңыртылганын, талапкерлердин жалпы добушуна аралыктан добуш берүүнүн жыйынтыгы да кошулганын эсиңиздерге салабыз.

   Аралыктан добуш берүүнүн жыйынтыгы кошулганда 18-округда Бакыт Чомоев, 24-округда Улукбек Карыбек уулу мандатка илиниши мүмкүн. Ошентсе да шайлоонун толук, расмий жыйынтыгы чыга электигин эскертебиз.

   

4. 30 ноябрь 2025Кайсы округда шайлоочулар активдүү болду?

   Кыргызстанда парламенттик шайлоо аяктады. БШКнын соңку маалыматына ылайык, өлкө ичинде бул шайлоодо 1 миллион 583 миңден ашуун киши добуш берди. Бул жалпы шайлоочулардын 36,87 пайызын түзөт.

   Шайлоочулардын катышы тууралуу соңку маалыматтар камтылган интерактивдүү картабыз менен бул жактан тааныша аласыз.

5. 30 ноябрь 2025, Шайлоонун алдын ала жыйынтыгы боюнча озуп келе жаткандар

   №1 шайлоо округу:

   АЖИБАЕВ ЧЫНГЫЗ ИЛЬЯСКОЖОЕВИЧ

   ЖОРОЕВ ИСМАНАЛИ ЭГЕМБЕРДИЕВИЧ

   ТАЛИЕВА КАМИЛА АБДЫРАЗАКОВНА

   №2 шайлоо округу:

   АТАЖАНОВ ЫРЫСБЕК ЫСЛАМОВИЧ

   КАЛПАЕВ БАКТЫЯР АЛИЕВИЧ

   АМАНОВА БУРУН КУШБЕКОВНА

   №3 шайлоо округу:

   РЫСБАЕВ РАВШАНБЕК РЫСБАЕВИЧ

   МАДУМАРОВ АКРАМ КАМБАРАЛИЕВИЧ

   МАВЛЯНОВА МАХАБАТ ЭРГЕШОВНА

   №4 шайлоо округу:

   РУСТАМБЕК УУЛУ СОВЕТБЕК

   ЖААНБАЕВ УЛАНБЕК КОРГОНБАЕВИЧ

   АЛИМЖАНОВА НИЛУФАР ЯКУБЖАНОВНА

   №5 шайлоо округу:

   СУЛАЙМАНОВ ЭЛЬДАР НУРЛАНОВИЧ

   ИСИРАИЛОВ АЗАМАТ АЛМАЗБЕКОВИЧ

   АХМЕДОВА АЙГУЛЬ АБДИЛХАЕВНА

   №6 шайлоо округу:

   КУДАЙБЕРДИЕВ АЛТЫНБЕК МУСАЖАНОВИЧ

   ЭРГЕШОВ БЕКМУРЗА АСКАРБАЕВИЧ

   АМАНОВА САНТАЛАТ АБДЫЛДАЕВНА

   №7 шайлоо округу:

   КОЗУЕВ АЛИШЕР АБИБИЛЛАЕВИЧ

   КУБАНЫЧБЕКОВ ИЛИМБЕК КУБАНЫЧБЕКОВИЧ

   МАШРАПОВА ГҮЛАЙ ЭГЕМНАЗАРОВНА

   №8 шайлоо округу:

   АКАЕВ ЖАНАРБЕК КУБАНЫЧОВИЧ

   ПРИМОВ УЛАН БЕРДИБАЕВИЧ

   ДЖОЛДОШОВА ЖЫЛДЫЗКАН АЙТИБАЕВНА

   №9 шайлоо округу:

   ТОЛОНОВ ДАНИЯР ЭРМЕКОВИЧ

   ДЖАЛИЛОВ АЗАМЖАН АБДУЛЛАЖАНОВИЧ

   КАДЫРАЛИЕВА ЫРГАЛ КАРМЫШАКОВНА

   №10 шайлоо округу:

   ЗУЛУШЕВ КУРМАНКУЛ ТОКТОРАЛЫЕВИЧ

   ОМУРЗАКОВ СУЙУНБЕК АБДЫЛДАЕВИЧ

   БААТЫРОВА ГҮЛНАРА МАРИШОВНА

   №11 шайлоо округу:

   ТАШИЕВ ШАИРБЕК КЫДЫРШАЕВИЧ

   КЫЛЫЧБАЕВ АЛТЫНБЕК ТАИРОВИЧ

   САЛЯМОВА ВЕНЕРА ХАМЗАЕВНА

   №12 шайлоо округу:

   ЧОЛПОНБАЙ УУЛУ БЕКМЫРЗА

   МАСАБИРОВ ТАЛАЙБЕК АЙТМАМАТОВИЧ

   КУРМАНАЛИЕВА ЖЫЛДЫЗ КОЧКОРАЛИЕВНА

   №13 шайлоо округу:

   СЫДЫКОВ БАКТЫБЕК УСЕНОВИЧ

   МАМЫТОВ ТАЛАНТ ТУРДУМАМАТОВИЧ

   КАРАБЕКОВА АЙГҮЛ АСАНОВНА

   №14 шайлоо округу:

   БОРБИЕВ БОЛОТБЕК ИБРАИМОВИЧ

   СУЛАЙМАНОВ КУНДУЗБЕК КОШАЛИЕВИЧ

   КУЛТАЕВА ГУЛШАРКАН ОКОНОВНА

   №15 шайлоо округу:

   ТУРГУНБЕК УУЛУ НУРЛАНБЕК

   ТУРСУНБАЕВ АЗИЗБЕК АТАКОЗУЕВИЧ

   АБДИБАЕВА АЙСАРАКАН НЫШАНОВНА

   №16 шайлоо округу:

   ДЖУМАБЕКОВ ДАСТАНБЕК АРТИСБЕКОВИЧ

   ЖАКЫШОВ РУСЛАНБЕК ШЕРГАЗИЕВИЧ

   КАЙРЫЛБЕКОВА МЕДИНА КАЙРЫЛБЕКОВНА

   №17 шайлоо округу:

   АЗЫГАЛИЕВ НУРЛАНБЕК АСАНБЕКОВИЧ

   УЗАКБАЕВ УЛУКБЕК КАМЧИБЕКОВИЧ

   ЭСЕНАМАНОВА ЧОЛПОН ЗАМИРБЕКОВНА

   №18 шайлоо округу:

   ХАНДЖЕЗА КАРИМ ЛЕМЗАРОВИЧ

   БИЙБОСУНОВ ЭРКИН КУВАТБЕКОВИЧ

   САТИЕВА ГУЛЖАН ЭРКИНБЕКОВНА

   №19 шайлоо округу:

   ЭГЕМБЕРДИЕВ АБДЫЛДАБЕК ЖОЛДОШАЛИЕВИЧ

   АЛИЕВ МЕДЕРБЕК КУБАНЫЧЕВИЧ

   ТАЙГАРАЕВА ЭДИТА КАНЫБЕКОВНА

   №20 шайлоо округу:

   АЙТИЕВ ТЕМИРЛАН ТЫНЫЧБЕКОВИЧ

   АТАМБАЕВ СЕИДБЕК АЛМАЗБЕКОВИЧ

   АШЫМБАЕВА ТОКТОБҮБҮ АБАСОВНА

   №21 шайлоо округу:

   КОНГАНТИЕВ КУВАНЫЧБЕК КАМБАРАЛЫЕВИЧ

   АБИРОВ ЖАНЫБЕК БОЛОТБЕКОВИЧ

   САДЫРБАЕВА ЖЫЛДЫЗ ЭСЕНБЕКОВНА

   №22 шайлоо округу:

   БЕКЕШЕВ ДАСТАН

   ИБРАГИМОВ БОЛОТ

   КОЖОКУЛОВА ГУЛЯ

   №23 шайлоо округу:

   СУРАБАЛДИЕВА ЭЛЬВИРА

   МАМАТАЛИЕВ МАРЛЕН

   КЫДЫРАЛИЕВ УМБЕТАЛЫ ТОКТОРАЛИЕВИЧ

   №24 шайлоо округу:

   САЛЫМБЕКОВ ЖУМАБЕК

   ИСМАИЛОВ АРАФАТ

   АКИМБАЕВА ГУЛЬНАРА

   №25 шайлоо округу:

   ШАБАЗОВ БАХРИДИН

   ТЕНТИШЕВ БАКЫТ

   СЕЙТКАЗИЕВА ЭРКЕАЙЫМ

   №26 шайлоо округу:

   САККАРАЕВ МЕДЕРБЕК

   ИСЕНАЛИЕВ ЭРКИНБЕК

   ИСАЕВА ДЖАМИЛЯ

   №27 шайлоо округу:

   АКЫЛБЕК ТҮМӨНБАЕВ

   МОЛДОБЕКОВА ГУЛЬКАН

   МУРАТБЕКОВ ТАБЫЛДЫ

   №28 шайлоо округу:

   КОКУЛОВ ЭРУЛАН

   САГЫНАЕВ БОЛОТ

   ЖУНУШБАЕВА РАХАТ

   №29 шайлоо округу:

   СЫДЫГАЛИЕВ НУРБЕК

   БЕЛЕКОВ АДИЛЕТ

   ЖУНУШАЛИЕВА ГҮЛСҮНКАН

   №30 шайлоо округу:

   КУБАНЫЧБЕК САМАКОВ

   БАКАСОВ УЛАН

   ТААЛАЙБЕК КЫЗЫ ЖЫЛДЫЗ

6. 30 ноябрь 2025Шайлоо-2025: Парламенттик шайлоонун жыйынтыгы, талдоочулардын баасы

   Play video, "ШАЙЛОО 2025", Узактыгы 2,00,23

   2:00:23

   

7. 30 ноябрь 2025Кыргызстанда добуш берүү өнөктүгү аяктады

   Кыргызстанда мөөнөтүнөн мурда өткөн парламенттик шайлоо аяктап, добуш берүү тилкелери жабылды.

   БШК төрагасы Тынчтыкбек Шайназаровдун билдиришинче, өлкө ичиндеги жана Батыш өлкөлөрүндөгү шайлоо процесси толугу менен жыйынтыкталды.

   “Саат 20:00дө бардык шайлоо тилкелери жабылды. Ушул мүнөттөн тарта автоматташтырылган урналардан Бборбордук серверге маалымат түшө баштады”,- деди ал.

   Анын маалыматына караганда, өнөктүк башталагандан тартып БШКга жалпы 269 мыйзам бузуу боюнча кайрылуу келип түшкөн. Алардын ичинен үгүт иштеринин шарттарын бузуу боюнча 124, талапкерлердин аброюна шек келтирүү боюнча 37, административдик ресурс колдонуу боюнча 8, добуш сатып алуу боюнча 46, башка укук бузуулар боюнча 54 кайрылуу катталган.

   “Бүгүн БШКга жалпы 67 кайрылуу келип түштү. Анын ичинен үгүт шарттарын бузуу боюнча 28 арыз, добуш сатып алуу аракетине байланышкан 18 кайрылуу, техникалык мүчүлүштүктөр тууралуу 4 билдирүү бар. Айта кетчү нерсе – эч кандай системалык сбой болгон жок, бул 4 техникалык кайрылуу да өз убагында чечилди. Калган 17си башка укук бузуулар боюнча”,- деди ал.

8. 30 ноябрь 2025БШК шайлоодон четтетилген үч талапкер боюнча кеңири маалымат берди

   Борбордук шайлоо комиссиясынын мүчөсү Алтынбек Кубатбеков шайлоодон четтетилген үч талапкер боюнча кеңири маалымат берди.

   Анын айтымында, №17 округдан Бактияр Бообеков бир жума мурда жарыштан алынган. Себеби ал Көк бөрү федерациясына тайказан алып берүүнү убада кылганы боюнча фото жана видео далилдер БШКга тапшырылган.

   №24 округдан талапкер болгон Гүлназ Халилованын добуш сатып алуу фактысы аныкталып, ал акча каражаттары менен кармалган.

   Ал эми №22 округ боюнча Лира Акуновага байланышкан маселе ушул жумада каралып, ИИМ тарабынан берилген далилдерден кийин БШК аны шайлоодон четтетүү чечимин кабыл алган.

   Үч талапкерге тең Кылмыш-жаза кодексинин 196-беренеси боюнча иш козголгон. Тергөөнүн жүрүшү уланууда, ал аяктагандан кийин кошумча маалымат берилери кабарланды.

   

   Сүрөттүн булагы, screenshot

9. 30 ноябрь 2025Саат 19:00гө карата шайлоого 1 млн 473 миң 264 жаран добуш берди

   Саат 19:00гө карата шайлоого 1 млн 473 миң 264 жаран добуш берди. Берилген маалыматка ылайык, бул жалпы шайлоочулардын 34,31 пайызына туура келет.

10. 30 ноябрь 2025Германиядагы кыргызстандыктар шайлоого мурдагыга караганда активдүү катышууда

    Германиядагы кыргызстандыктар бул ирет шайлоого мурдагыга салыштырмалуу активдүү катышууда,- деди элчи Өтүмбек Текебаев УТРК уюштурган түз байланышта.

    Айтымында, азыр Германияда 20 миңден ашык кыргыз жараны жашайт.

    “Саат 8:00дөн 14:00гө чейин Берлинде 60тай шайлоочу келип добуш берди. Бул мурунку шайлоолорго караганда көп. Башкы себеп - аралыктан добуш берүү системасынын ишке киргизилиши. Германияда бизнес форумга келген кыргызстандыктар, турист болуп же башка себеп менен жүргөндөр дагы келип добуш берип жатат. Варшава менен Франкфурт-на-Майнеден дагы 50гө жакын киши келип добуш берди. Азыр добуш берүү уланып жатат”,- деди ал.

    

    Сүрөттүн булагы, Kyrgyz Embassy

11. 30 ноябрь 2025Шайназаров добуш сатып алуу боюнча кайрылуулар көбөйгөнүн билдирди

    БШК төрагасы Тынчтыкбек Шайназаров брифинг учурунда добуш сатып алуу боюнча даттануулар көбөйүп жатканын айтты.

    Анын маалыматына караганда, БШКга жалпы 261 мыйзам бузуу боюнча кайрылуу келип түшкөн. Алардын ичинен үгүт иштеринин шарттарын бузуу боюнча 124, талапкерлердин аброюна шек келтирүү боюнча 37, административдик ресурс колдонуу боюнча 8, добуш сатып алуу боюнча 42, башка укук бузуулар боюнча 51 кайрылуу катталган.

    “Учурда шайлоочулардын добушун сатып алуу боюнча даттануулар көбөйдү. Тиешелүү иликтөө иштерин укук коргоо органдары жүргүзүп жатат. Бүгүн-эртең текшерүүлөр аяктап, укуктук баа берилет. Ал чечимдердин мыйзамдуулугу прокуратура органдары тарабынан көзөмөлдөнөт”,- деди ал.

12. 30 ноябрь 2025Саат 18:00гө карата 1 млн 330 миң 602 жаран добуш берди

    Саат 18:00гө карата шайлоого 1 млн 330 миң 602 жаран добуш бергенин БШК төрагасы Тынчтыкбек Шайназаров брифингде билдирди. Берилген маалыматка ылайык, бул жалпы шайлоочулардын 31 пайызын түзөт.

    Анын айтымында, добуш берүүгө эң жигердүү катышып жаткан аймактар — №4, №10, №13 жана №30 шайлоо округдары. Бул тилкелерде шайлоо активдүүлүгү 40 пайыздын тегерегине жетти.

    Эң төмөн катышуу Бишкек шаарында жана Чүй облусунда экенин кошумчалады. Бул аймактарда добуш берүү көрсөткүчү 25–26 пайызды түздү.

    Тынчтыкбек Шайназаровдун айтымында, азыркы сааттардагы шайлоо активдүүлүгүн 2021-жылдагы парламенттик шайлоонун көрсөткүчү менен салыштырганда айырма байкалып турат.

    “2021-жылы ушул убакка карата 1 млн 32 миң 664 шайлоочу добуш берген, бул 28,53 пайызды түзгөн. Башкача айтканда, 2021-жылга салыштырмалуу быйылкы жылдын ушул саатына карата шайлоого 300 миңге жакын шайлоочу көбүрөөк катышып жатат”, — деди ал.

    

    Сүрөттүн булагы, gettyimages

13. 30 ноябрь 2025Казакстанда 736 шайлоочу добуш берди

    Саат 17:00гө карата Казакстанда жашап жана иштеп жаткан 736 жараны добуш бергенин Кыргызстандын Казакстандагы элчиси Кудайберген Базарбаев УТРКга түз байланыш маалында билдирди.

    Анын айтымында, Казакстанда 60 миңге жакын Кыргызстан жараны жашайт жана азыркы тапта шайлоо процесси жигердүү жүрүп жатат.

    “Жергиликтүү бийлик менен биргеликте 7 шайлоо тилкеси ачылды. Алар Астана, Алматы, Атырау, Караганда, Шымкент жана Тараз сыяктуу шаарларда жайгашкан. Элдин маанайы жакшы”, – деди ал.

14. 30 ноябрь 2025Франциядагы кыргызстандыктардын шайлоого катышуусу

    Франциядагы кыргызстандыктардын шайлоого катышуусу боюнча элчи Садык Шер-Нияз УТРКга түз байланышта маалымат берди.

    Анын айтымында, Париждеги Кыргызстандын элчилигинде шайлоо тилкеси ачылып, добуш берүү тынбай жүрүп жатат.

    “Бизде азыр саат 12:00 болду. Саат 12:00дөн кийин активдүүлүк башталат. Келип добуш берип жатышат. Москвага караганда абдан көп эл жок. Бирок ошого карабай бардыгы шайма-шай”,- деди ал.

    Элчи Борбордук шайлоо комиссиясы менен үзгүлтүксүз байланыш жүрүп жатканын, тиешелүү инструктаж өткөрүлүп, керектүү шарттар толук камсыздалганын белгиледи.

15. 30 ноябрь 20251 млн 200 миңге жакын шайлоочу добуш берди

    Кыргызстанда саат 17:00го карата 1 197 568 шайлоочу добуш берди. Бул жалпы шайлоочулардын 27.89 пайызын түзөт. Парламенттик шайлоого элдин катышуусу кандай болууда? Би-Би-Синин интерактивдик картасынан карап туруңуз.

16. 30 ноябрь 2025Тергөө абактарында 500дөн ашуун шектүү добуш берди

    Тергөө абактарында 500дөн ашуун шектүү добуш берди. Бул маалыматты Мамлекеттик жаза аткаруу кызматы таратты.

    Белгиленгендей, өлкөнүн бардык аймактарындагы тергөө изоляторлорунда айыпкерлер жана кызматкерлер добуш бере алышы үчүн зарыл шарттар түзүлгөн.

    Мекеме шайлоо процесси ачык өтүшү үчүн бардык изоляторлордо тиешелүү мамлекеттик органдар көзөмөл жүргүзүп жатканын билдирди.

    

    Сүрөттүн булагы, Official

17. 30 ноябрь 2025Аралыктан добуш берүү системасы кандай жүрүп жатат?

    Play video, "Аралыктан добуш берүү кандай өтөт?", Узактыгы 2,02

    02:02

    

18. 30 ноябрь 2025Президент Жапаров шайлоого активдүү катышууга чакырды

    Кыргызстан президенти Садыр Жапаров жубайы Айгүл Жапарова менен бирге Бишкектеги №1046 шайлоо тилкесине барып добуш берди.

    Play video, "Президент Жапаров шайлоого активдүү катышууга чакырды", Узактыгы 2,55

    02:55

    

19. 30 ноябрь 2025Саат 16:00гө карата жалпы 1 млн 73 миң 444 шайлоочу добуш берди

    Саат 16:00гө катара жалпы 1 млн 73 миң 444 шайлоочудобуш берди. Бул тууралуу БШК төрагасы Тынчтыкбек Шайназаров билдирди. Маалыматка караганда, бул жалпы шайлоочулардын25 пайызын түзөт.

    Ал шайлоого катышуу 30 пайыздан ашкан окургдарды атады. Айтымында, №1, №10, №13 жана №30 шайлоо округдарында добуш берүүгө келген жарандардын активдүүлүгү жогору болуп, катышуу 30 пайыздан ашты.

    Ошол эле маалда Аламүдүн округунда, Бишкектеги Ленин, Октябрь, Биринчи май жана Свердлов округдарында шайлоочулардын активдүүлүгү 25 пайыздан төмөн болду.

    Маалымат боюнча, 2021-жылдагы шайлоо менен салыштырганда быйыл активдүүлүк бир топ жогору. Саат 16:00га карата 1 млн 73 миң 444 шайлоочу добуш берсе, 2021-жылы ушул убакта 813 миң 176 жаран добуш берип, бул 22,47 пайызды түзгөн.

    Башкача айтканда, бул ирет мурунку шайлоого караганда, добуш бергендердин саны 200 миң кишиге көп болду.

    

    Сүрөттүн булагы, gettyimages

20. 30 ноябрь 2025Түркияда добуш берүү кандай өтүп жатат?

    Кыргызстандын Түркиядагы элчиси Руслан Казакбаев УТРКга түз байланышта чыгып, өлкөдө өтүп жаткан шайлоо өнөктүгүнүн жүрүшү тууралуу маалымат берди.

    Айтымында, Түркияда 8 шайлоо тилкеси ачылган. Алар Стамбул, Бурса, Измир, Анкарадагы элчиликте, Кайсери, Эскишехир шаарларында жана Анталиядагы башкы консулдукта, ошондой эле Аланьяда иштеп жатат.

    Расмий каттоодо Анкарадагы элчиликте 1700, Стамбулдагы башкы консулдукта 1740, Анталиядагы башкы консулдукта 2,5 миң жаран катталган.

    "Ушул саатка карата Анкарадагы элчиликте 80ге жакын жаран добуш берди. Стамбулдагы башкы консулдукта 67 жаран добуш берди. Анталиядагы башкы консулдукта 57 жаран добуш берди. Учурда ар бир участокто орто эсеп менен 50гө жакын жаран добуш берди", – деди ал.

    Казакбаевдин маалыматына караганда, расмий каттоодо 33 миң, бейрасмий маалыматтарды кошкондо Түркияда 45 миңдей кыргызстандык жашап, иштеп жана окуп жатат.