Империялар көз арткан Борбор Азия

Борбор Азия. Геосаясий сахнадагы эң ири оюнчулардын ортосунда турган бул эбегейсиз чоң аймакта бийик тоолор, шар аккан дарыялар, кең талаалар жана дүйнөдөгү эң оор техногендик экологиялык апаат болгон жер жайгашкан. Борбор Азия маданияттын, сооданын жана инновациянын борбору катары бай тарыхка ээ, бирок Орусиянын жана Советтер Союзунун жүз жылдан ашык убакытка созулган таасиринен кийин азыр бул аймакты түзгөн беш өлкө эл аралык аренада кайрадан өз ордун тапканга аракет кылып келет.