Кыргызстандын инвестициялык потенциалы, суракка алынган беларустук машыктыруучулар

1-октябрга карата Кыргызстандагы жана дүйнөдөгү окуялардын топтому.

Токио олимпиадасы: Беларустук машыктыруучулар суракка алынат

Токио олимпиадасына катышкан спортчу Кристина Тимановскаяны мекенине кайтууга мажбурлаган эки беларустук машыктыруучуга карата иликтөө иштери башталды.

Тимановская машыктыруучуларын сынга алгандан кийин өз эркине каршы Токио аэропортуна алып барылганын билдирген.

Жөө күлүк өз коопсуздугу үчүн коркуп жатканын айткан соң полициянын коргоосуна алынып, кийинчерээк Польшадан баш калка алган.

Эл аралык Олимипиада Комитети (ЭОК) менен Жеңил атлетика боюнча дүйнөлүк федерация (ЖАФ) бул иш боюнча “расмий процедура” башташкан.

ЖАФтын алдындагы Жеңил атлетика тармагында чынчылдыкты камсыздоо боюнча бөлүм беларустук эки машыктыруучуга карата иликтөө жүргүзөт. Аталган машыктыруучулардын Олимпиадалык аккредитациялары алынып, Оюндардан четтетилген.

“ЭОК менен ЖАФ эки машыктырууга карата бирге расмий процедура баштоо жана иликтөөнү улантуу боюнча макулдашкан”, - деп жазылган билдирүүдө.

24 жаштагы Тимановская интернетке видео чыгарып, аны аз убакыттын ичинде беларустук расмийлер 400 метр аралыкка чуркоо таймашына киргизип коюшканын айтып чыккан. Ал эми командасындагы башка жөө күлүктөр таймаштан четтетилген.

Видеону чыгаргандан кийин аны мамлекеттик медиа сынга алып, бир телеканал анын “топ ичиндеги духту” жоготконун айткан.

Анын билдиришинче, расмийлер анын бөлмөсүнө келишип, бир сааттын ичинде баштыктарын салыштыруусун айтып, Токионун Ханеда аэропортуна алып барышкан.

Беларустук расмийлер Тимановская “эмоционалдык жана психологиялык абалынан” улам кармалганын айткан. (EA)

Мумбайда бизнес-коомчулук Кыргызстандын инвестициялык потенциалын талкуулады

29-сентябрда Мумбайда Бомбейдеги Өнөр жайчылар Ассоциациясы уюштурган «Speed Networking» 7-бизнес-форумунун негизги өлкөсү болду.

Форумга Мумбайдагы экономиканын түрдүү тармактарындагы алтымыштан ашуун алдыңкы компаниялардын өкүлдөрү, ошондой эле бир катар чет мамлекеттердин башкы консулдуктары жана соода өкүлдөрү катышты.

Кыргызстандын Индиядагы элчиси Асеин Исаев өз сөзүндө Кыргызстандын инвестициялык жана туристтик мүмкүнчүлүктөрү, ошондой эле Кыргызстан менен Индиянын ортосундагы соода -экономикалык кызматташтыкты өнүктүрүүнүн мүмкүнчүлүктөрү жана келечеги тууралуу кеңири айтып берди.

Мындан тышкары, Кыргызстандын инвестициялык мүмкүнчүлүктөрү боюнча презентациялар көрсөтүлдү. Иш-чаранын катышуучулары Кыргызстандын ар кандай секторлорундагы инвестициялык долбоорлору менен таанышты.

Пленардык отурумдан кийин ар кандай секторлордогу алдыңкы компаниялардын, ошондой эле Мумбайдагы киноиндустриянын өкүлдөрү менен профилдик сессиялар, жолугушуулар жана сүйлөшүүлөр өткөрүлүп, анын жыйынтыгында конкреттүү макулдашууларга жетишти.

Мисалы, Кыргызстандан жыл сайын 100 тоннага чейин жана 400 тоннага чейин асафетида жемиштерин жеткирүү, мейманканалардын курулушуна инвестиция салуу боюнча 2021 -жылдын аягына чейин бизнес -делегациянын сапарын уюштуруу, туристтик делегациялардын, анын ичинде туристтик сектордун бай секторлорунун өкүлдөрү үчүн гана укмуштуу туризм чөйрөсүндө сапарларын уюштуруу маселелери. Ушул максатта Индия тарап сапарды уюштуруу үчүн Мумбай-Бишкек каттамы боюнча чартердик рейс уюштуруу пландарын кабарлады.

Мындан тышкары, Болливуд делегациясынын жана башка бир катар киностудиялардын киного тартуу жерлерин жана пейзаждарды изилдөө, ошондой эле фильмдерди жана клиптерди тартуу үчүн Кыргызстанга сапарын уюштуруу, Индия-Евразия соода кеңешинин кеңсесинин базасында Кыргызстандын соода-экономикалык жана инвестициялык мүмкүнчүлүктөрү үчүн зал ачуу, зер буюмдарын жасоо үчүн Кыргызстандан Индияга алтын экспорттоо мүмкүнчүлүктөрү, Кыргызстанда өндүрүлгөн пайдалуу кендерди экспорттоо мүмкүнчүлүктөрү талкууланды. (КС)

Түндүк Корея жаңы зениттик ракетасын сыноодон өткөрдү

Түндүк Корея 30-сентябрда "жаңы иштелип чыккан" зениттик ракетасын сынаганын өлкөнүн Кореянын борбордук маалымат агенттиги (KCNA) 1-октябрдагы отчетунда билдирди.

Коргоо Илимдер Академиясы тарабынан өткөрүлгөн сыноо атуусун Корея бюросунун мүчөсү, Кореянын Жумушчу партиясынын жогорку кызматкери Пак Чон Чон көзөмөлгө алды.

Отчетто сыноо "атуучу аппаратты, радарды жана бардык максаттуу согуштук командалык машинанын иштөө практикасын, ошондой эле ракетанын комплекстүү согуштук көрсөткүчтөрүн ырастоо" үчүн жүргүзүлгөнү айтылат.

Анда "ракетаны башкаруу тутумунун ыкчам иштөө жөндөмдүүлүгүнүн жана тактыгынын олуттуу жогорулашы, ошондой эле эки рулду башкаруу технологиясы жана кош импульстуу учуучу кыймылдаткыч сыяктуу жаңы негизги технологияларды киргизүү менен аба буталарын атып түшүрүү алыстыгы" белгиленген.

Түндүк Корея аптанын башында кыска аралыкка учуучу гиперүндүү ракетасын сыноодон өткөргөн. (MD)

Кыргызстанда соңку суткада коронавирустан эч ким каза тапкан жок

Соңку жумада биринчи жолу Кыргызстанда коронавирустан бир да өлүм катталган жок. Бул тууралуу Саламаттыкты сактоо министрлиги билдирди.

Ооруну жаңы жуктургандар саны 76га жетти. Коронавирус дагы деле Бишкек жана Чүйдө кенен жайылып жатат:

Бишкек - 42

Чүй облусу – 20

Ысык-Көл облусу – 8

Жалал-Абад облусу – 3

Талас облусу - 2

Ош шаары - 1

Катардагы жарандардан тышкары, соңку суткада дагы төрт медициналык кызматкерге COVID-19 жукту. (EK)