Boris Johnson ekwuola na ọ bụ ime odogwu nwoke enweghị isi mere Vladimir Putin ji wakpoo Ukraine.
Praim Mịnista mba Briten bụ Boris Johnson ekwuola na Onyeisi mba Rọshịa bụ Vladimir Putin akaraghị ịwakpo mba Yukren ma ọ bụrụ na ọ bụ nwaanyị.
Johnson si na "mwakpo ara ara" bụ "ezigbote njirịmaatụ igosi odogwu nwoke" na enweghị isi , ma kpọọ oku ka e nwee ohere ụmụnwaanyị ịbanyekwu n'ọkwa ọchịchị."Okwu ya na-abịa dịka ndị ndu mba nọ n'otu Nato na-agbakọ na Madrid ebe okwu gbasara agha Yukren bụ ihe a kpụ n'ọnụ.
Ebe foto si, Getty Images
E nyela ndị agha Yukren iwu ka ha pụọ na Severodonetsk,dịka otu onye isi si mpaghara ahụ si kwuo.
Agha kpụ ọkụ n'ọnụ na Severodonetsk dịka ndịagha Rọshịa na-awụ ha mgbọ na mbọ ha iweghara obodo ahụ dị na mpaghara Ọwụwa Anyanwụ.
Ọpụpụ bụ nnukwu ihe n'ihi na ọ pụtara na Luhansk ga-abanye n'aka ndịagha Rọshịa, ma e wezụga naanị Lysychansk.
Luhansk, bụ ebe a na-asụ Rọshịa n'Ọwụị̀a Anyanwụ Yukren bụ ebe dịkachara Vladimir Putin mkpa.
Ya bụ ebe na mpaghara Donetsk ka a na-akpọ Donbas bụ mpaghara ahụ nweere ụlkọ mmepụta ngwahịa bụ mpaghara na-ekwu okwu nnnwereowne kemgbe afọ 2014.
Ndewoonu, Igbo ndị ọma anyị kwo aba!
Ebe foto si, EPA
Dịka ọgụ Rọshịa na Yukren na-achọ ịkụụ ọnụ n'abalị 100 , Rọshia na-akwa mgbọ n'ike nike iji weghara Donbas dị na Ọwụịwa Anyanwụ Yukren.
Lee ihe ise ndị ọzọ dị mkpa mere ụnyaahụ n'metụtara ọgụ ahụ Vladimr Putin bu n'isi ya:
Taa mara Igbo nile mma!
Mma dịrị onye ọma!
Njọ onye metara, n'isi ya!
Ebe foto si, Reuters
Ndịagha mba Rọshia ji iwe akwa mgbọ n'obodo Severodonetsk.
Dịka gọvanọ mpaghara Luhansk bụ Serhiy Haidai si kwuo, mmadụ abụọ ndị nkịtị nwụụ, ebe ndị ọzọ merụụ ahụ ka ndịagha Rọshia wụbatara na Severondetsk.
Onye ndụmọdụ Mịnista nchekwa nke mba Yukren bụ Yuriy Sak, gwara BBC na Rọshịa "na-agba mbọ ịgba ndị agha Yukren gburu n'obere n' obere, ma memila ha."
"Ka o si kwuru ugbua , ndị agha Yukren emela ka ihe nile dajụọ dịka ha jisi ebe ha ji ike."
"Ndị agha Rọshia ka ha nwe egbe, nwe ụgbọala agha Kajara akaja bụ nke ha ji akwa mgbo 24/7, na-ezzughị ike., ha na-enweetakwa ụfọdụ ụlọ ndị nkịtị , ewemewu ndị nkịtị nakwa ndịagha Yukren."
"Ọnọdụ a siri izigbo ike mana ndịagha Yukren na-atụ anya inweta ngwaọgụ anyị rịọwara ndị mpaghara Ọdịọ̄a anyanwụ Yurope kemgbe oge."
Ebe foto si, EPA
Ndị na-anọchite mba Sweden na Finland zutere ndị ọchịchị mba Turkey maka mbọ ha na-agba ịbanye otu Nato.
Mba abụụọ ndị a amalitela atụmatụ isonye otu agha mba ndị dị n'Ọdịda Anyanwụ Yurop kemgbe Rọshịa wakporo Yukren.
Mana mba Turkey ekweghị.
Ụnụ asaala chi?
Ebe foto si, Reuters
Ụlọikpe n'Ukraine atụọla onye amị gbagburu onye nkịtị n'Ukraine nga mkpụrụ ọka n'agha ahụ ha na Russia na-alụ.
Nke a bụ ikpe ọchụ nke mbụ ha kpere n'agha a.
A tụrụ Sgt Vadim Shishimarin mkpọrọ maka ịgbu Oleksandr Shelipov, gbara afọ iri isii na abụọ ,62, na ịmeobodo Chupakhivka n'ụbọchị iri abụọ na asatọ nke ọnwa Febuwarị.
Ọ kwetere na ya gburu ya bụ nwaamadị mana ọ bụ ihe e ziri ya ka ya mere, ma rịọ nwunye nwoke ahụ mgbaghara.
Ndị Ukraine na-elebe anya n'ọtụtụ ọchụ ha sị na Russia gburu ebe ahụ.
A na-akọwa na-ikpe a bụ nke puruiche ma burukwa nke mbụ pụtara na ya bụ agha e mebiri ọtụtụ iwu agha.
Moscow agọọla ugboro ugboro na ọnweghị ala ha meruru na ya bụ agha agbanyeghị na Ukriane sị na ha gụtara arụ dị puku iri na otu (11,000) ndị Russia metere ebe ahụ.
A tụru anya na Ukraine ga-ewepụtakwa ọtụtụ ebubo dị otu a ha na-ebo Russia mgbe adịghị anya iji gbaa Russia n'anwụ.
Ebe foto si, Reuters
Onyeisiala mba Senegal bụ Macky Sall ekwuola na ọ ga-aga njem na mba Yukren nakwa Rọshịa dịka onyeisi ngalaba Afrịcan Union
O kwuru na nke kachasị dị ya mkpa na njem ahụ bụ ikpezi udo n’etiti mba abụọ na-alụ agha.
Sall sí na mba Rọshịa akpọọla oku ya bịa nleta ebe mba Yukrane kọwara na ha chọrọ ka ha na ndị isi ala Afrịka nwee nzụkọ.
Agha malitere n'etiti Rọshịa na Yukrane ebutela ụkọ Wheat nakwa mmanụ nri nke na-eme ka ụkọ nri ka njọ na mba Afrịka ndị dara ogbenye.
Ọnụ mmanụ ụgbọala arịala elu maka agha ahụ kwa nke na-ebute ntaramahụhụ.
Ebe foto si, Reuters
Onyeisiala mba Yukren bụ Volodymyr Zelensky ekwuola na ihe dị na-agbata mmadụ 50 na 100 n'Ọwụwa Anyanwụ mba ahụ dịka agha na Rọshia na-aga n'ihu.
Zelensky, onye kwuru nke a ka ọ na-agwa ndị ntaakụkọ okwu Ụbọchịụka, sị na ndị ahụ nwụrụ dịka ha na-alụrụ Yukren ọgụ "n' ọnọdụ tara akpụ".
Ọ kọwaghị gbowam ihe ọ na-ekwu maka ya, mana a na-eche na ọ na-arụtụ aka na ndị agha nwụrụla, iji rụtụ aka na agha ahụ na-apụ ọkụ na mpaghara Ọwụwa Anyanwụ mba ahụ.
Ndị agha Rọshịa eweliela elu mbọ ha inweta obodo ndị dị na mpaghara Donbas, ọkachasị, obodo Severodonetsk.
Igbo ndị ọma, ndewoonụ o!
Ebe foto si, Reuters
Russia ekwuola na ha emechala nweta mmeri na mpaghara Mariupol nke Ukraine dịka ha malitere kemgbe otu ọnwa gara aga na-anwa ijibido mpaghara ahụ.
Russia na-ekwu na ha anapụla ndị ọrụ nchekwa ikpeazụ gbara mbọ ichekwa ụlọọrụ Azovstal bụ ebe a na-emepụta ihe ọnatarachị Bekee na-akpọ ‘Steel’ nakwa igwe ndị ọzọ.
Ruo ọnwa ole na ole ndị agha Ukraine nọ n'ime nnukwu ogige ụlọọrụ ahụ, dịka ha gbara mbọ ịhụ na-egbochi Russia werere ọnọdụ ọchịchị n’obodo ahụ kpamkpam.
ndị ọrụ nchekwa Russia kwuru: “Obodo ahụ na ụlọ ọrụ ígwè a, anyị 'atọhapụla kpamkpam' dịka anyị chụpụrụ ndị agha mba Ukraine mmadụ 531 n’ebe ahụ.
Obodo Mariupol bụ obodo dị ezigbo mkpa nye ọchịchị nakwa akụnụba mba Ukraine dịka ebe ahụ bụ ebe ọnụ mmiri mba ahụ dị nke bụ na ọ bụ ebe esi ebupụ nakwa ebubata ngwa ahịa na mba ahụ.
Russia agbaala mbọ ijibido obodo kemgbe mwakpo ha malitere n’Ukraine dịka ha ma na atụmatụ a ga-emetụta mba ahụ nke ukwuu.
Ugbua, obodo Mariupol adakpoola n’ụzọ ọjọọ dịka ndị agha Russia tụrụ ọtụtụ ogbunigwe ebe ahụ iji manyụọ ndị agha mba Ukraine anya.
Ọtụtụ ndị bi ebe ahụ agbaala ọsọ ndụ ha gbagaa obodo ọzọ dịka Mauripol so n’ebe Russia kacha wakpoo na nso nso a.
Ebe foto si, Getty Images
Russia ezipụtala ozi na ha na-akwụsị atụmatụ inye mba Finland gassị ha dịka ha na ọtụtụ mba ndị ofesi na-ese okwu ugbua.
Ụlọọrụ Gazprom na-emepụta gassị na Russia kwuru na ọ kụọ elekere anọ n’ụbọchị Satọdee ha akwụsị ibugara Finland gassị.
Nke a na-abịa dịka Finland jụrụ iji ego mba Russia bụ roubles zụta gassị tinyekwuoro na ha kwuru na ha chọrọ isonye otu jịkọrọ ọtụtụ mba n’Europe bụ Nato nke Russia anabataghị.
Cheta na kemgbe Russia malitere iwakpo Ukraine n’ọnwa Febụwarị 2022, ọtụtụ mba nyere ha mmachị nakwa ntaramahụhụ maka nke a, Russia iji bọọ ọbọ na nke a tiri iwu na ndị niile chọrọ ịzụta gassị n’aka ga-ejiriri ego ha bụ roubles zụọ ahịa.
Russia malitere iwakpo Ukraine maka ha kwuru na ha chọrọ isonye Nato.
Mba Russia so na mba kacha emepụta ma na-ere gassị nakwa mmanụ ụgbọala n’ụwa niile.
Ebe foto si, APF
Gọọmentị Ukraine asịla na-ọnweghịike ime bụ echiche ndị Russia ịresị ha ọkụ e mepụtara n'Igweọkụ nukịa nke Zaporizhzhia Russia kpachiri.
Ndị agha Russia jichiri ya bụ igweọkụ Zaporizhzhia dị na-akụkụ Iyi Dnieper nke dị na ndịda Ukraine.
Ya bụ igweọkụ nukia bụ ọkaibe n'Europe.
Agbanyeghị na ọ dị n'aka ndị Russia ugbua, ndị Ukriane ka na-arụ ọrụ na ya.
Mana Russia akpọtala ndị nke ha na-elebe anya n'ọrụ ha.
Osote Praịm Minista mba Russia bụ Marat Khusnullin aṅụọla iyi iresi Ukraine ọkụ si na ya apụta maọbụ ha esega ya Russia.
Mgbe ọ gara njem na Ukraine ụbọchị Wenezde, ọ sị, "ọ bụrụ na ndị Ukraine dị njikere ịgo ya bụ ọkụ, anyị akpaa, mana ọ bụrụ na ha achọghị Russia e were ya".
Ọnụ na-ekwuru ndị ọrụ nukịa nke Ukriane ekwuola na ọ ga ewe afọ kwuru afọ isega ya bụ ọkụ na Russia.
Leonid Oliynyk gwara BBC na "ọ bụ okporoọkụ ndị Ukraine ka a ruoru ya bụ igweọkụ".
Ebe foto si, EPA/Maxim Shipenkov
Ndị omeiwu abụọ na mba Rọshịa ewepụtala akwụkwọ ga-eme ka ewepụ afọ enyere mmadụ iji kwụsị ịsonye ndị agha n'ebe ahụ.
Iwu dị ebe ahụ ugbua kwuru na onye ọbụla gafere afọ 40 agaghị esonyenwuzi ndị agha mana ndị omeiwu abụọ a chọrọ ka agbanwee ya.
Ha kọwara na ha nwere ọchịchọ ndị ma agba egbe ọfụma nakwa ahụmihe ha gosiri na ndị kachasị eme nke a bụ ndị si afọ 40 rue afọ 45.
Ebe foto si, Donetsk Regional Military Administration
Onyeisiala mba Yukren ekwuola na mkpamkpa mba Rọshịa na-akpa n'ala ya bụ iheh Bekee kpọrọ "Genocide".
N'ozi o siri n'abalị ụnyaahụ, o kwuru na mba Rọshịa a ma ụma egbu ndị nkịtị na Yukren.
Mba Rọshịa n'onwe ha agọbuola ebubo a mgbe mbụ Zelensky boro ha ya.
Iji ma atụ, o kwuru na ndụ dịzị ka ọkụ mmuo n'ebe akpọrọ 'Donbas' nke ọ sị emebiela kpam kpam.
Ebe foto si, REUTERS/Yves Herman
Onyeisiala mba Turkey bụ Recep Tayyip sị na ha agaghị anabata Finland na Sweden ịbata Nato.
Cheta na mba abụọ ahụ sị na ha chọrọ ịbata Natọ bụ nke ha tinyegoro akwụkwọ mmasị ha.
Odeakwụkwọ Nato bụ Jens Stoltenberg sị na ha ga-etinye ya ọnụ ngwangwa iji mata ebe asụrasụ dewere ọdụ na ya bụ akwụkwọ mmasị mba abụọ ahụ detere, ma sị kwa na ha ga-etinyekwa ọnụ na iwe Turkey mere ha ejighị kwado ha.
Tayyip kwuru na Twitter ya sị "anyị agaghị akwado Finland na Sweden ịbata Nato".
Ụnyaahụ bụ Wenezde ka mba abụọ ahụ nyere Nato akwụkwọ mmasị ha maka ịbata Nato.
Cheta na mba abụọ na Russia nwere okeala.
Russia kpachiri Crimea na 2014.
Yukren ekwupụtala na a zọpụtala narị kwuru narị ndịagha ha tọọrọ kemgbe ọnwa abụọ n' ụlọọrụ mmepụta igwe a kpọrọ Azovstal dị na Mariupol.
Osote Minista nchekwa mba ahụ bụ Hanna Maliar kwuru na e bughara ndịagha 53 merụrụ ahụ obodo Novoazovsk bụ ebe ndị agha nnupisi Rọshịa ji.
O kwukwara 211 ọzọ bụ ndị e bugara Olenivka nke bụkwa obodo ndị nnupuisi ji.
Rọshịa kwuburu na e nwere nkwekọrịta iji nye ohere ka e bupụ ndị merịụrụ ahụ.
Ihe dịka ụgbọala bọọsụ dị 12 ka e jiri bupụ ndị agha Yukren tọọrọ n'ime ụlọọrụ mmepụta igwe ahụ bụ ebe Rọshịa wakporo, dịka Reuter si kwuo.
Ụlọntaakụkọ nke gọọmentị Rọshịa gosiri ihe onyonyo ebe a na-ebupụ ndị aha ahụ.
Ebe foto si, Reuters
Igbo ndị ọma na-eso anyị, ụbọchị taa mara ụnụ mma o!
