"Ọ bụ ekpere ga-azọpụta Naijirịa n'aka ndị Omekome" - Enoch Adeboye

Ụkọchukwu ukwu nke Redeemed Christian Church of God emeela njem nleta na nke gọvanọ Ekiti steeti.

Mkpuchi Na Eme Ozugbo

Chioma Obianinwa

18 Eprel 2021Ụmụ nwoke abụọ anyụpụtala ọgwụ 'Cocaine' na Heroin n'ọdọụgbọelu Legọs
Ebe foto si, NDLEA/Facebook
Ngalaba na-ahụ maka ịkwụsị ọgwụike mgbasa na Naịjirịa bụ NDLEA n'ịchafụ ejidela ụmụ nwoke abụọ chọrọ ịbu ọgwụike Cocaine na Heroin aga mba UK na Amerịka.
Ngalaba ahụ kwukwara na nwoke abụọ ahụ nyụpụtara ihe ruru ọgwụ otu narị na iri itoolu na otu dịka edebere ha na nyocha.
Ha jidekwara onye ọzọ n'ụbọchị Fraịde si mba Brazil bata Legọs ma nyụpụta ọgwụ ruru iri itoolu na itoolu due ugbua.
Onyeisi ngalaba ahụ bụ Buba Marwa dọọrọ ndị niile na-agba mgbere ọgwụ ike aka na ntị ma sị ha na ozugo bụ na ozugo.
O jikwa ohere ahụ kelee ndị ọrụ ya niile sị ha jisike na mbọ ha na-agba megide ọgwụ ike.
18 Eprel 2021Gere akụkọ ndị ga-amasị gị n'otu nkeji
18 Eprel 2021Adeboye bụ ụkọchukwu nwe ụka Redeemed agaala Enugwu steeti
Ebe foto si, Enugu state Government
Gọvanọ Enugwu steeti bụ Ifeanyi Ugwuanyi, nabatara Ụkọchukwu Enoch Adeboye bụ onyeisi ụlọụka RCCG
n'ịchafụ, n'Enugwu steeti.
Adeboye nọ n'Enugwu maka nzukọ ndị ọrụ na ndị ụkọchukwu ndị ụka ya nọ n'ọwụwa-anyanwụ.
Cheta na Adeboye na-ekwusi ike na ihe ọ kwenyere bụ na ọ naanị ekpere ga-azọpụta Naijirịa n'aka ndị omekome.
Gọvanọ Uguwanyị nabatara Adeboye n'ọdọụgbọelu Akanu Ibiam nakwa n'obi gọọmentị nke steeti ahụ.
Ebe foto si, Enugu state Government
18 Eprel 2021Ọkụ ukwu na-agba na Rhodes Memorial nke mba Saụt Afrịka
Ebe foto si, Sisoke Mlamla
Akụkọ pụtara n’ehihie ụbọchị ụka a bụ na nnukwu ọkụ na-agba n’ebe akpọrọ Table Mountain dị n’obodo Cape Town mba Saut Afrịka.
Ndị ọrụ mmenyụọkụ kwuru na ha na-agbasị mbọ ike ịkwụsịlata ya bụ ọkụ mana ọ bidola ịgba ụlọ ndị dị ya nso.
A mabeghị ihe bidoro ọkụ ahụ mana ndị mmadụ na-eche na ọ bụ ihe gbara n’ime ụlọoriri Rhodes Memorail dị ebe ahụ.
Skip X post
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post
18 Eprel 2021VAR azọpụtala Arsenal n'aka ndị Fulham taa
Ebe foto si, EPA
Arsenal azaala 'VAR nyere m aka' taa dịka goolu Edward Nketiah nyere na nkeji 90+7 zọpụtara ha na mmeri Fulham gaara emeri ha.
Goolu a bịara ịzọpụta Arsenal bụ ndị a gụfuru goolu ha na nkeji 40, mgbe Daniel Ceballos gbakpunyere otu.
N'agbanyeghi na ọ bụ n'ọgbọegwuregwu Emirates ka a sọrọ mpi nke taa, ndị Arsenal lara na nta dịka Fulham bụ ndị bịara ileta ha n'ụlọ gaara emebọ ha.
Mana Josh Maja nke Fulham bịara jiri penariti gbakpunye otu goolu chụpụrụ Arsenal oyi na nkeji 59.
Goolu atọ a e nyechara n'egwuregwu a, e jicha VAR nyochaa ha iji mara ma a ga-ahapụ ya ka a ga-agụfu ya.
Ka ọ dị ugbua, Arsenal nọ na pọịntị 46 ebe Fulham gaara eji mmeri a na-enwetu obere olileanya ịrịpụta na ndị ga-agbada na Championship.
18 Eprel 2021Ihe mere e jiri mee ngagharị mwereonwe mba Oduduwa
Skip X post
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post
Otu dị iche iche apụtala mee ngagharị nwereonwe n'Ibadan, Oyo steeti n'ụbọchị satọde maka ọchụchọ mba Oduduwa.
Otu ndị a gụnyere otu Ilana Omo Oodua bụ ndị soro mee ya bụ ngagharị nwereonwe.
Ebe foto si, Screen shot
Ụlọ ntaakụkọ Punch dere na ndị a sitere Oyo, Ogun, Lagos, Osun, Edo, Delta, Kwara na Kogi steeti were bia mee ya bụ ngagharị nwereonwe.
Ihe bụ isiokwu ha jiri mee ya bụ ngagharị gụnyere:
- Ha chọrọ ka ndị Yoruba si na Naijirịa pụta
- Ha sị na ha enweghị ezi nchekwa na Naijirịa
- Na ikpe ziri azị anaghị erute ha aka na Naijirịa
N'aka nke ọzọ ka otu Yoruba Welfare group na-ekwu na ndị a mere ngagharị nwereonwe a bụ ọchụchụ ihe nrite nke ha ka ha na-achọ ma sịkwa na ha chọrọ ibute ọgbaaghara n'ala ha.
Ndị uweojii biara ya bụ ngagharị nwereonwe sị na ọ bụ maka ịchekwa ndị na-eme ya bụ ngagharị ka ha jiri bịa.
Ebe foto si, Screen Shot
18 Eprel 2021Gere akụkọ ehihe n'otu nkeji
18 Eprel 2021Njem ụgbọelu ga-ebido n'ọdọ ụgbọelu dị na Bayelsa Steeti
Skip X post
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post
Onye na-ahụ maka mgbasa ozi onyeisiala Naijirịa na Soshal Midia bụ Bashir Ahmed edepụtala n'akara Twitter ya na ngalaba Nigerian Civil Aviation Authority enyela ikike ka ebido ime njem ụgbọelu n\ọdọ ụgboelu nke dị na Bayelsa steeti.
Ọ depụtara na ọ bụ onyeisi ngalaba ahụ bụ Nuhu Musa nyere gọvanọ Bayelsa steeti bụ Douye Diri dịka ọ mechara njem nyocha na ya bụ ọdọ ụgbọelu.
18 Eprel 2021Gere nkeji akụkọ ụtụtụ n'otu Nkeji
18 Eprel 2021"Ọ bụ ekpere ga-azọpụta Naijirịa n'aka ndị Omekome" - Enoch Adeboye
Ebe foto si, @PASTORADEBOYE
Onyeisi na-elekọta Redeemed Christian Church of God bụ Enoch Adeboye ekwusiela ike na ihe ọ kwenyere na ọ bụ ekpere ga-azọpụta Naijirịa n'aka ndị omekome.
Ọ bụ mgbe ọ gara njem nleta na nke gọvanọ Ekiti steeti bụ Kayode Fayemi ka o kwuru nke a ma katọọ etu e siri tọrọ Eze David Oyewumi na steeti ahụ.
Adeboye gwara Oyewumi sị, " Anyị na-ekpesiri Ekiti steeti ekpere ike. Etu ndị omekome a sị awakpo ndị Eze anyị na-enweghị nsọpụrụ na-ewute m dịka nwaafọ Yoruba".
Ebe Gọvanọ Fayemi kwuru na njem nleta Adeboye bụ ihe ngozi nye ndị Ekiti steeti ma sịkwa na ekpere onye ọbụla obi ya dị ọcha na-ekpere Naijirịa na-adị mkpa.
18 Eprel 2021Unu abọọla chi!
Soro anyị taa maka akụkọ niile ga-amasị gị
17 Eprel 2021Covid-19 egbuola ihe karịrị mmadụ nde atọ na mbaụwa
Ọrịa covid-19 egbuola ihe karịrị mmadụ nde atọ na mbaụwa, dịka mahadum Johns Hopkins si kwuo.
Ka ọ dị ugbua, ihe ruru mmadụ otu nde narị na iri anọ ebutela ọrịa ozuruụwaọnụ a kemgbe o selitere isi.
17 Eprel 2021Nkeji BBC Igbo nke ehihe
Were otu nkeji mata ihe na-akpọtụ na Naijirịa na mba ndị ọzọ.
17 Eprel 2021Ụlọikpe akpọọla Frank Ibezim dịka onye ga-anọchite anya otu APC n'oge ntuliaka.
Ebe foto si, Uche Akolisa
Ụlọikpe kachasị akagbuola ikpe ụloikpe elu nke Abuja na ụlo ikpe mkpegharị kpere were wepụ Frank Ibezim dịka ọnye ga-anọchite anya otu All Progressive Congress nke Imo North n'oge ntuliaka ndị omeiwu Imo steeti.
Ikpe mabụrụ Ibezim maka ebubo na okwughị eziokwu n'ama ọgbara mgbe a na-eme ya nyocha e ji ahọpụta ndị ga-anọchite anya otu APC oge nduliaka.
Ọ bụ Asomugha Elebeke bụ onye kpọpụrụ ya ụlọikpe.
Agbara Ibezim ikpe maka ebubo na akwụkwọ asambodo ejiri mee ya nyocha bu aha dị iche.
Kama Justice Agim kagburu ya bụ ikpe n'ihi na oge ekwesiri ịwepụta ya bụ ebubo agafeela nke bekee kpọrọ Statute Barred.
17 Eprel 2021Ndị ojiegbe atọrọla Eze David Oyewuni nke ndị Obodo Ilemeso-Ekiti dị n'Ekiti Steeti.
Ebe foto si, Getty Images
Akụkọ na-ekwu na ndị ojiegbe atọrọla Eze David Oyewumi bụ Eze ndị obodo Ilemeso-Ekiti dị na okpuru ọchịchị Oye na Ekiti Steeti.
Ya bụ akụkọ na-akọwa na ọ bụ na Obi Eze ya ka ndị omekome a siri tọrọ ya.
Ọnụ na-ekwuchitere ndị uweojii na steeti ahụ bụ Sunday Abutu kwuru sị " Ọ bụ ụnyaahụ (Frịde) ka ya bụ ihe mere n'Obi Eze ya".
Dịka o siri di mgbe akụkọ a pụtara, enwebeghị ihe ndị tọrọ Eze Oyewumi kwurula ma anụbeghị kwa ụmere ya bụ Eze.
17 Eprel 2021Nkeji BBC Igbo nke ụtụtụ
Gere akụko dịka o si akpọtụ n'ụtụtụ taa bụ Satọde, n'otu nkeji.
17 Eprel 2021Ndị agha Naijirịa kwuru na ha ememiliela ndị isi otu ISWAP iri na atọ.
Ebe foto si, Reuters
Ndị agha Naijirịa nke Lafia Dole ekwuola na ha egbuola ndị agha otu Islamic States West Africa Province nke bụ ISWAP n'aha ịchafụ iri na atọ na Borno Steeti.
Ọ bụ onye agha na-ahụ maka mgbasa ozi bụ Mohammed Yerima kwuru nke a n'ụbọchi Frịde were sị na ọ bụ ndị agha elu na nke ala kpara ya bụ ike.
O kwuru na ọ bụ dịka ndị otu ISWAP chọrọ ịwakpo obodo Damasak na obodo ọzọ nọ na mpaghara ahụ ka ndị agha gburu ha.
Yerima kwuru na ndị agha Naijirịa gburu Bukar Fitchmeram eji Abu Aisha mara, onye bụ otu n'ime ndị isi agha otu na ọtụtụ ndị otu ya ndị soro ya bia ya bụ ọgụ.
17 Eprel 2021Ụnụ abọọla chi!
Soro anyị taa maka akụkọ n'ile ga-amasị gị.
16 Eprel 2021Ka chi bọọ
Daalụ maka ịnọnyere anyị taa
16 Eprel 2021Gọọmentị Abịa etinyela mmachi ngagharị site n'elekere asatọ nke abalị ruo isii nke ụtụtụ
Gọọmentị Abia steeti ekwuola na ha enwetala ozi na ndị amabeghị na-akpa nkata ịwakpo otutu ebe dị mkpa na steeti ahụ.
N'ihi nke a, gọọmentị tinyere mmachi ngagharị site n'elekere asatọ nke abalị ruo isii nke ụtụtụ.
Gọọmentị Abịa steeti kwuru na ndị ọrụ nchekwa dị iche iche ekeela nkwụcha ma dịrị nkwadobe imebi nkata ndị a na-akpa ma nwụchie ha.
Gọọmentị steeti ahụ na-agwakwa mmadị niile bi n'ebe ahụ ka ha mụrụ anya ka azụ ma hụ na ha ruru n'ụlọ ha tupu mmachi ngagharị ebido.