Etu e si gbuo ọkaiwu Nwankwo n'ụlọọrụ ya dị n'Owerri

Ndị na-amabeghi ndị ha bụ egbuola ọkaiwu Ndionyenma Nwankwo n'ụlọọrụ ya dị n'Owerri, Imo Steetị.

Mkpuchi Na Eme Ozugbo

Jessica Nwankwo

13 Febụwarị 2021Ndị bandits na ụfọdụ ndị agha Naịjirịa na-arụkọ ọrụ - Sheikh Gumi
Ebe foto si, Getty Images
Otu onye ụkọchukwu a ma ama n'okpukperechi Islam na Naịjirịa bụ Sheikh Gumi Ahmed ekwuola na ndị ekperima ọchịehi a na-akpọ bandits na ụfọdụ ndị agha Naịjirịa na-arụkọ ọrụ.
Gumi kwuru nke a na mkparịtaụka ya na ụlọọrụ ntaakụkọ Punch.
Ọ gara n'ihu na-ekwusi ike na ihe ga-eme ka ndị ekperima a kwụsị iyi ndị mmadụ egwu bụ ma gọọmentị gbaghara ha.
Ebe foto si, Facebook/Sheikh Gumi
Nkọwa foto, Sheikh Gumi na ndị ekjperima ọchịehi nwere ọgbakọ n'ọdị nso a
1Gumi kwuru sị: "Ekwuola m ya na mbụ na ihe ha ji ego niile ha na-enweta n'ịtọrọ mmadụ eme bụ ịzụ egbe na ngwa agha dị icheiche."
"Ugbua, ha na-achọ ịzụta egbe ndị nwere ike ịgbatu ụgbọelu, nke ha ga-eji na-aluso ndị agha naịjirịa ọgụ."
"Ihe a abụghịzi ihe gọọmentị ga-eji ọgụ egbe na ịkwa mgbọ kwụsị. Chetakwa na ndị ekperima nwere ndị dị icheiche na-enyere ha aka, ma ụfọdụ ndị agha Najirịa na-enyere ha aka."
"Ihe ka mma bụ ịkpọ ha ma gbaghara ha, mee udo. Naanị oge ahụ ka gọọmentị ga-enwe ike ịgwa ha ihe ha ga-eme."
7 Febụwarị 2021Ndị ekperima egbuola ihe ruru mmadụ 19 na Kaduna Steetị
Ebe foto si, Getty Images
Ihe ruru mmadụ iri na itoolu ka ndị ekperima gburu ebe e merụrụ ọtụtụ ahụ n'okpuruọchịchị Birnin Gwari na Kajuru dịcha na Kaduna Steetị.
Kọmishọna na-ahụ maka nchekwa na Kaduna Steetị bụ Samuel Aruwan sị na ndị ekperima gburu mmadụ iri na anọ n'ụbọchị Satọde n'obodo Kutemeshi ebe e egburu ise n'obodo Kajuru n'otu ụbọchị ahụ.
Ọ sị na ha gbakwara ọtụtụ ụlọ ọkụ na mwakpo ahụ, gụnyere ụlọ ngwa nri, ụlọ ngwongwo ịrụ ụlọ nakwa ụlọụka.
Aruwan sị na e burula ndị merụrụ ahụ gawa n'obodo nọ ha n'akụkụ maka ịnata ọgwụgwọ.
Gọvanọ Steetị ahụ Nasir El-Rufai gbarụrụ iwu maka mwakpo a ma tie ezinaụlọ o metụtara aka n'obi ma kpere ndị nwụrụ na ndị merụrụ ahụ ekpere.
O nyekwara iwu ka ngalaba gbata gbata na Steetị ahụ gbaa mbọ nye obodo ndị o metụtara ihe iti aka n'obi nakwa enyemaka.
7 Febụwarị 2021Manchester City asụriela Liverpool ka akpụ ndị Ngwa
Ebe foto si, Getty Images
O mere ndị Liverpool vuum n’anya mgbe Manchester City ji ọkpụ goolu anọ asatara otu zọọ ha aja n’ụlọ ha bụ Anfield.
Goolu zoro ka mmiri n’elu ụlọ ndị Liverpool dịka oche goolu ha bụ Allison Becker ghọrọ nkata n’asọmpi ahụ.
Nke a malite na nkeji 49’ mgbe Iikay Gundogan nyere goolu na-agbanyeghi na ọ tara Penariti na nkeji 37’.
Dịka ọkara nke abụọ malitere, Liverpool nwetere Penariti nke Mohamed Salah nyere na nkeji 63’.
Man City gwara Liverpool na ọ bụ agụụ na-eti nwata ihe n’ihu nne ya.
Ha malitere ịwụnye goolu ọzọ na nkeji 73’, 76’ bna 83’ bụ nke si n’aka Iikay Gundogan, Raheem Sterling na Phil Foden.
Mmeri a bụ ugboro atọ a na-emeri Liverpool n’ụlọ ha bụ Anfield n’otu usoro ma bụrụ nke mbụ Man. City ga-emeri ha n’ụlọ n’ime afọ iri na asaa.
Ugbua Man. City ji akara iri ise nọrọ na ndị mbụ na tebụlụ ma jiri akara iri akarị Liverpool.
7 Febụwarị 2021Etu e si gbuo ọkaiwu Nwankwo n'ụlọọrụ ya dị n'Owerri
Ebe foto si, Chinedu Agu Secretary, NBA Owerri
Ndị a maghị ndị ha bụ egbuola otu ọkaiwu a kpọrọ Ndionyenma H. Nwankwo onye nwe ụlọọrụ N.H Nwankwo & Co dị na 43 School Road nke Owerri n'ụbọchị satọde 6 Febụwarị, 2021.
Dịka odeakwụkwọ otu jikọtara ndị ọkaiwu n'Owerri bụ Chinedu Agu si kwuo, na Nwankwo gara ọrụ n'ụbọchị ahụ mana ọ lọtaghị n'ụlọ ya ruo n'ụtụtụ ụbọchị ụka a chọtara ozu ya n'ime ụlọọrụ ya.
Mgbe ezinaụlọ ya malitere ịchọ ya, ha kpọtụrụ ọkaiwu Ishmael Nkwocha bụ onye ya na Nwankwo na-arụkọ ọrụ gwa ya na ha ahụbeghi ya kamgbe otu ụbọchị.
Mgbe Nkwocha ruru n'ụlọọrụ Nwankwọ n'ụtụ Sọnde, ọ hụrụ ka e ji igodo gbachie ya mana ọ hụrụ ka ọbara dịcha n'ala nke mere o ji kpọtụrụ ndị uweojii bụ ndị bịara mepee ụlọọrụ ahụ.
Kedụ etu e si gbuo Nwankwọ?
Agụ sị na mgbe ndị uweojii mepere ụlọọrụ Nwankwo, ha hụrụ ka ozu ya tọgbọrọ n'elu ọbara ya juru ebe niile, ha sị na ọ dịka e ji mma gbuo Nwankwo n'olu.
Ha hụrụ ka ọbara ya fesaeịrị n'elu ụlọ, tebụlụ, igwe kọmputa, akwụkwọ nakwa ihe ndị ọzọ Nwankwo ji arụ ọrụ.
Ọ sị na ọ dịka Nwankwo nọ na-arụ ọrụ mgbe e gburu ya dịka igwe kọmputa, igwe ikuku (fan) na ihe ndị ọzọ ka kwụcha n'ọkụ latrik.
Ọ kwuru na ndị uweojii hụrụ akara ụkwụ mmadụ abụọ n'ime ụlọọrụ nke pụtara na ọ dị ka ọ bụ mmadụ abụọ kpara arụ a.
Ha hụkwara mma e ji gbuo ya nakwa efere juru na mmiri ọbara bụ nke a na-acha na ha ji sapụ mma ahụ nakwa aha.
Kedụ ndị kpara arụ a?
Agu mere ka a mata na ndị uweojii ka na-eme nyocha ugbua, ịchọpụta n'uju ndị kpara arụ a na etu o si mee.
Mana o kwukwata na kamgbe ahụ ihe a mere na a hụbeghi ọkwọ ụgbọala Nwankwọ bụ onye a sị ya na Nwankwo nọ n'ụlọọrụ na Satọde.
A na-achọkwa ụgbọala nakwa ekwentị Nwankwo achọ.
7 Febụwarị 2021E nyeela ikike ka Lekki Toll Gate malitekwa ọrụ ọzọ
Ebe foto si, Getty Images
Otu na-ekpe ikpe maka mmekpe ahụ ndị uweojii na Legọs enyeela ikike ka ụlọọrụ Lekki Concession Company (LCC) wegharịa Lekki toll gate ma mepeekwa ya ọzọ.
Nke a mere mgba ụlọikpe a zukọrọ n'ụbọchị Satọde, ebe onyeisioche ha bụ ọkaikpe Doris Okuwobi, chabiri ikpe nke nyere ụlọọrụ LCC ikike iwerekwa Lekki toll gate.
Ọkaikpe Okuwobi mere nke a site na mkpesa ọkaiwu ụlọọrụ LCC bụ Demola Seriki mere nke sị ka e nyeghachị ha Lekki toll gate.
Seriki sị ka e nye ụlọọrụ LCC ohere inyocha ma chọpụta ihe ndị e mebiri na Lekki toll gate ma ọ chọọ ụzọ rụzie ha nke ga-ewe ihe dịka ọnwa abụọ ime.
Nke a ga-abụ ugboro anọ Seriki na-eme mkpesa a n'aha ụlọọrụ LCC.
Mmadụ anọ ndị ọzọ nọ ma kwadoo ikpe a gụnyere Segun Awosanya (e ji Segalink maara), Oluwatoyin Odusanya (Direktọ, Citizen's Right), Taiwo Lakanu na-anọchite anya ndị uweojii na Lucas Koyejo nke ụlọọrụ (National Human Rights Commission)
Skip X post, 1
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post, 1
Mana otu onye ọkaiwu Naịjirịa a kpọrọ Ebun-Olu Adegboruwa na mmadụ atọ ndị ọzọ gụnyere Patience Udoh, Rinuola Oduola nakwa Temitope Majekodunmi jụrụ na mkpebi sị ka e nyeghachị ndị LCC Lekki toll gate.
Cheta na ndịagha Naịjirịa wakporo ndị ntoroọbịa na-eme ngagharịiwe EndSARS na Lekki toll gate n'ụbọchị 20 nke ọnwa Ọktoba afọ 2020.
Skip X post, 2
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post, 2
7 Febụwarị 2021Idris Derby nwere ike ịchị mba Chad nke ugboro asaa
Ebe foto si, AFP
Pati ji ọchịchị na mba Chad enyela onyeisiala Idris Derby nkwado ka ọ zọọ ọkwa onyeisiala ọzọ na ntuliaka a ga-eme n’ọnwa Eprel afọ 2020.
Derby, onye dị afọ iri isii na asatọ, achịala mba Chad ruo afọ iri atọ, dịka ọ malitere ọchịchị n’afọ 1990.
Ntuliaka a ga-adị n'ọnwa Eprel bụ ntuliaka nke isii Derby ga-eso zọọ na mba Chad.
Ọtụtụ ndị mmadụ na mba ahụ na-eme ngagharịiwe iji kpọọ oku ka Idris Derby ghara iso zọọ ntuliaka nke a na-abịa nụ, kama ha chọrọ ka o rituo ma oge ya zuo, mana ndị uweojii na ndị agha mba ahụ na-anwụchikwa ndị na-eme ngagharịiwe.
N'agbanyeghi na Derby ji aka ike achị ọchịchị ya, ndị ọchịchị mba ụwa na-enye ya nkwado n'ihi agha ọ na-ebuso ndị ọgụ ụka alakụba na mpaghara Sahel nke Afrịka.
7 Febụwarị 2021Onye ntaakụkọ Punch enwerela onwe ya n'aka ndị ntọ
Ebe foto si, Getty Images
Okechukwu Nnodim bụ onyentaakụkọ Punch ndị ekperima tọọrọ n’abalị Wenezde, enwerela onwe ya.
Nwunye Nnodim gwara ndị ntaakụkọ na di ya lọtara n’isi ụtụtụ ụbọchị Sọnde.
Ụlọ ntaakụkọ Premium Times deburu na ndị ntọ ahụ kwuru na chọrọ nde naịra iri tupu ha atọhapụ
Okechukwu Nnodim, mana o dobeghị anya ugbu a ma a kwụrụ ụgwọ ahụ iji gbapụta ya.
7 Febụwarị 2021Mmadụ 218 butere nje Covid-19 ọhụrụ n'Anambra steeti
Ebe foto si, NCDC
Mmadụ otu puku, narị ise na iri asatọ na asatọ butere nje coronavirus ọhụrụ na Naịjirịa dịka ngalaba mgbochi ọrịa bụ NCDC si kwupụta.
Ha gụnyere mmadụ narị abụọ na iri na astọ n’Anambra, na mmadụ iri anọ na asatọ n’Ebonyi, ebe mmadụ isii ọzọ ka ọrịa coronavirus gburu na Naịjirịa n’ụbọchị Satọde.
Skip X post
Hapụ X ihe dị na ya?
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
Warning: BBC amaghị maka ihe ndị si n'ọbaozi ndị ọzọ.
End of X post
7 Febụwarị 2021Gọọmentị kwesịrị ịgbaghara ndị 'bandits' ma nye ha 'amnesty' - Sheik Ahmed Gumi
Ebe foto si, Facebook/Sheikh Gumi
Onye ụkọchukwu n'okpukperechi ndị alakụba bụ Sheikh Ahmed Gumi agwala gọọmentị etiti ka ha gbaghara ndị ọchịehi na-akpata enweghị nchekwa na Naịjirịa.
Gumi kwuru nke a na mkpartaụka ya na BBC nwere n'ọdị nso a.
O kwuru na ya na ndị a, bụ ndị gọọmentị kpọrọ 'bandits', enweela ọgbakọ ha wee kọọrọ ya ihe bụ iwe ha.
Gumi kwuru sị: "Site na mkparịtaụka mụ na ha, a chopụtara m na ndị 'bandits' a bụ ndị ọchịehi, mana ọ bụghị ha niile bụ ndị Fulani."
"Ọ dịghị mkpa ka gọọmentị were ndị agha na-awakpo ha maọbụ na-egbusi ha. Ihe dị mkpa bụ ka ha na gọọmentị nwee ọgbakọ."
"Anyị na-ahụ ha dịka ndị ekperima, ha na-ahụkwa anyị dịka ndị ekperima."
"Mana anyị nwere ike ime ka ha gbanwee."
Ebe foto si, Facebook/Sheikh Gumi
Gumi gara n'ihu kwuo na ọ bụ gọọmentị kwanyere ha n'ịbụ ndị ekperima.
O kwuru sị: "Tulekene ndị bi n'ime ọhịa, ha enwghị ụlọ obibi, ha agụghị akwụkwọ, ha anaghị aga ezi ụlọọgwụ, ha enweghị ebe ha na-akpọga ụmụnwaanyị ha dị ime."
"Ọ bụ anyị kwanyere ha n'ịbụ ndị ekperima. Anyị kwesịrị ịzụ ha n'akwụkwọ, kpachapụrụ ha anya, ma gbanwegharịa ha."
"Ọ bụ n'ihi iji chekwaa onwe ha n'aka ndị agha, ya mere ha ji azụkọrọ onwe ha ngwa agha."
"Iji nweta ego ha ji azụ ngwa agha, ya mere ha ji atọrọ ndị mmadụ ma na-ana ha ego."ons.
Ebe foto si, Facebook/Sheikh Gumi
Sheikh Gumi kwuru na gọọmentị aghọgbuola ndị ekperima a ugboro ugboro site n'ike ha nkwa mgbaghara mana ha agaghị eme ya, kama ha na-egbu ndị isi ha.
O kwuru na ha dị njikere ịtọgbọ ngwaọgụ ha ma gọọmentị nye ha mgbaghara nke bekee kpọrọ 'amnesty'.
"Ha chọrọ ọzụzụ, ha chọrọ ịgụ akwụkwọ, nwee ezigbo ụlọọgwụ na ihe ndị ọzọ."
"Naa site n'ịgbanwe ha ka gọọmentị nwere ike iji kwụsị ọgbaaghara a."
7 Febụwarị 2021Manchester United akwọọla aka tiere Everton akị
Ebe foto si, Getty Images
Otu Manchester united na ndị Everton nyere onwe ha ọkpụ goolu atọ atọ n'asọmpi ha gbara n'abalị Satọde.
Ọ bụ na nkeji ikpeazụ nke asọmpi a ka Everton nyere goolu nke atọ ha ji saa nke Man Utd nyere ha.
Asọmpi a ga-ewute Manchester United nke ukwuu n'ihi na ọ bụ ha bu ụzọ nye goolu abụọ n'agba nke mbụ.
Mana o teghị aka agba nke abụọ malitere, Everton sachara goolu abụọ ahụ.
Man Utd nyekwara goolu nke atọ site n'aka Scot McTominay, mana Calvert-Lewis nyeteere Everton goolu nke ikpeazụ iji gosi na nwoke na ibe ya ha n'ezie.
Ọnyụpa a Man Utd gbara emeela ka ha tọ na ndị nke abụọ na tebulu English Premier League dịka Manchester City na Liverpool ga-achịpụ ya n'uhuruchi Sọnde a.
7 Febụwarị 2021Ụtụtụ ọma nụ
Igbo bụ Igbo, ụnụ abọọla chi.
Daalụ maka isonyere anyị na mgbasa ozi nke ụtụtụ taa.
Ka anyị gbapụ ya ọsọ na-egbughị oge.
6 Febụwarị 2021Akụkọ ndị dị mkpa na mgbede a
6 Febụwarị 2021Otu Aston Villa ataala Arsenal ka akị na ụkwa
Ebe foto si, EPA
Aston Villa etiela otu Asrenal epele n'asọmpị Premier Lig nke agbara n'ehihie ụbọchị satọde.
Mmeri ahụ bụ nke wutere otu Arsenal ukwu n'agbanyeghị na ọ bụ naanị otu ọkpụ goolu asataghị ihe ka e ji merie ha.
Ọ bụ goolu nke Watkins bụ ọgba bọọlụ nyere na nkeji abụọ dịka asọmpị ahụ bidoro ka ndị Aston Villa jidesiri ike rukwa na ngwụcha.
Cheta na otu Wolves merikwara Arsenal mgbe ha zutere ha n'asọmpị gara aga.
Otu Leeds United na-echekwa Arsenal maka asọmpị ọzọ n'ụbọchị ụka ọzọ bụ ụbọchị 'Valentine'.
Ka a na-ele anya mara etu ha ga-esi gbaa nke ahụ.
6 Febụwarị 2021Ngige adọọla SSANU na NASU aka na ntị ka ha ghara ịgba abụbụ ọrụ
Ebe foto si, Channels TV
Nkọwa foto, Chris Ngige bụ Mịnịsta na-ahụ maka ndị ọrụ na Naịjirịa
Mịnịsta na-ahụ maka ndị ọrụ na Naịjirịa bụ Chris Ngige adọọla ndịọrụ Mahadum bụ SSANU na NASU aka na ntị ka ha ghara ịgba abụbụ ọrụ ha kwuru na ha ga-agba.
SSANU pụtara 'Senior Staff Association of Nigeria Universities', ebe NASU bụ 'Non-Academic Staff Union of Educational and Associated Institutions'.
Ngige nyere ịdọ aka na ntị a oge ya na Onyeisiala Muhammadu Buhari nwechara obere ọgbakọ n'ụbọchị Fraịde.
Ọ kọwara na abụbụ ọrụ ahụ bụ ihe megidere iwu n'ihi na gọọmentị ehiwela ọgbakọ ebe ha na otu ndị a ga-anọ kpaa maka ihe bụ iwe ha.
Ngige kwuru sị: "Anyị enwetela akwụkwọ maka abụbụ ọrụ ndị SSANU na NASU sị na ha ga-agba, mana anyị na-agwa ha ka ha ghara ịga n'ihu n'ihi na abụbụ ọrụ ahụ ga-abụ ihe megidere iwu ndị ọrụ."
"Gọọmentị na ndị SSANU na NASU nwere ọgbakọ n'ụbọchị Tuzde nke izuụka gara aga ebe ha nọrọ kwuo ihe bụ iwe ha."
"Anyị kpebikwara na nzukọ ọzọ ga-adị n'ụbọchị Tọzde, abalị iri na otu nke ọnwa Febrụwarị a iji kpatọpụ ya."
6 Febụwarị 2021Naịjirịa agaghị eso nweta ọgwụmgbochi coronavirus nke Pfizer
Ebe foto si, Getty Images
Otu 'World Health Organisation' agụpụla Naịjirịa na ndị ga-eso nweta ọgwụ mgbochi coronavirus nke si n'aka ụlọọrụ Pfizer/BioNTech.
Ha kwuru nke a n'ọgbakọ ịntaneetị ha nwere n'ụbọchị Fraịde, ma kọwaa na Naịjirịa enweghị akụrụngwa ha ga-eji chekwaa ya bụ ọgwụmgbochi.
Naịjirịa na-elebu anya na ha ga-enweta otu puku narị ọgwụ mgbochi a, mana ọ gaghị enwezi isi ugbua.
N'ime mba iri na atọ tinyere akwụkwọ maka ya bụ ọgwụ, naanị mba anọ ka WHO kwadoro.
Mba anọ a gụnyere: Cape Verde, Rwanda, South Africa na Tunisia.
A na-atụ anya na mba ndị na-enwetaghị ọgwụmgbochi a n'oge a, ga-emechaa nweta ya.
Onyeisi WHO n'Afrịka bụ Matshidiso Moeti kwuru na ọgaghị adị mma ma ọgwụmgbochi ahụ laa n'iyi.
Ihe kụchapụrụ Naịjirịa maka inweta ọgwụ mgbochi a bụ maka na ha enweghị ebe njụ oyi a ga-echekwa ya bụ ọgwụ mgbochi ka ọ ghara ịla n'iyi.
Mana a na-atụ anya na Naịjirịa ga-enweta ọgwụ mgbochi nke si n'aka Oxford-AstraZeneca, bụ nke e nwere ike ichekwa n'ebe ajụchaghị oke oyi.
6 Febụwarị 2021Ụnụ abọọla chi
Ụtụtụ ọma nụ Igbo ndị ọma.
BBC Igbo amalitela mgbasaozi nke taa.
Ndewo maka isonyere anyị.
5 Febụwarị 2021Ka chi foo nu ụmụ ibe
Unu emeela n'isonyere anyị taa.
Onye a hụrụ taa ka a hụkwa ya echi.
5 Febụwarị 2021Nkeji Coronavirus BBC Igbo
Akụkọ banyere coronavirus ka o si aga n'Afrịka taa.
5 Febụwarị 2021BBC Nkeji
Nchịkọta akụkọ mere n'ụwa n'otu nkeji
5 Febụwarị 2021A tụọla nwafọ mba Amerịka nga maka imetọ ụmụaka na Kenya
Ebe foto si, Youtube
A tụọla Gregory Dow bụ onye mba Amerịka nakwa onye nzisa ozi otu Kraịst nga ihe karịrị afọ iri na ise maka ihe gbasara akwamiko n'ulọ ndị nwa enwe nne na nna o mere na mba Kenya.
A chọptara na Dow onye ya na nwunye ya mepere ya bụ ụlọ nwa enwe nne na nna n'afọ 2008, na-emetọsị ụmụaka ụmụnwaanyị na-akabeghi aka.
Michael Driscoll bụ onye ụlọnchekwa FBI kwuru sị na "Gregory Dow bụ ọchịcha mere ihe e boro oke"