Nwuchie ndị niile na-eke ihe onyonyo mwakpo ndị Fulani n'Ebonyi - Umahi

Mkpuchi Na Eme Ozugbo

Chiagozie Nwonwu

1. 5 Jenụwarị 2021Ọkara ndị butere covid-19 n'ụbọchị Monde si Legọs.

   Mmadụ otu puku na narị abụọ na anọ ọhụrụ ka a chọtara ọrịa coronavirus n'ahụ ha na Naijiria, dịka ngalaba NCDC na-ahụ maka mgbochi ọrịa si kwuo.

   Mmadụ narị isii na iri ise na anọ n'ime ha si Legọs, ebe narị abụọ si Abuja.

   N'otu aka ahụ, gọọmentị Legọs steeti enyela iwu ka ụlọakwụkwọ niile dị na steeti ahụ mepee site n'ụbọchị iri na asatọ nke ọnwa Jenụwarị a.

   Kọmishọna agụmakwụkwọ steeti ahụ bụ Folashade Adefisayo kwuputere nke a dịkaọ na-ekwu na ụlọakwụkwọ ndị a ga-esorịrị usoro mgbochi covid-19 niile gọọmentị wepụtara.

   Cheta na gọọmentị ahụ kwuburu na ndị ọrụ niile ga-enweike ịmalite ọrụ n'ụbọchị iri na asatọ n'ọnwa a kwa.

   Skip X post

   Hapụ X ihe dị na ya?

   Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

   Nabata na gaa n’ihu

   Warning: BBC amaghị maka ihe ndị si n'ọbaozi ndị ọzọ.

   End of X post

2. 5 Jenụwarị 2021Ụtụtụ ọma ụmụ Igbo

   Nnọọnụ na peeji anyị taa.

   Anyị ga-ewetara unu akụkọ niile dị mkpa taa.

   Jisinu ike

3. 4 Jenụwarị 2021Igbo ndị ọma ka ọ dị zie nu

   I meela n'isonyere anyị, biko gbalịa n'ọnyere anyị echi. Daalụ.

4. 4 Jenụwarị 2021Nkeji Coronavirus BBC Igbo

   Gere akụkọ banyere ọrịa coronavirus ka o si dị n'Afrịka taa.

5. 4 Jenụwarị 2021Nkeji BBC Igbo

   Gere akụkọ nchịkọta ihe mere n'ụwa n'ime otu nkeji.

6. 4 Jenụwarị 2021Nwuchie ndị niile na-eke ihe onyonyo mwakpo ndị Fulani n'Ebonyi - Umahi

   

   Ebe foto si, Ebonyi Government

   Aka na-achị Ebonyi steeti bụ David Umahi enyela iwu ka anwuchie ndị niile na-ekesa ihe onyonyo ọ kpọrọ adigboroja ha sị na-egosi ebe a na-awakpo ndị Fulani.

   Ihe onyonyo a na-ewu na soshal midia kemgbe ụbọchị ole ma ole gara aga.

   Gọvano Umahi na Mọnde kwuru na ihe onyonyo ahụ bụ asị ndị mmadụ na-atụ iji mebie aha steeti ahụ.

   Ọ bụ ka ya na ndị isi otu Miyetti Allah mechara nzukọ n'Abakiliki ka Umahi kwuru nke a.

   Ọ sị na ihe onyonyo ahụ na-etinye ụjọ n'obi ndi mmadụ na Naịjirịa, ọkacha n'Ebonyi steeti.

   Mana, Umahi gara n'ihu buo ndị ndọrọndọro ọchịchị ebubo na ọ bụ ha na-akwado nkesa ihe onyonyo a iji mee ka nsogbu di n'etiti ndị Ebonyi na ndi Fulani bi steeti ahụ.

   Ọ sị, "A ma m na ihe onyonyo a na-ewu na soshal midia na-eme ka ọtụtụ mmadu na-etu ụjọ N'ukpuru ọchịchị Abakaliki egbuola ehi abụọ n'abalị ụnyaahụ. Ya mere m jiri asi ka ndị ọrụ nchekwa binyie n'ụrọ."

   Ọ sịkwa ka ndi ọrụ nchekwa nwụchie onye ọbụla na-ekwu okwu ogbugbu mmadụ tụmadị ebe o metụtara ndị Fulani na-achi ehi.

   Umahi sị ka gọọmentị okpuru ọchịchị gbaa mbọ hụ na ndị ọchị ehi nwere nchekwa kwesiri ha.

   Ndị Miyetti Allah n'onwe ha sị na ọ bụ asị na a na-achụ ha n'Ebonyi ma kwuo na ihe onyonyo ahụ bụ adigboroja.

   Skip X post

   Hapụ X ihe dị na ya?

   Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

   Nabata na gaa n’ihu

   Warning: BBC amaghị maka ihe ndị si n'ọbaozi ndị ọzọ.

   End of X post

7. 4 Jenụwarị 2021Gọọmentị Anambra Steetị anabatala arụkwaghịm n'ọrụ nke otu kọmishọna ya gbara

   

   Ebe foto si, Obiano/Madubuko/Facebook

   Gọvano Anambra Steetị bụ Willie Obiano sị na ọ nabatala akwụkwọ arụkwaghịm n'ọrụ nke kọmishọna na-ahụ maka na omenala na nlereanya bụ Chris Madubuko gbara.

   Madubuko tinyere akwụkwọ a n'ụbọchị 11 Disemba, afọ 2020 ma sị na ọ ga-akwụsị ọrụ kpọmkwem n'ụbọchị 31 ọnwa Disemba ahụ.

   A kụkọ sị na Maduko mere nke a iji zọrọ isi ndụ ya site n'aka ndị chọrọ igbu maka ọrụ ọma ọ rụrụ dịka kọmishọna n'Anambra.

   Ọ sị na ndị a chọrọ igbu ya bụ ndị o mechiri ụzọ ha si ezu ma na-eri ego gọọmentị nke mere obi adịghị ha mma.

   Kọmishọna mgbasaozi n'Anambra Steetị bu Don Adinuba gwara BBC Igbo na ọ bụ eziokwu na Madubuko tinyere akwụkwọ arụkwaghịm, na gọọmentị anabatala akwụkwọ ọ gbara.

   Mana ọ sị na ihe Madubuko kwuru sị ka Gọvanọ gbadoo anya nọrọ n'isi ọchịchị ya bụ uche Madubuko maka na Obiano dị mbụ bụrụ onye na-achị nke ọma na Steetị ahụ.

   Mgbe BBC Igbo kpọtụụrụ Chris Madubuko ka o tinye ọnụ n'okwu mere o ji gbaa arụkwaghịm, ọ sị na ọ chọghị ikwu ihe ọbụla banyere ya.

   Ọ sị na ọ chọrọ ka ebe niile jụtụ oyi ugbua, kama ọ sị na gọọmentị anabatala akwụkwọ ahụ ọ gbara.

   Madubuko arụọla ọrụ dịka kọmishọna ugboro atọ malite n'afọ 2018 ruo afọ 2020 n'ọkwa gụnyere kọmishọna na-ahụ maka azụmaahịa na ụlọọrụ, kọmishọna na-ahụ maka njem ụgbọala, ụgbọoloko nakwa nke na-ahụ maka omenala na nlereanya.

8. 4 Jenụwarị 2021Ụlọịkpe akwụsịla Amerịka ịkpọfe onye nwe wikileaks si Briten gawa Amerịka

   

   Ebe foto si, Reuters

   A gaghịzi akpọfe Julian Assange nwe ụlọọrụ ntaakụkọ nzuzo si na mba Briten gawa n'Amerịka dịka ụlọikpe dị na Lọndọn si chabie ikpe.

   Ọkaikpe gbochiri atụmatụ a maka nsogbu banyere ahụike nke ụbụrụisi Assange, tinyere na o nwereike igbu onwe ya.

   Mba Amerịka na-achọ Assange achọ maka ịgba ọtụtụ akụkọ nzuzo n'anwụ n'afọ 2010 na 2011.

   Amerịka sị na ngwungwu ndị a ọ tọghere megidere iwu Amerịka ma tinyekwa ndụ ndị mmadụ na nsogbu.

   Assange busoro mbọ ịkpọlata ya agha ma sị na ọ bụ ihe ndị ndọrọ ndọrọ ọchịchị na-akwado.

   Gọọmentị Amerịka nwere naanị izuụka abụọ ịgba akwụkwọ megide mkpebi ụlọikpe a dịka a na-atụ anya na ha ga-eme ya.

   A ga-ebughachị Assange n'ụlọmkpọrọ Belmarsh bụ ebe ọ nọ kamgbe mana a ga-etinye akwụkwọ ka a tọhapụ ya n'ụbọchị Wenesde.

   Ọkaiwu ya sị ha nwere ihe akaebe ga-egosi na Assange agaghị eri mbọ mbọ ọsọ.

9. 4 Jenụwarị 2021Akpụrụla Sowore na mmadụ anọ ọzọ gawa ụlọ mkpọrọ maka ha mere ngagharịiwe

   

   Otu ụlọ ikpe dị n'Abuja enyela iwu ka akpụrụ onye nwee ụlọ ntaakụkọ Sahara Reporters bụ Omoyele Sowore gawa ụlọikpe.

   Ọ bụ n'ụbọchi Mọnde ka ndị uweojii Naịjirịa kpụpụrụ Sowore na ndị ya na ha so ụlọikpe maka ebubo na ha kpara ajọ nkata, gbakọọ n'enweghi ikike ma nye ọha nsogbu.

   Ọ bụ Sowore na mmadụ anọ ọzọ ka e boro ebubo a.

   A nwụchiri ha n'abalị ụbọchị mbụ nke afọ 2021 ka ha na-eme ngagharịiwe n'abuja.

   Ndị uweojii sị na o bụ Sowore hibere ma nọdụ n'isi ngagharịiwe ahụ ha sị megidere iwu ha.

   Sowore kpere na ebubo eboro ya abụghị eziokwu, ma kwuo na ọ bụghị ya hibere ya bụ ngagharịiwe.

   Ndi uweojii ji ya kemgbe ha nwuchiri ya.

   A nwuchikwara Sowore zọbụrụ ọkwa onyeisiala Naịjirịa n'ọnwa Ọgụstụ nke 2019 maka na ọ kpọrọ ka ndị mmadụ mee ngagharịiwe ọ kpọrọ "Revolution Now".

   Ọ bụ n'ọnwa Disemba 2019 ka a tụghapụrụ ya, ma ka na-ebokwa ya ebubo ịkpa nkata megide Naịjirịa, nrụrụaka nakwa iji ịntanetị amaja ndị mmadụ.

10. 4 Jenụwarị 2021Ọ bụghị eziokwu na a na-achụpụ ndị ọchịehi n'Ebonyi steeti - Uweojii

    

    Ebe foto si, Getty Images

    Loveth Odah bụ ọnụ na-ekwuchitere ndị uweojii n’Ebonyi steeti ekwuola na anaghị awakpo maọbụ achụpụ ndị ọchịehi na steeti ahụ.

    O kwuru nke a iji saa ihe onyonyo na-efegharị na soshal midia na-akọwa na a na-achụpụ ndị ọchịehi, ma kwuo na ndị nnọchiteanya ndị ọchịehi bịara njem nleta na nke gọvanọ steeti ahụ bụ Dave Umahi, na mbido afọ ọhụrụ a.

    Odah kwuru na ọ bụ ndị omekome rụgharịrị otu ihe onyonyo wee sị na ọ bụ ihe mere n'Ebonyi, tupu ha efesaa ya, na ya bụ ihe onyonyo abụghị eziokwu.

    O kwuru na n'ụbọchị abụọ nke ọnwa Jenụwarị ka otu nwoke bụ Alhaji Adamu bi n'obodo Ozibo dị na Nkaleke Ichaba/Enyibishiri na steeti ahụ, kpebiri na ịkpọla ezinaụlọ ya Taraba steeti bụ ebe o si, ebe ọ kwuru ka ọ gaa chọọ ma ehi ya aga ahụ ahịhịa ndụ, dịka ọkọchị maliterela.

    Odah kwukwara na Adamu gwara onyeisi obodo Ozibo tupu o jiri aka ya kwakọrọ ụfọdụ ezinaụlọ ya; o kwukwara na Adamu hapụrụ ndị ezinaụlọ ya mmadụ asaa nakwa ụfọdụ ehi ya n'obodo Ozibo.

    Odah kwuru na kọmishọna uweojii steeti ahụ bụ Philip Sule Maku enyela iwu ka e mee nnyocha ịmata ndị mepụtara ihe onyonyo a.

11. 4 Jenụwarị 2021Trump ọ chọrọ ka Georgia gbanwee mpụtara ntuliaka mere Joe Biden onye mmeri?

    

    Ebe foto si, Getty Images

    A kpụ Donald Trump bụ onyeisiala mba Amerịka n’ọnụ dịka a nụrụ olu ya ebe ọ na-agwa otu onyeisi ntuliaka na steeti Georgia ka o mee ihe ọbụla dị n’ike ya ịhụ na ọ gbanwere mpụtara ntuliaka steeti ahụ.

    Nke a na-abịa dịka Trump kpọrọ Brad Raffensperger bụ odeakwụkwọ steeti ahụ nakwa onye pati Republican, n’ekwentị na-agwa ya ka o kwuo na a chọtara vootu karịrị nke Joe Biden ji merie na steeti ahụ.

    N'akụkọ ụlọọrụ Washington Post biputara, Trump kwuru sị "a chọrọ m ka a chọta vootu 11,780", mana Raffensperger sara ya sị na e nweghi ihe ọbụla mere mpụtara ntuliaka ahụ.

    Skip X post

    Hapụ X ihe dị na ya?

    Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

    Nabata na gaa n’ihu

    Warning: BBC amaghị maka ihe ndị si n'ọbaozi ndị ọzọ.

    End of X post

    Cheta na Biden meriri Georgia nakwa steeti ndị ọzọ bụ 'egbe buru ọ laa', nakwa vootu ndị electoral college 306 iji merie ntuliaka ọkwa onyeisiala mba Amerịka, ebe Trump nwetara 232.

    Mana kemgbe e mechara ntuliaka ahụ n'ụbọchị atọ nke Novemba, Trump na-ebo ebubo nrụrụaka, na-egosighi ihe akaebe ọbụla.

    A na-eche ụbọchị isii nke ọnwa Jenụwarị a, mgbe ndị ụlọomeiwu kwesịrị ibinye aka na mpụtara ya bụ ntuliaka dị mma.

    A ga-edu Biden n'iyi ọrụ n'ụbọchị 20 nke ọnwa Jenụwarị.

12. 4 Jenụwarị 2021Ihe karịrị mmadụ 90,000 ebutela coronavirus na Naịjiria

    Ihe karịrị mmadụ puku iri itoolu ebutela ọrịa coronavirus na Naịjiria kemgbe o selitere isi, dịka ngalaba na-ahụ maka mgbochi ọrịa na Naịjiria bụ Nigeria Centre for Disease Control (NCDC) si kwuo.

    Nke a na-abịa dịka a chọtara ya bụ ọrịa n’ahụ mmadụ narị itoolu na iri na asaa ọhụrụ.

    Ka ọ dị ugbua, ihe karịrị mmadụ puku iri asaa na ise esikwala n'ute ya bụ ọrịa gbakee.

    Skip X post

    Hapụ X ihe dị na ya?

    Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

    Nabata na gaa n’ihu

    Warning: BBC amaghị maka ihe ndị si n'ọbaozi ndị ọzọ.

    End of X post

13. 4 Jenụwarị 2021Ị bọọla chi?

    Daalụ maka isonye anyị taa.

    Nnọọ.

14. 3 Jenụwarị 2021Gọọmentị Ogun akwụsịla onye kọmishọna ọrụ n'ihi ebubo ịwakpo nwata nwaanyị

    

    Ebe foto si, ABIODUN ABUDU-BALOGUN/FACEBOOK

    Gọọmentị Ogun Steetị akwụsịla kọmishọna na-ahụ maka gburu gburu ebe obibi bụ Abiodun Abudu-Balogu ọrụ maka ebubo na ọ chọrọ ịwakpo nwata nwaanyị dị afọ iri na isii bụ Barakat Mayowa Melojuekun.

    N'ozi odeakwụkwọ steetị ahụ bụ okunbo Talabi wepụtara n'ụbọchị Sọnde, ọ sị na a kwụsịtụrụ ya ọrụ ruo mgbe a ga-emecha nyocha n'ebubo e boro kọmishọna a.

    Na gọọmentị sị na ikpe amabeghi ya kama na ha mere nke a iji nye Abudu-Balogun ohere ka ya na ndị uweojii rụọ nke ọma n'ime nyocha ahụ.

    Akụkọ kwuru na nwata ka nọ n'ụlọakwụkwọ sekọndịrị mere ihe onyonyo ebe ọ sị na kọmishọna a wakporo ya n'ụlọ ya.

    Mana kọmishọna wepụtara ozi sị na aka ya dị ọcha n'ebubo a nwata ahụ boro ya na-agbanyeghi na o kwetere na nwata ahụ bịara n'ụlọ ya.

    Ọ sị na onweghi ihe ọjọọ o mere nwata ahụ na ọ bụ mmetọ ka a chọrọ imetọ aha ya n'ihi ndọrọ ndọrọ ọchịchị.

15. 3 Jenụwarị 2021E gbuola ndị mmadụ ka a tụrụ na Giwa dị na Kaduna Steetị

    

    Ebe foto si, Kaduna State Government

    A lara ọtụtụ ndụ ndị mmadụ n'iyi n'okpuruọchịchị Giwa dị na Kaduna Steetị dịka ndịagha na ndị uweojii ji mee ka gọọmentị Kaduna mata.

    O gbugbu ndị a mere n'obodo Kaya nke nwere agbata n'obodo Hayin Kaura nke Katsina Steetị, ọ mlitere n'ụbọchị mbụ nke ọnwa Jenụwarị.

    Mgbe ndị ekperima wakporo obodo Kaya ma tọọrọ ndị mmadụ gụnyere ụmụnwaanyị abụọ lụrụla dị. Nke nchekwa si obodo Kaya na Hayin Kaura gbakọtara aka chụwa ndị ekperima a ọsọ.

    Mana ndị ekperima ahụ gburu otu onye ndu nke ndị obodo Kaya a kpọrọ Shamsu Umar bụ onye a hụrụ ozu ya n'ụbọchị abụọ nke ọnwa Jenụwarị.

    

    Ebe foto si, KDSG

    Dịka ha na-ebulata ozu ya, ndị a na-amaghị ndị ha bụ zutere ndị ọchịehi mmadụ anọ n'ụzọ ma gbuo ha anọ iji megwara maka ogbugbu e gburu Shamsu Umar.

    N'ihe dịka elekere isii nke ụbọchị abụọ ọnwa Jenụwarị ahụ, ihe karịrị mmadụ iri ise bu egbe ma jiri ọgbatumtum wakporo obodo Kaya ma bido ịgba egbe aghara aghara.

    Ndị ọrụ nchekwa ụgbọelu na ndị uweojii wuchiri ebe ahụ mana tupu ha na-erute, ndị a gbagbuola ihe ruru mmadụ iri na otu ebe ọtụtụ ndị merụrụ ahụ.

    Dịka ọ dị ugbua ndị ọrụ nchekwa gụnyere ndịagha na ndị uweojii jupụtara n'ogbe ahụ ime ka udo chịa.

    Nke a dị n'ozi kọmishọna na-ahụ maka nchekwa na Kaduna Steetị bụ Samuel Aruwan tinyere aka na ya.

16. 3 Jenụwarị 2021Lee mgbe ụlọakwụkwọ ga-emepe n'ụfọdụ Steetị dị n'Ọwụwanyanwụ

    

    Dịka agbachaala ekeresimesi na afọ ọhụrụ nke afọ 2020, gọọmentị steetị dị iche iche ekwuola mgbe ụlọakwụkwọ dị na steetị ga-emekwa maka ụmụakwụkwọ.

    N'Abia Steetị - Gọvanọ Okezie ikpeazu nke Abia Steetị site n'aka kọmishọna agụmaakwụkwọ sị na ụlọakwụkwọ ga-emepe n'ụbọchị iri na otu nke ọnwa Jenụwarị afọ 2021.

    Ha sị na onyeisi ụlọakwụkwọ ọbụla nupuruisi n'iwu a ga-ata ahụhụ na-eso nnupuisi a.

    N'Ebonyi Steetị - Gọvanọ Ebonyi Steetị bụ David Umahi site n'aka kọmishọna mgbasaozi bụ Onyebuchi Chima sị ka ụlọakwụkwọ mepee n'ụbọchị iri na asatọ nke ọnwa Jenụwarị afọ 2021.

    Ebe ụlọakwụkwọ Mahadum na ndị otu ga-emepe n'ụbọchị anọ nke Jenụwarị dịka e hiwere na mbụ.

    Ọ sị ka onye ọbụla,ndị nkuzi na ụmụakwụkwọ rubeisi n'iwu na-achịkwa coronavirus nke ụlọọrụ NCDC nyere.

    Na Rivas Steetị - Gọvanọ Nyesom Wike site n'ọnụ kọmishọna mgbasaozi ya bụ Paulinus Nsirim sị na ụlọakwụkwọ niile ga-emepe n'ụbọchị anọ nke ọnwa Jenụwarị, afọ 2021.

17. 3 Jenụwarị 2021Etu Amotekun si chụọ ndị ochiehi ọsọ n'ime oke ọhịa dị n'Oyo

    

    Ebe foto si, Amotekun/Twitter

    Otu nchekwa na Ọdịdanyanwụ nke Naịjirịa bụ Amotekun sị na anwụchiela mmadụ iri a na-enyo enyo na-awakkpo ndị mmadụ na mpaghara ahụ n'oge ekeresimesi a.

    Olayinka Olayanjo bụ onyeisi otu mere ka a mata nke a ma sị na o nyefela ndị a n'aka ndị uweojii ka e nyochaa ha nke ọma.

    N'otu aka ahụ ndị ọrụ nchekwa a nyere ndị ọchị ehi ọsọ ụkwụ erughi ala 'ime oke ọhịa Opara Forest Reserve na Agricultural Development Programme Forest dị n'Oyo Steetị.

    Ha sị na ha mere nke a site na njikọ aka ha na ndị na-agba dinta n'ọhịa ndị a.

    N'ozi ọnụ na-ekwuru ndị a bụ Ayolola Adedoja wepụtara, ọ sị na ha natara ozi na ọ bụ ụfọdụ ndị eze ọdịnala nyere ndị ọchịehi a ikike ịbanye n'ọhịa ndị a.

    Mana ọ sị na gbalịrị ma chụọ ndị ọchịehi a ọsọ n'elekere abụọ nke isi ụtụtụ site n'enyemaka onyeisi ndị dinta n'oge ahụ bụ onyeamụma Ojoawo.

18. 3 Jenụwarị 2021Lee mmadụ otu narị gọọmentị machiri ime njem si Naịjirịa pụọ

    

    Ebe foto si, PTF/Twitter

    Otu ọtawaike e hiwere na Naịjirịa maka ibuso coronavirus agha ebipụtala akara akwụkwọ njem mmadụ otu narị jụrụ inyochaghị ahụ ha dịka ha si njem bata na Naịjirịa.

    Onyeisioche otu a bụ Boss Mustapha tinyere aka n'akwụkwọ bu akara njem ndị a bụ nke ha bipụtara na soshal midia.

    "Otu PTF amachiela mmadụ otu narị ime njem n'ihi erubeghi isi n'iwu inyocha ahụ maka coronavirus n'ime ụbọchị asaa ha si ofesi lọta", nke a ihe dị n'ozi ahụ.

    Mmachi ahụ ga-abụ ọnwa isii malite n'ọnwa Jenụwarị ruo ọnwa Juun, nke a pụtara na ndị akara akwụkwọ njem ha dị na ya agaghị esi Naịjirịa pụọ.

    Otu a sị ha agwaala ndị njem a maka mmachi e nyere ha na ha enweghi ike iji akwụkwọ njem ha apụ na Naịjirịa.

    Skip X post

    Hapụ X ihe dị na ya?

    Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

    Nabata na gaa n’ihu

    Warning: BBC amaghị maka ihe ndị si n'ọbaozi ndị ọzọ.

    End of X post

19. 3 Jenụwarị 2021Mike Pence anabatala atụmatụ ịkagbụ mmeri Joe Biden Ted Cruz na-ahazi

    

    Ebe foto si, Reuters

    Osote Onyeisiala Amerịka bụ Mike Pence anabatara mbọ ndị Sịnetọ iri abuọ nke Ted Cruz nọ n'isi ha na-agba iji napụ Joe Biden mmeri o meriri Donald Trump na ntuliaka Amerịka mere n'afọ 2020.

    Ndị Omeiwu a chọrọ ka emee nyocha ruo abalị iri banyere ebubo na emere nrụrụaka na ntuliaka ahụ n'agbaneghi na onweghi akaebe na ihe di etua mere.

20. 3 Jenụwarị 2021Ogbunigwe egbuola ndị agha mba Frans abụọ

    

    Ndị agha mba Frans abụọ nwụrụ ka ogbunigwe gbara n'ụzọ ụgbọala ha nọ n'ime ya eme njem.

    Nke a na-abịa ka o mere abalị ole ma ole ndị agha atọ mba ahụ nwụkwara n'ụdị ahụ.

    Ụlọ ọrụ Onyeisiala Emmanuel Macron sị na ọ matara n'ọdụ mgbawa obi etu Yvonne Huynh na Loic Risser siri nwuọ na mpaghara Menaka.

    Huynh, dị afọ 33, bụ onye agha nwaanyị mbụ mba Frans zigara mpaghara Sahel kemgbe mba ahụ malitere ihe ha kpọrọ ọrụ nchekwa na mpaghara ahụ.

    Ndị agha Frans siri na ọnwụ ndị a butere 50 ndị agha ha nwụrụ na Mali kemgbe ọnwa Jenụwarị 2013.

    Risser was 24. Both were members of a regiment specializing in intelligence work..