Onitsha tanker fire: Lee ụfọdụ ndị ọkụ kpụrụ isi ma kpụọ afụọnụ ha

Mkpuchi Na Eme Ozugbo

Chimamaka Ihenacho, Chigozie Ohaka, Ikechukwu Kalu, Chukwunaeme Obiejesi and Adline Okere

1. 19 Ọktọba 2019Ọtụtụ ụlọ gbara ọkụ na-adaruzi ala ugbua n'Ọchanja,

   A na-asị na ala adịghị mma bụ uru ndị eze!

2. 19 Ọktọba 2019Lee ụfọdụ n'ime ndị ọkụ ọgbụgba kpụrụ isi ma kpụọ afụ ọnụ ha,

   Essy na-ekele Chukwu na ya na nne ya nwere ike gbapụ ọsọ oge ọkụ ahụ na-akpa ike ụbọchị Wenezde ahụ.

   O kwuru na ọ bụ n'otu ebe ahụ ka nna ya sị azụ ha n'ụlọakwụkwọ ma nyekwa ha nri.

3. 19 Ọktọba 2019Onitsha Tanker Fire: Onitsha kwesịrị inwe ezigbo ndị ọrụ mmenyụ ọkụ - Obi Onitsha

   Obi Ọnịcha bụ Nnaemeka Achebe ekwuola na obi ya tiwara maka ihe ọkụ tanka a mere n'Ọnicha.

   Ọ bụ n'akwụkwọ ozi o depụtara ka o tiri ndị ọkụ a metutara aka n'obi ma kelee onyeisiala bụ Muhammadu Buhari, Gọvanọ Willie Obiano na ndị Eze odinala zitere ha ozi iti aka n'obi.

   O kwukwara na ọ na-echeta nke mere na Mee afọ 2015 ebe tanka bụ mmanụ ụgbọala dakwara ma gbuo ihe ruru mmadụ iri isii.

   Obi Ọnịcha kwuru na mgbe ọ na ezi ozi Ofala ka o kwuru maka etu Anambra steeti si di.

   O kwuru maka etu azumahia na mmepe obodo si bụru ọdachi nye Ọnịcha.

   Ekele ya rukwara Gọvanọ Willie Obiano maka etu o siri gbatara ndị Ọnịcha ọsọ enyemaka.

   Kama o kwuru, kwusie ike na ezigbo ndị ọrụ mmenyụ ọkụ dị ezigbo mkpa n'obodo mepere emepe dịka Ọnịcha.

4. 19 Ọktọba 2019Lee ihe ọkụ mere ihe ndị mmadụ n'Ọmọba dị n'Ọnịcha, Ọkụ ọgbụgba n'Omagba: Mmadụ anwụghị mana ụzụ akwa na-atụ n'ihi na ụlọ na Ụgbọala agbaachaala ọkụ.,

   Ọkụ mere ndị mmadụ ịwa!

5. 18 Ọktọba 2019Ọkụ Ọchanja napụrụ otu nwoke ụlọahịa ya nke Ọmaba na-apụ ya ụlọobibi, Nwoke a nwere ụlọahịa n'Ọchanja ma nwee ụlọobibi ya n'Ọmaba

   Akụkọ na-eru anyị site n'Ọmaba na-ekwu na ọkụ gbara n'Ọchanja gbara ụlọọahịa otu nwoke ebe nke gbara na n"ọmaba gbara ụlọobibi ya.

   Ọ bụ ndị agbataobi nwoke a gwara BBC Igbo ụdịrị ọdachi a metụtara nwoke a.

6. 18 Ọktọba 2019Anyị emepeela ọbaego maka ndị ọkụ metụtara - Gọọmentị Anambra, Ha kpọrọ aha ọbaego 'Anambra State Victims Support Account'.

   Gọọmentị Anambra steeti sị na ha emepela ọbaego maka iji nyere ndị ọkụ ọgbụgba a metụtara.

   Ha rịọrọ ndị enyi, ndị agbataobi ka ha nyere ndị a aka etu ha nwereike.

   N'otu aka ahụ gọvanọ Obiano etinyela atụmatụ inye ndị ọrụ mgbanyụọkụ ikike ịkwụrụ nke onwe ha.

   Nke a ga-enwe isi ma ọ bụrụ na ndị ụlọomeiwu Anambra Steeti tinyeaka n'ime atụmatụ a.

   Ikike a ga-eme ka ndị ọrụ mgbanyụọkụ hazie ego ọbụla batara ha aka na-abụghị gọọmentị itinye aka na ya.

7. 18 Ọktọba 2019BBC Igbo gara Ọmaba igosi etu o si mee

8. 18 Ọktọba 2019Anya hụrụ ka ọkụ Ọmaba Ọnịcha si gbaa, Onye aha ya na Twitter bụ Mr Styles gosiri ihe onyonyo etu o si mee

9. 18 Ọktọba 2019Maap ebe ndị ọkụ gbara n'Anambra, Tanka abụọ gbara ọkụ n'Ọchanja na Ọmaba n'ime ụbọchị abụọ

10. 18 Ọktọba 2019Ụgbọala 22 gbara ọkụ n'Ọmaba, Ọkụ a metụtara ụlọ asatọ n'abụghị ndị nke Upper Iweka na Ọchanja

    Ọnụ na-ekwuru ndị uwojii n'Anambra steeti bụ Haruna Mohammed sị na ọ bụ ụgbọala iri abụọ na abụọ ka ọkụ gbapịara n'ụlọ a na-arụ ụgbọala dị n'ime ụzọ Udi street Ọmaba.

    O kwuru na ọ bụ ụlọ asatọ ka ọkụ a metụtara.

11. 18 Ọktọba 2019Tanka ọzọ agbala ọkụ n'Ọmaba, Ọnịcha., Ndị uweojii sị na o nweghị onye nwụrụ

    Dịka a na-ekwu nke mere eme, ụgbọala Tanka ọzọ dara ma gbaa ọkụ n'okporoụzọ Ọmaba Phase 1 nke Ọnịcha na mgbede ụnyaahụ.

    Mana ndị uweojii site n'ọnụ onye na-ekwuru ha bụ Haruna Mohammed sị na o nweghi onye nwụrụ n'ọkụ a gbara. Mohammed kwuru na ha ebupụla ụgbọala Tanka a n'ụzọ ka ọ ghara ibute kpachi kpachi okporoụzọ.

12. 18 Ọktọba 2019E kwesịrị ịchụ onyeisi ndị mmenbyụ ọkụ na mberede

    Gịnị na-afịọ BBC Igbo taa chakere anya n'ihe gbasara tanka dara n'Ọnịcha.

13. 18 Ọktọba 2019Ndị gọọmenti ekwupụtabeghi ndị ihe mberede a metụtara

    Ndị gọọmenti ekeupụtabeghi mmadụ ole mberede mere n'Ọnịcha.

14. 17 Ọktọba 2019Lee ihe ndị ọkụ a metụtara nwere ikwu

    Iwe na ọnụma jupụtara ndị Ọnịcha obi, ọ kachasị ndị ọkụ a gbara ụlọ ma ụlọahịa ha.

15. 17 Ọktọba 2019Tanka nsi nyere aka menyụọ ọkụ, Ụlọahịa ebe ọkụ ka na-ere n'Ọnitsha

16. 17 Ọktọba 2019Ụfọdụ ụlọahịa ndị mmadụ ka na-enwu ọkụ

    Ụfọdụ ụlọahịa ndị mmadụ ka na-enwu ọkụ ugbua.

17. 17 Ọktọba 2019Chi ewerela ehihie jie

    Mkpu akwa na-ada n'elu n'ala.

    Ọtụtụ ngwaahịa ndị mmadụ lara n'iyi n'ọkụ ahụ.

    Ọtụtụ ndị nwụkwara na ya, dịka onye ntaakụkọ anyị nọ n'Ọnịcha ugbua si kwuo.

18. 17 Ọktọba 2019Okporoụzọ Upper Iweka ebe ndị mmadụ ka na-akwa arịrị

19. 17 Ọktọba 2019Lee ka o si aga n'Ọnịcha ugbua

20. 17 Ọktọba 2019Gọvanọ Obiano eruola ebe ọkụ tanka gbara n'Onịcha, Gọvanọ Obiano agala ebe ahụ ọkụ gbara n’Upper Iweka, Onịcha.

    Nnọọ nu, anyị na-ewetere unu etu ihe sị aga ebe ọkụ gbara n'Ọnịcha ụnyaahụ.Lee foto tanka ka o siri gbaa n'Ọnicha ụnyaahụ

    Ọ gwara ndị ihe ahụ metutara okwu nkasị obi.

    Ọ sịrị ha ndo maka ihe ọjọọ ahụ mere ha.

    Ọ rịọkwara ndị mmadụ ka ha nyere ibe ha aka n’oge dị otu a.

    Ọ rịọkwara ha ka ha ghara ịkpa aghara ma ruwe isi n’iwu obodo.

    Ọ kwekwara nkwa na gọọmentị ga-eti ndị ya bụ ihe metutere aka n’obi tupu agbaa ekeresimesi.

    Ọ kasiri ha obi na ha ga-agba ekeresimesi a n’ọṅụ.

    Ọ sị na ndị kọmitii ga-abịa ebe ahụ echi ịmata ndị ya bụ ihe metutere.

    Sị ha nyere ha aka.

    Obiano kwekwara nkwa na gọọmentị ga-elebara ọrụ mmgbanyụ okụ Steeti ahụ anya ma nye ha akụrụngwa ga-enyere ha aka ịrụ ọrụ ha.

    Ọ kwuru na “anyị ga-ajụ ma gbochie ndị ọkanogori chọrọ iji ohere a zuo ihe ndị mmadụ”.

    Ọ rịọsiri ha ike ka ha ghara ịda mba.