"Nne na nna m nwụrụ ka ha na-achọ nwanne m na-amaghị na a kpọchiri ya nga mgbe ọ dị afọ 14"

Aha onyonyo, "Nne na nna m nwụrụ ka ha na-achọ nwanne m na-amaghị na a kpọchiri ya nga mgbe ọ dị afọ 14
"Nne na nna m nwụrụ ka ha na-achọ nwanne m na-amaghị na a kpọchiri ya nga mgbe ọ dị afọ 14"
    • Onye dere ya, Marvelous Obomanu & Donald Wogu
    • Ndị mere akụkọ a, Broadcast Journalist & Video Journalist

Ihe a bụ akụkọ otu nwoke na Rivas steeti ezinaụlọ ya chere na ọ nwụọla mana ha amaghị na ọ nọ n'ụlọmkpọrọ kamgbe.

Gospel Kinani bụ onye e tinyere n'ụlọmkpọrọ mgbe ọ dị afọ iri na anọ, ọ nọ n'ụlọmkpọrọ afọ iri na asatọ.

Nne na nna ya chọrọ ya ebe niile tupu ha laa mụọ mana o nweghi onye hụrụ ya

Paul Kinani, nwanne ya nwoke kwuru na ezinaụlọ ha chere na Gospel Kinani anwụọla dịka ọtụtụ afọ gachara ma ha ya.

Gospel Kinani onye e tinyere n'ụlọmkpọrọ ọgu afọ iri na asatọ

Mgbe BBC Igbo gbara Paul ajụjụ ọnu, ọ kọwara na ha amaghị ndị nwuchịrị ya maọbụ ihe gbasara ikpe ya. "Ihe anyị ma bụ na o richara nri n'ụtụtụ ụbọchị ahụ, oge mgbede anyị ahụghị ya ọzọ. Ọ bughị onye na-anọ na-ezi. Anyi amaghị ihe na-eme"

Ujọ bara ezinaụlọ Gospel n'ahụ dịka ha chọwara ya. "Ụbọchị ahụ gara ma anyị ahụghị ya. Nke a bịa bụrụ ezigbo nsogbu dapụtara anyị"

"Etu a ka anyi si na-ata ahụhụ na-achọ ya tupu nne m ebido rịawa ọria n'ihi ofufu nwa ya, mana o mechara nwụọ. Nna m enweghi ike idi nwa ya furu efu na nwunye ya nwụrụ n'ihi ya, o soro nwunye ya laa kwa mmuo"

Skip content and continue reading

End of content

Gospel Kinani onye e tinyere n'ụlọmkpọrọ, nwanne ya bụ Paul Kinani na ndị ụlọọrụ Haven360 Foundation
Nkọwa foto, Gospel Kinani onye e tinyere n'ụlọmkpọrọ na nwanne ya Paul Kinani na ndị ụlọọrụ Haven360 Foundation

Paul onye na-amaghị na nwanne ya nwoke ka dị ndụ kamgbe, kọwara na Mgbe otu ụlọọrụ a na-akpọ Haven360 Foundation kpọrọ ya n'ekwentị ma gwa ya na nwanne ya nwoke ka dị ndụ mana ọ nọ n'ụlọmkpọrọ, obi ọma kpara ya nke ukwuu.

Okaiwu Cyrus Onu, onyeisioche ndị Haven360 Foundation — otu ndị na-ahụ maka ikike dịịrị onye lebara anya n'okwu Gospel n'afọ 2020 kọwara na e tinyere Gospel n'ụlọmkpọrọ site n'uzọ iwu na-akwadoghi.

Ọ si na mgbe mmadụ nọ n'ụlọmkpọrọ, ihe a ga-eji ama ihe o mere bụ akwụkwọ njide nke bekee na-akpo 'arrest warrant' na nkwupụta nke ụlọikpe na-enye e ji etinye mmadụ n'ụlọmkpọrọ nke bekee na-akpọ 'remand order' mana onweghị ihe ndị dị etu a tupu e tinye Gospel n'ụlọmkpọrọ.

Kaa ọ dị ugbua, a kpọrọla Gospel gaa n'ụlọọgwụ ebe ọ ga-enweta ọgwụgwọ zuruoke maka ahụike uche ya nwere nsogbu n'ihi n'ogologo afọ ọ nọrọ n'ụlọmkpọrọ.

Mgbe anyi kpọtụụrụ ndị uweojji Rivas steeti, ha sị na ndị ụlọmkpọrọ kwesịrị inwe akwụkwọ gbasara Gospel Kinani.

Onye na-elekọta ndi e tinyere na mkpọrọ na Rivas steeti bụ Felix Madumere kọwara na Gospel Kinani nwere akwụkwọ e ji kpọta ya n'ụlọmkpọrọ.

"Akwụkwọ e ji kpọta ya gosiri na e boro ya e bubo izu ohi. Aha ya n'akwụkwọ ahụ bụ Baridi Sunday, ọ gbara afọ iri abụọ na abụọ mgbe a kpọtara ya n'ụlọmkpọrọ".

Mgbe ndị ụlọọrụ Haven360 Foundation Bịara ileta ezinaụlọ Gospel Kinani tupu ha kpọrọ ya gaa n'ụlọọgwụ ahụike uche.