Ebola: Ana sa ran fitar da hanyoyin magance ta
Asalin hoton, afp
Hukumar Lafiya ta Duniya WHO na saran fitar da wata shawara akan hanyar da za abi wajen magance cutar Ebola daga bisani a yau.
Sanarwar na zuwa ne bayan da kwararru 200 suka gana a Geneva, domin nazarin ingancin wasu hanyoyin magance cutar da ake gwajinsu guda Takwas, da kuma maiyiwuwa wasu alluran rigakafin kamuwa da kwayar cutar guda biyu.
Cutar ebola a Yammacin Afirka tayi sanadiyyar mutuwar mutane kusan dubu- biyu, kuma 400 daga cikinsu sun rasa rayukansu ne a makon daya gabata kadai
